രാജ്യത്തെ ടെലികോം രംഗത്തെ പ്രമുഖ സേവനദാതാക്കൾക്ക് വെല്ലുവിളിയാകാൻ പുതിയ ബ്രാൻഡ് വരികയാണ്. റിലയൻസ് ജിയോയ്ക്കും ഭാരതി എയർടെലിനും ഇത് കനത്ത തിരിച്ചടിയാകും. എെഡിയയും വോഡഫോണും ജിയോ വന്നതോടെ ടെലികോം മേഖലയിൽ ഏറ്റവും പിറകിലായിപ്പോയിരുന്നു. എന്നാൽ എെഡിയയും വോഡഫോണും ഒരുമിക്കുന്നതോടുകൂടി പുതിയ ബ്രാൻഡ് അവരിപ്പിക്കുമെന്നാണ് പുതിയ റിപ്പോർട്ട്. ഈ ബ്രാൻഡിന്റെ പേര് ഇതുവരെ വെളിപ്പെടുത്തിയിട്ടില്ല.

പഴയതുപോലെ മുന്നിലാകുക എന്ന ലക്ഷ്യത്തോടെയാണ് പുതിയ ബ്രാൻഡ് അവർ അവതരിപ്പിക്കുന്നത്. ഇത് അവതരിപ്പിക്കുന്നതോടൊപ്പം ഉപയോകതാക്കളെ ആകർഷിക്കാൻ അതിശയിപ്പിക്കുന്ന ഓഫറുകളും പ്ലാനുകളും പുതിയ ബ്രാൻഡിന് കീഴിൽ അവതരിപ്പിക്കാനും വോഡഫോൺ ഐഡിയ സഖ്യത്തിന് പദ്ധതിയുണ്ട്. വോൾട്ട് 4ജി ടെക്നോളജിയിലേക്ക് മാറുന്നതോടെ മിതമായ നിരക്കിൽ ഇന്റർനെറ്റും സൗജന്യ കോളുകളും നൽകുകയും ചെയ്യും.