സിം ആധാറുമായി ലിങ്ക് ചെയ്യുന്നത്തിനു മുൻപ് ഈ കാര്യങ്ങൾ ശ്രദ്ധിക്കുക.
എല്ലാ മൊബൈൽ ഫോൺ കണക്ഷനുകളും ആധാറുമായി ബന്ധിപ്പിക്കണം എന്ന് സുപ്രീം കോടതി നിയമമുണ്ട്.
ഇതിന് ആധാർ കാർഡിന്റെ ഫോട്ടോസ്റ്റാറ്റ് കൊടുക്കേണ്ട ആവശ്യമില്ല. ആധാർ നമ്പർ അടിച്ചു കൊടുക്കുമ്പോഴേക്കും നമ്മുടെ ഫോട്ടോ അടക്കമുള്ള എല്ലാ വിവരങ്ങളും വരും. അതുകൊണ്ടു തന്നെ നിങ്ങളെ സംബന്ധിക്കുന്ന രേഖകളുടെ പകർപ്പ് ആർക്കും കൈമാറേണ്ടതില്ല.
നമ്പർ കൊടുക്കുമ്പോൾ നിങ്ങളുടെ വിവരങ്ങൾ അടിച്ചു വരുന്ന സ്കീനിൽ വിരൽ വെച്ച് ഒരു നിമിഷം കൊണ്ട് എളുപ്പത്തിൽ ആധാർ ലിങ്ക് ചെയ്യാം.
പക്ഷേ ഇതിനായി നമ്മൾ നേരിട്ട് പോകേണ്ടതുണ്ട്.ഈ അവസ്ഥയെ ചൂഷണം ചെയ്യുവാൻ വേണ്ടി ഒരു കൂട്ടം സാമൂഹ്യ വിരുദ്ധർ രംഗത്തിറങ്ങിയിട്ടുണ്ട്.
സ്കൂളുകൾ, കോളേജുകൾ, ബസ് സ്റ്റാൻഡുകൾ എന്നിവയുടെ പരിസരത്ത് നമുക്ക് യാതൊരു പരിചയവും ഇല്ലാത്ത ആളുകൾ സിം വെരിഫിക്കേഷൻ എന്ന പേരിൽ ഇരിക്കുന്നുണ്ട്.ഒരു പരിചയവുമില്ലാത്ത ഇത്തരക്കാർക്ക് നമ്മുടെ വിരലടയാളം ഉൾപ്പെടെയുള്ള ഈ വിലപ്പെട്ട രേഖകൾ ഒരു കാരണവശാലും കൈമാറരുത്. പ്രത്യേകിച്ച് പെൺകുട്ടികളും സ്ത്രീകളും.
പ്രൈവറ്റ് നെറ്റ് വർക്കുകളായ ഐഡിയ, വോഡഫോൺ, എയർടെൽ തുടങ്ങിയ മൊബൈൽ കണക്ഷനുകൾ ആധാറുമായി ബന്ധിപ്പിക്കുന്നതിന് നമ്മുടെ നാട്ടിൽ നമുക്ക് പരിചയമുള്ള ധാരാളം മൊബൈൽ ഷോപ്പുകൾ ഉണ്ട്.ഈ ഷോപ്പുകളിൽ വിശ്വാസ്യ യോഗ്യമായ ഷോപ്പുകളിൽ ചെന്ന് ആധാർ ലിങ്ക് ചെയ്യാൻ ശ്രദ്ധിക്കണം.ഇതിന്മേലുണ്ടാകുന്ന ഏതൊരു പരാതിയും നമുക്ക് അവരുമായി പങ്കുവെക്കാം.
ജിയോ സിം എടുക്കുമ്പോൾ തന്നെ ആധാർ നമ്പർ കൊടുത്തിട്ടുള്ളതിനാൽ ജിയോ വരിക്കാർക്ക് പ്രത്യേകിച്ച് ഒന്നും ചെയ്യേണ്ട ആവശ്യമില്ല
BSNL ഉപഭോക്താക്കൾ ഇപ്പോൾ ഒന്നും ചെയ്യേണ്ടതില്ല. സമയമാകുമ്പോൾ ഓഫീസിൽ നിന്ന് നിങ്ങളുടെ ഫോണിലേക്ക് കോളോ മെസ്സേജോ ഏതെങ്കിലുമൊന്ന് വരും. അപ്പോൾ മാത്രമേ എന്തെങ്കിലും ചെയ്യേണ്ട ആവശ്യമുള്ളൂ
ഇനി എന്തെങ്കിലും കാരണവശാൽ ഇപ്പോൾ ഉപയോഗിക്കുന്ന സിം കട്ടായാലും പുതിയ ഒരു സിം എടുക്കാൻ വളരെ എളുപ്പമാണ്.പക്ഷേ അനധികൃതമായി നമ്മുടെ വ്യക്തിപരമായ വിവരങ്ങൾ ചോർത്താൻ ശ്രമിക്കുന്നവരുടെ പ്രലോഭനത്തിൽ വീണു പോയാൽ ചിലപ്പോൾ അതുകൊണ്ടുണ്ടാകുന്ന പ്രത്യാഘാതങ്ങൾ വലുതായിരിക്കും. നമ്മുടെ വിലപ്പെട്ട രേഖകൾ സാമൂഹ്യ വിരുദ്ധരുടെ കയ്യിൽ എത്താതിരിക്കാൻ നമ്മൾ തന്നെ ശ്രദ്ധിക്കേണ്ടതുണ്ട്.
https://www.facebook.com/Malayalivartha