റിലയന്‍സ് ജിയോ പുതിയ പ്ലാനുകള്‍ അവതരിപ്പിച്ചു. പ്ലാനുകള്‍ക്കെല്ലാം ജിയോ നിരക്കുകള്‍ വര്‍ധിപ്പിച്ചു. സാമ്പത്തിക വര്‍ഷത്തിന്റെ രണ്ടാം പാദത്തില്‍ 270 കോടിയുടെ നഷ്ടം നേരിട്ടതിന്റെ പശ്ചാത്തലത്തില്‍ കൂടിയാണ് ജിയോ പ്ലാനുകളുമായി രംഗത്തെത്തുന്നത്. പഴയ ധന്‍ ധനാ ധന്‍ ഓഫര്‍ ഇനി ലഭിക്കണമെങ്കില്‍ കൂടുതല്‍ പണം നല്‍കേണ്ടി വരും.

മുമ്പ് 399 രൂപക്ക് 84 ദിവസത്തേക്ക് പ്രതിദിനം 4ജി വേഗതയില്‍ 1 ജി.ബി ഡാറ്റയും സൗജന്യ കോളുകളുമാണ് ധന്‍ ധനാ ധന്‍ ഓഫറില്‍ കമ്പനി നല്‍കിയിരുന്നത്. ഇനി പ്ലാന്‍ ലഭിക്കണമെങ്കില്‍ 459 രൂപ നല്‍കണം. 399 രൂപക്ക് 70 ദിവസത്തേക്ക് ഡാറ്റയും കോളുകളും ലഭിക്കുന്നതാണ് ജിയോയുടെ പുതിയ ധന്‍ ധനാ ധന്‍ പ്ലാന്‍.

കുറഞ്ഞ തുക റീചാര്‍ജ് ചെയ്യുന്നവര്‍ക്കായും ജിയോ പ്ലാനുകള്‍ അവതരിപ്പിച്ചിട്ടുണ്ട്. 57, 98, 149 രൂപയുടെ പ്ലാനുകളാണ് ഇവ. 7, 14, 28 ദിവസം കാലാവധിയുള്ള ഈ പ്ലാനുകളില്‍ യഥാക്രമം 1.05ജി.ബി, 2.1 ജി.ബി, 4.2 ജി.ബി ഡാറ്റ ലഭിക്കും. പ്രതിദിനം 4ജി വേഗതയില്‍ 150 എം.ബി ഡാറ്റയാണ് ഉപയോഗിക്കാന്‍ സാധിക്കുക. 509 രൂപക്ക് 49 ദിവ?സത്തേക്ക് പ്രതിദിനം 2 ജി.ബി ഡാറ്റയും അണ്‍ലിമിറ്റഡ് കോളുകളും നല്‍കുന്ന പ്ലാനും ലഭ്യമാണ്.