നോബല്‍ സമ്മാനത്തിന്റെ ഹാസ്യാനുകരണ അവാര്‍ഡായ ഐജി നോബല്‍ സമ്മാനവിതരണം ഹാര്‍വാര്‍ഡില്‍ നടന്നു
എലികളെ പോളിയെസ്റ്റര്‍ പാന്റ് ധരിപ്പിച്ചാല്‍ എന്തു സംഭവിക്കും, നിങ്ങളുടെ കാലുകള്‍ക്കിടയിലൂടെ ലോകത്തെ നിങ്ങള്‍ നോക്കിയാല്‍ എന്തു വ്യത്യസ്തയാണ് ഇണ്ടാവുക എന്നൊക്കെയുള്ള ചിന്താധാരകള്‍ക്കാണ് ഇത്തവണത്തെ വാര്‍ഷിക ഐജി നോബല്‍സമ്മാനം നല്‍കപ്പെട്ടത്.
മാനുഷിക മൂല്യങ്ങളും ശാസ്ത്രവും സമഞ്ജസിപ്പിക്കുന്ന കണ്ടുപിടിത്തങ്ങളാണെങ്കിലും ചിരിയുണര്‍ത്തുകയും ചിന്തിപ്പിക്കുകയും ചെയ്യുന്ന ഗവേഷണഫലങ്ങള്‍ക്ക് നല്‍കാറുള്ളതാണ് ഐജി നോബല്‍ സമ്മാനം.വര്‍ഷങ്ങളായി നടത്തപ്പെടുന്ന ഈ അവാര്‍ഡു ദാനത്തിന്റെ ഇരുപത്തിയാറാം എഡിഷന്‍ ഇക്കഴിഞ്ഞ വ്യാഴാഴ്ചയാണ് കേംബ്രിഡ്ജിലെ ഹാര്‍വാര്‍ഡ് യൂണിവേഴ്‌സിറ്റിയല്‍ വച്ചു നടത്തപ്പെട്ടത്.
ഈ ലോകത്തു നല്‍കപ്പെടുന്ന എല്ലാ അവാര്‍ഡുകളേയും ഏറ്റവും മികച്ചതിനായ് നല്‍കപ്പെടുന്നതെന്നോ, ഏറ്റവും മോശമായതിനെ എടുത്തു കാണിയ്ക്കാനായി നല്‍കുന്നതെന്നോ രണ്ടു രീതിയില്‍ തരംതിരിക്കാമെന്നും , എന്നാല്‍ ഇതുപോലെ അസാധാരണമായതിന് അംഗികാരം നല്‍കുന്ന മറ്റൊരു വേദി ഇല്ലെന്നും സംഘാടകരായ അനല്‍സ് ഓഫ് ഇംപ്രോബബിള്‍ റിസര്‍ച്ചിന്റെ എഡിറ്ററായ മാര്‍ക്ക് എബ്രഹാംസ് പറഞ്ഞു.
ഈ അവാര്‍ഡിനായി പരിഗണിക്കപ്പെടേണ്ടതിന് കാലപരിധിയൊന്നും ബാധകമല്ല. 2007-ല്‍ മരണമടഞ്ഞ ഈജിപ്തിലെ അഹമ്മദ് ഷഫീഖ് 1993-ല്‍ കണ്ടെത്തിയ ഒരു ഗവേഷണ ഫലത്തിനാണ് ഇത്തവണ ഐജിയുടെ നോബല്‍ റീപ്രൊഡക്ഷന്‍ സമ്മാനം നല്‍കിയത്. പോളിയെസ്റ്ററോ, പോളിയെസ്റ്റര്‍ കോട്ടണ്‍ സാമഗ്രിയോ ഉപയോഗിച്ചുണ്ടാക്കിയ പാന്റുകള്‍ ധരിപ്പിച്ച എലികള്‍ക്ക് ലൈംഗികാവേശം കുറഞ്ഞതായി കണ്ടെത്തിയെന്നും, മറ്റേതെങ്കിലും വസ്തുക്കള്‍ ഉപയോഗിച്ചു നിര്‍മ്മിച്ച പാന്റുകള്‍ എലികളെ ധരിപ്പിച്ചു നോക്കിയപ്പോള്‍ വസ്ത്രധാരണമൊന്നും നടത്താത്ത എലികളുടേതിനു സമാനമായ ലൈംഗികതൃഷ്ണ കണ്ടെത്തി എന്നുമായിരുന്നു അഹമ്മദ് ഷഫീഖ് കണ്ടുപിടിച്ചത്. പോളിയെസ്റ്റര്‍ പാന്റ് ധരിക്കുമ്പോള്‍ ഉണ്ടാകുന്ന ഇലക്‌ട്രോ സ്റ്റാറ്റിക് മേഖല ഷണ്ഡത്വത്തിന് കാരണമാകുന്നുണ്ടാവാം എന്നാണ് അദ്ദേഹം പറയുന്നത്.
വോക്‌സ്വാഗണിനെ ഒന്നു ചെറുതായി കളിയാക്കാനും സംഘാടകര്‍ മറന്നില്ല. അവരുടെ വാഹനങ്ങളില്‍ ഗവണ്‍മെന്റിനെ തോല്‍പിക്കുന്ന സംവിധാനം ഘടിപ്പിച്ചതിന് അവര്‍ക്കും നല്‍കി ഒരവാര്‍ഡ.് സര്‍ക്കാര്‍, വാഹനപരിശോധന നടത്തുമ്പോള്‍ അവരുടെ വാഹനങ്ങളില്‍ നിന്നും വാതകങ്ങള്‍ നിര്‍ഗ്ഗമിക്കുന്നതു തടയുന്ന സംവിധാനം കൂടുതല്‍ കാര്യക്ഷമമായി പ്രവര്‍ത്തിക്കുമെന്നും, പരിശോധന കഴിയുമ്പോള്‍ അന്തരീക്ഷമലിനീകരണം ഉണ്ടാക്കി കൊണ്ട് ആ വാഹനങ്ങളിലെ എമിഷന്‍ കണ്‍ട്രോള്‍ സംവിധാനത്തിന്റെ പ്രവര്‍ത്തനക്ഷമത കുറയുകയും ചെയ്യുന്നത് മനസ്സിലാക്കിയതിനു ശേഷമാണ് ഇത്തരത്തില്‍ പ്രവര്‍ത്തിക്കുന്ന സംവിധാനം കണ്ടുപിടിച്ചതി്‌ന് അവാര്‍ഡ് നല്‍കിയത്.
ഒരാള്‍ പുറകിലേക്ക് വളഞ്ഞുകുത്തി സ്വന്തം കാലുകള്‍ക്കിടയിലൂടെ ലോകത്തെ കാണുകയാണെങ്കില്‍ ഒരു വ്യക്തിയുടെ പരിപ്രേക്ഷത്തെ അഥവാ കാഴ്്ചപ്പാടിനെ എങ്ങനെ മാറ്റുമെന്നതിനെ കുറിച്ചുള്ള പഠനം നടത്തിയ ജപ്പാനിലെ അറ്റ്സുകി ഹിഗാഷിയാമയ്ക്കും കൊഹേയി അഡാച്ചിയ്ക്കുമാണ് ഐജിയുടെ പെര്‍സെപ്ഷന്‍ നൊബേല്‍ നല്‍കിയത്.
https://www.facebook.com/Malayalivartha
