ജിയോ ഓഫറുകളെ കടത്തിവെട്ടാൻ തയ്യാറായി വോഡാഫോൺ രംഗത്തെത്തിയിരിക്കുകയാണ്. അണ്‍ലിമിറ്റഡ് വോയ്സ് കോളുകളും അതിവേഗ ഡാറ്റയും നല്‍കുന്ന രണ്ട് പുതിയ പ്രീപെയ്ഡ് പ്ലാനുകള്‍ അവതരിപ്പിച്ചാണ് വോഡാഫോണിന്റെ വരവ്. വോഡഫോണ്‍ സൂപ്പര്‍ പ്ലാനുകള്‍ക്ക് കീഴില്‍ 158 രൂപയുടെയും 151 രൂപയുടെയും റീച്ചാര്‍ജ് പായ്ക്കുകളാണ് അവതരിപ്പിച്ചിരിക്കുന്നത്.

158 രൂപയുടെ റീച്ചാര്‍ജില്‍ അണ്‍ലിമിറ്റഡ് വോയ്സ് കോളുകളും ദിവസേന ഒരു ജിബി ഡാറ്റയും ലഭിക്കും. ദിവസേന 250 മിനിറ്റും, ആഴ്ചയില്‍ 1000 മിനിറ്റുമാണ് വോയ്സ് കോളിന് സൗജന്യമായി ലഭിക്കുക. 151 രൂപയുടെ റീച്ചാര്‍ജില്‍ 28 ദിവസത്തെ വാലിഡിറ്റിയില്‍ അണ്‍ലിമിറ്റഡ് വോയ്സ് കോളുകളും ദിവസേന ഒരു ജിബി ഡാറ്റയും ലഭിക്കും. 28 ദിവസമാണ് പ്ലാനിന്റെ കാലാവധി.

ജിയയുടെ 149 രൂപയുടെ പ്ലാനുമായി മത്സരിക്കാനാണ് വോഡഫോണിന്റെ 158 രൂപയുടെ പുതിയ പ്ലാന്‍ നടപ്പിലാക്കിയിരിക്കുന്നത്. ജിയോ 149 രൂപയുടെ പ്ലാനില്‍ അണ്‍ലിമിറ്റഡ് വോയ്സ് കോള്‍, ദിവസേന നൂറ് എസ്‌എംഎസ്, ദിവസേന 1.5 ജിബി ഡാറ്റ എന്നിവയാണ് നല്‍കുന്നത്. എന്നാൽ 169 രൂപയ്ക്ക് സമാന പ്ലാനുകൾ നൽകി എയർടെലും മത്സരിക്കുന്നുണ്ട്.