സ്ഥാപനത്തില്‍ കയറി കവര്‍ച്ച നടത്തിയ മോഷ്ടാക്കളെ പിന്‍തുടര്‍ന്നു പിടികൂടാന്‍ സഹായിച്ചതിന് ജീവനക്കാരെ പിരിച്ചുവിട്ടു!
23 JANUARY 2017 04:10 PM IST
മലയാളി വാര്‍ത്ത
അവര്‍ ജോലി ചെയ്യുന്ന സ്ഥാപനത്തില്‍ കവര്‍ച്ച നടക്കുന്നതു കണ്ടാലും അതില്‍ ഇടപെടാന്‍ ശ്രമിക്കരുതെന്നാണ് കോര്‍പ്പറേറ്റ് നയം എന്നും അതിനു വിരുദ്ധമായി പ്രവര്‍ത്തിച്ചതിനാലാണ് അവരെ പിരിച്ചു വിടുന്നതെന്നും ഹോം ഡിപ്പോ അറിയിച്ചു.
ഹോം ഡിപ്പോയില്‍ നിന്നും 3500-ഓളം ഡോളര്‍ വിലയുള്ള ഉപകരണങ്ങള്‍ കടത്തിക്കൊണ്ടു പോകാന്‍ ശ്രമിച്ച 22-കാരനായ ബ്രാന്‍ഡന്‍ എഡ്വേര്‍ഡ് മജിന്‍സ് ലോവെയെ കുടുക്കാന്‍ സഹായകമായ രീതിയില്‍ പ്രവര്‍ത്തിച്ചതിനാണ് ജീവനക്കാരെ പിരിച്ചു വിട്ടത്.
ജെഫ്രി മില്ലര്‍(59) ജാസ്മിന്‍ എഫ് കെല്ലി(27) ജോ പി സ്‌പെക്ടര്‍(29), ജോര്‍ജ്ജ് ഇപ്പോലിറ്റോ(56) എന്നിവരെയാണ് ഹോം ഡിപ്പോ പിരിച്ചു വിട്ടത്. പ്രതി കടന്നു കളയാന്‍ ഉപയോഗിച്ച വാഹനത്തിന്റെ നമ്പര്‍ ശ്രദ്ധിച്ചുവച്ച് പോലീസിനോടു പറഞ്ഞു കൊടുക്കുക മാത്രമാണ് താന്‍ ചെയ്തതെന്ന് മില്ലര്‍ പരിതപിക്കുന്നു.
ഷോപ്പിംഗിനെത്തിയ സാധനം കടത്തിക്കൊണ്ടു പോകുന്ന അയാളില്‍ സംശയം തോന്നിയിട്ട് കെല്ലി അയാളോട് റസീപ്റ്റ് ചോദിച്ചുവത്രേ. അപ്പോള്‍ അയാള്‍ കുറച്ചു സാധനങ്ങള്‍ ഉപേക്ഷിച്ച് കടന്നുകളയുകയായിരുന്നു. അയാള്‍ കളഞ്ഞിട്ടു പോയ ആ സാധനങ്ങള്‍ തിരികെ എടുത്തു എന്നതാണ് ഇപ്പോലിറ്റോ ചെയ്ത കുറ്റം.
ജീവനക്കാരുടെ ജീവനാണ് കൂടുതല്‍ വിലയുള്ളതെന്നും എത്ര വില കൂടിയ വസ്തുക്കളാണ് കടത്തി കൊണ്ടു പോകുന്നതെങ്കിലും അതു കണ്ടു നിന്നിട്ട് ഒന്നും ചെയ്യാതിരുന്നതെന്ത് എന്ന് യാതൊരു സാഹചര്യത്തിലും ഹോം ഡിപ്പോ അധികൃതര്‍ ജീവനക്കാരോട് ചോദിക്കയില്ലെന്നുള്ള അവരുടെ നയം വളരെ ശക്തമായി പിന്‍തുടരുന്ന സ്ഥാപനമാണ് ഹോം ഡിപ്പോ എന്നതിനാല്‍ കവര്‍ച്ച നടക്കുമ്പോള്‍ അതില്‍ ഇടപെടാനേ പാടില്ലായിരുന്നു എന്നാണ് സ്ഥാപനത്തിന്റെ നിലപാട്!
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
