നേര്ച്ചയായി നല്കിയ ഏലയ്ക്കാ മാലയ്ക്ക് ലേലത്തില് ലഭിച്ചത് 42,000 ഡോളര്
ഏലയ്ക്ക മലയാളികള്ക്ക് പ്രിയങ്കരമായ ഒന്നാണ്. ഏലയ്ക്കയുടെ ഗുണത്തെക്കുറിച്ച് അറിയാത്തവരായി ഒരു മലയാളി പോലും ഉണ്ടാകില്ല. ന്യൂയോര്ക്കില് റോക്ലാന്ഡ് വെസ്റ്റ്ചെസ്റ്റര് ക്നാനാനായ മിഷനില് പരിശുദ്ധ ദൈവമാതാവിന്റെ തിരുനാളിനോട് അനുബന്ധിച്ചു ന്യൂജേഴ്സി ക്നാനായ മിഷനിലെ ടോം നേര്ച്ചയായി നല്കിയത് ഏലയ്ക്ക കൊണ്ടുണ്ടാക്കിയ മാലയായിരുന്നു.
പരിശുദ്ധ മാതാവിന്റെ പേരില് ഒരു ദേവാലയും ഉണ്ടാകണം എന്ന ആഗ്രഹം മിഷന് ഡയറക്ടര് ഫാ .ജോസ് ആദോപ്പിള്ളി തിരുനാള് ആഘോഷങ്ങള്ക്കിടയില് സൂചിപ്പിച്ചു. തുടര്ന്ന് മിഷനിലെ അംഗങ്ങള് നേര്ച്ചയായി ലഭിച്ച ഏലയ്ക്ക മാല ലേലം ചെയ്യാമെന്ന് തീരുമാനിച്ചു. മിഷനിലെ അംഗങ്ങള് എല്ലാവരും ചേര്ന്ന് നടത്തിയ ഏലയ്ക്കാ മാലയുടെ ലേലം ആവേശവും ആഹഌദവും ഉണര്ത്തുന്ന അനുഭവമായി.
ക്യുന്സ് ,വെസ്റ്റ്ചെസ്റ്റര് ,റോക്ലാന്ഡ് ,കണക്റ്റികട്ട് ക്നാനായ മിഷനുകളിലെ അംഗങ്ങള് ലേലത്തില് പങ്കെടുത്തു ആവേശകരമായ മത്സരത്തിനൊടുവില് റിക്കാര്ഡ് തുകയായ 42,000 ഡോളറിന് ഏലയ്ക്കാ മാല റോക്ലാന്ഡ് മിഷനിലെ അംഗമായ രാജേഷ് പുത്തന്പുരക്കല് ലേലത്തില് സ്വീകരിച്ചു. പരിശുദ്ധ കന്യാമറിയത്തിന്റെ നാമത്തില് നിര്മിക്കാന് ആഗ്രഹിക്കുന്ന ദേവാലയത്തിനു വേണ്ടി മുഴുവന് തുകയും ഉപയോഗിക്കുമെന്ന് മിഷന് ഡയറക്ടര് ഫാ :ജോസ് ആദോപ്പിള്ളി പറഞ്ഞു.
https://www.facebook.com/Malayalivartha