ഇനി വിലപ്പനയും ഫേസ്ബുക്കിലൂടെ ! ; " ഫേസ്ബുക്ക് മാർക്കറ്റ് പ്ലെയ്സ് " ജനപ്രീതിയാർജ്ജിക്കുന്നു
സാധനങ്ങൾ വിൽക്കുവാനും വാങ്ങാനും പല വിധങ്ങളായ സൈറ്റുകളും ആപ്ലിക്കേഷനുകളും ഇന്ന് ലഭ്യമാണ്. ഈ വേളയിൽ ഫേസ്ബുക്കും ഇത്തരത്തിൽ സാധങ്ങൾ വിൽക്കുവാനുവാനുള്ള ഒരു മാർക്കറ്റ് ഒരുക്കുകയാണ്.
" ഫേസ്ബുക്ക് മാർക്കറ്റ് പ്ലെയ്സ് " എന്ന പേരിലുള്ള ഓപ്ഷനിലൂടെ നമുക്ക് ഉപയോഗിച്ചു പഴകിയ എന്ത് സാധനങ്ങളും വില്ക്കാനും പഴയ സാധനങ്ങള് വാങ്ങാനുമൊക്കെയായി സൗകര്യമൊരുക്കിയിരിക്കുകയാണ്.
ഫേസ്ബുക്കിന്റെ നാവിഗേഷന് ബാറില് ഒരു കെട്ടിടത്തിന്റെ ഐക്കണിൽ ക്ലിക്ക് ചെയ്താല് മാര്ക്കറ്റ് പ്ലെയ്സിലേക്ക് എത്താനാകും.
ഫേസ്ബുക്ക് ഗ്രൂപ്പുകള് ബിസിനസ് ആവശ്യങ്ങള്ക്കായി ഉപയോഗിച്ചിരുന്നവര്ക്ക് മാര്ക്കറ്റ് പ്ലെയ്സ് വലിയ ഗുണമാകും. സാധനങ്ങള് വാങ്ങാനും വില്ക്കാനും ഉപയോഗിക്കുന്ന ചില സൈറ്റുകള് ആ വില്പ്പനയുടെ ഒരു നിശ്ചിത ശതമാനം ഫീസായി ഈടാക്കാറുണ്ട്. എന്നാല് മാര്ക്കറ്റ് പ്ലെയ്സ് പൂർണ്ണമായും സൗജന്യമാണെന്നുള്ളതാണ് ഇതിന്റെ വലിയ സവിശേഷത.
പലവിധ കാറ്റഗറികളിലായി വിഭജിച്ചിരിക്കുന്ന വ്യാപാരം കാറുകളുടെയും വീടുകളുടെയും വിഭാഗങ്ങള് മുതല് വാടകയ്ക്കുള്ള സ്ഥലങ്ങളും തൊഴില് അവസരങ്ങളും വരെ മാര്ക്കറ്റ് പ്ലെയ്സില് കാണാം. യൂസര്ക്ക് ലൊക്കേഷനും തുകയുടെ റേഞ്ചും കൊടുത്താല് ഒരു വലിയ കമ്പോളം തന്നെയാണ് മുന്നില് തുറക്കപ്പെടുന്നത്.
https://www.facebook.com/Malayalivartha