Widgets Magazine
23
Nov / 2017
Thursday

ജിഎസ്ടി കോംപസിഷന്‍ സ്‌കീം 21-ന് മുന്‍പ് തിരഞ്ഞെടുക്കണം

17 JULY 2017 03:34 PM IST
മലയാളി വാര്‍ത്ത

ചെറുകിട വ്യാപാരികള്‍ക്ക് ഉണ്ടാകാവുന്ന ബുദ്ധിമുട്ടുകള്‍ പരിഗണിച്ചു നൂലാമാലകള്‍ ഒന്നും കൂടാതെ ജിഎസ്ടി നിയമത്തിന്‍കീഴില്‍ നികുതി അടയ്ക്കാനുള്ള സംവിധാനം ഏര്‍പ്പെടുത്തിയിരിക്കുന്നതിന് ഇട്ടിരിക്കുന്ന പേരാണ് കോംപസിഷന്‍ സ്‌കീം. കോംപസിഷന്‍ സ്‌കീം തിരഞ്ഞെടുക്കാനാവുന്നത് പ്രതിവര്‍ഷം വാര്‍ഷിക വിറ്റുവരവ് 75 ലക്ഷം രൂപയില്‍ താഴെയുള്ളവര്‍ക്കു മാത്രമാണ്. എന്നാല്‍, ഇത്തരക്കാര്‍ക്ക് കോംപസിഷന്‍ സ്‌കീം തിരഞ്ഞെടുത്തുതന്നെ നികുതി അടയ്ക്കണമെന്നു നിര്‍ബന്ധമില്ല. വിറ്റുവരവ് 75 ലക്ഷം രൂപയില്‍ താഴെയാണെങ്കില്‍ അവരുടെ ഇഷ്ടാനുസരണം സാധാരണ നിരക്കിലോ കോംപസിഷന്‍ സ്‌കീമിലോ നികുതി അടയ്ക്കാം. കോംപസിഷന്‍ സ്‌കീം തിരഞ്ഞെടുക്കുന്നവര്‍ക്ക് അവരുടെ വിറ്റുവരവിനെ മാത്രം അടിസ്ഥാനമാക്കി ഏക നിരക്കില്‍ നികുതി അടയ്ക്കാമെന്നുള്ളതാണ് പ്രധാന സൗകര്യം.

വാങ്ങിയ സാധനങ്ങളിന്മേലുള്ള ഇന്‍പുട്ട് ടാക്‌സും വിറ്റ ചരക്കിന്മേലുള്ള നികുതി, അവ തമ്മിലുള്ള വ്യത്യാസത്തിന്റെയും വിശദമായ കണക്കുകള്‍ ഇക്കൂട്ടര്‍ സൂക്ഷിക്കേണ്ടതില്ല. ഇവര്‍ െ്രെതമാസ റിട്ടേണ്‍ മാത്രം സമര്‍പ്പിച്ചാല്‍ മതി. മറ്റുള്ളവര്‍ മാസംതോറും റിട്ടേണ്‍ സമര്‍പ്പിക്കേണ്ടതുണ്ട്. എന്നാല്‍, കോംപസിഷന്‍ സ്‌കീം തിരഞ്ഞെടുക്കുന്നവര്‍ അതിനു മുന്‍പായി സോപാധിക റജിസ്‌ട്രേഷന്‍ നടത്തിയിരിക്കണം. ില സാഹചര്യങ്ങളില്‍ കണക്കിലെടുത്താണ് കോംപസിഷന്‍ സ്‌കീം തിരഞ്ഞെടുക്കുന്നത്. നിലവില്‍ വാറ്റ് റജിസ്‌ട്രേഷന്‍, എക്‌സൈസ് റജിസ്‌ട്രേഷന്‍ ഉള്ളവര്‍ ജിഎസ്ടി റജിസ്‌ട്രേഷനിലേക്കു മാറുമ്പോള്‍ മറ്റു നിബന്ധനകള്‍ക്കു വിധേയമായി ഈ സ്‌കീം തിരഞ്ഞെടുക്കാം.

അങ്ങനെയുള്ളവര്‍ നടപ്പു സാമ്പത്തിക വര്‍ഷം ഈ സ്‌കീം തിരഞ്ഞെടുക്കാന്‍ ഉദ്ദേശിക്കുന്നുണ്ടെങ്കില്‍ ഫോം ജിഎസ്ടി - സിഎംപി - 01 ല്‍ ജൂലൈ 21 നകം അപേക്ഷിച്ചിരിക്കണം. അപേക്ഷ ഡിജിറ്റല്‍ ഒപ്പിട്ടോ ഇലക്ട്രോണിക് വെരിഫിക്കേഷന്‍ കോഡ് വഴി സമര്‍പ്പിക്കാവുന്നതാണ്. ഇതുവരെ 69 ലക്ഷം നികുതിദായകര്‍ നിലവിലുള്ള റജിസ്‌ട്രേഷനില്‍നിന്ന് ജിഎസ്ടി റജിസ്‌ട്രേഷനിലേക്കു മാറിയിട്ടുണ്ട്. 21 നു മുന്‍പ് സ്‌കീം തിരഞ്ഞെടുക്കുന്നവര്‍ക്ക് ജൂലൈ ഒന്നു മുതലുള്ള വിറ്റുവരവിനു കോംപസിഷന്‍ നിരക്കില്‍ നികുതി അടയ്ക്കാം.

പുതുതായി റജിസ്‌ട്രേഷന്‍ എടുക്കുന്നവര്‍ക്കു റജിസ്‌ട്രേഷന്‍ എടുക്കുന്ന സമയത്തുതന്നെ കോംപസിഷന്‍ സ്‌കീം തിരഞ്ഞെടുക്കാം. അങ്ങനെയെങ്കില്‍ റജിസ്‌ട്രേഷന്‍ തീയതി മുതല്‍ സ്‌കീം ബാധകമാണ്. ഏതെങ്കിലും സാമ്പത്തിക വര്‍ഷം സാധാരണ നിരക്കില്‍ നികുതി അടച്ചവര്‍ക്ക് അടുത്ത സാമ്പത്തിക വര്‍ഷം കോംപസിഷന്‍ സ്‌കീം തിരഞ്ഞെടുക്കാന്‍ സൗകര്യമുണ്ട്. എന്നാല്‍, അങ്ങനെയുള്ളവര്‍ സാമ്പത്തിക വര്‍ഷം ആരംഭത്തിനു മുന്‍പ് ഫോം ജിഎസ്ടി - സിഎംപി - 02 ല്‍ അറിയിപ്പ് സമര്‍പ്പിച്ചിരിക്കണം. അവര്‍ വര്‍ഷാവസാന സ്‌റ്റോക്കിന്റെ വിശദ വിവരങ്ങള്‍ ഫോം ജിഎസ്ടി - സിഎംപി-03 ല്‍ സാമ്പത്തിക വര്‍ഷം തുടങ്ങി 60 ദിവസത്തിനുള്ളില്‍ സമര്‍പ്പിച്ചിരിക്കണം.

എല്ലാ ചരക്കുകള്‍ക്കും സ്‌കീം ബാധകം - ഒരു നികുതിദായകന്റെ മൊത്തം വിറ്റുവരവിനെ അടിസ്ഥാനമാക്കിയാണ് കോംപസിഷന്‍ സ്‌കീം കണക്കാക്കുന്നത്. ഒന്നിലധികം ചരക്കുകള്‍ കൈകാര്യം ചെയ്യുന്നവര്‍ എല്ലാ ചരക്കിന്റെയും കൂട്ടിയുള്ള വിറ്റുവരവാണു കണക്കാക്കേണ്ടത്. ചുരുക്കത്തില്‍ ഒരു ചരക്കിന് കോംപസിഷന്‍ സ്‌കീമും മറ്റൊന്നിനു സാധാരണ നികുതി നിരക്കും തിരഞ്ഞെടുക്കാന്‍ സാധ്യമല്ല. സേവന ദാതാക്കള്‍ക്ക് കോംപസിഷന്‍ സ്‌കീം ഇല്ല. ജിഎസ്ടി നിയമത്തിന്‍കീഴില്‍ പെടാത്ത പെട്രോള്‍ പോലുള്ള ചരക്കുകള്‍ കൈകാര്യം ചെയ്യുന്നവര്‍ക്കും സംസ്ഥാനാന്തര വ്യാപാരം നടത്തുന്നവര്‍ക്കും ഇ-കൊമേഴ്‌സ് ഇടപാടുകള്‍ നടത്തുന്നവര്‍ക്കും ഇറക്കുമതി നടത്തുന്നവര്‍ക്കും കോംപസിഷന്‍ സ്‌കീം തിരഞ്ഞെടുക്കാനാവില്ല.

സ്‌കീമിന്റെ നികുതി നിരക്ക് - വ്യാപാരികളുടെ വിറ്റുവരവിന്‍മേല്‍ ഒരു ശതമാനമാണു ജിഎസ്ടി. ഉല്‍പാദകരുടെ വിറ്റുവരവിന്‍മേല്‍ രണ്ടു ശതമാനവും ഭക്ഷണ ശാലകളുടെയും റസ്റ്ററന്റിന്റെയും വിറ്റുവരവിന്‍മേല്‍ അ!ഞ്ച് ശതമാനവുമാണു നികുതി നിരക്ക്. വിറ്റുവരവ് എന്നതുകൊണ്ട് ഉദ്ദേശിക്കുന്നത് നികുതി വിധേയ സപ്ലൈയും നികുതി ഒഴിവുള്ള സപ്ലൈയും ചേര്‍ത്തുള്ള മൊത്തം വിറ്റുവരവാണ്. ഇതില്‍ നിന്ന് റിവേഴ്‌സ് ചാര്‍ജ് കൊടുത്ത സപ്ലൈ ഉണ്ടെങ്കില്‍ അതുമാത്രം കിഴിച്ചുള്ള തുകയില്‍ നികുതി കൊടുക്കണം. എന്നാല്‍ മുന്‍ സാമ്പത്തികവര്‍ഷം വിറ്റുവരവ് 75 ലക്ഷം രൂപയില്‍ കൂടിയാല്‍ അധിക വിറ്റുവരവിന് സാധാരണ നിരക്കില്‍ നികുതി കൊടുക്കണം. വിറ്റുവരവ് നിര്‍ണയിക്കുന്നതു പാനിനെ അടിസ്ഥാനമാക്കിയാണ്. അതായത് ഒരു പാനിന്റെ കീഴിലുള്ള ഇന്ത്യ ഒട്ടാകെ എല്ലാ വിറ്റുവരവിനെയും ഇതിനായി കണക്കാക്കും.

കോംപസിഷന്‍ സ്‌കീം തിരഞ്ഞെടുത്തവര്‍ ചരക്കുകള്‍ സപ്ലൈ ചെയ്യുമ്പോള്‍ അവരുടെ ബില്ലില്‍ ജിഎസ്ടി ചുമത്തി ഉപഭോക്താവില്‍നിന്ന് നികുതി വാങ്ങാന്‍ പാടില്ല. അതുപോലെ ഇക്കൂട്ടര്‍ക്ക് അവര്‍ ചരക്കുകള്‍ വാങ്ങിയപ്പോള്‍ കൊടുത്ത ജിഎസ്ടിയുടെ ഇന്‍പുട്ട് ടാക്‌സ് ക്രെഡിറ്റിന്റെ ആനുകൂല്യവും ലഭ്യമല്ല. ചുരുക്കത്തില്‍ കോംപസിഷന്‍ സ്‌കീം തെരഞ്ഞെടുക്കുന്നവര്‍ വിറ്റുവരവിന്‍മേലുള്ള കുറഞ്ഞ നിരക്കിലുള്ള നികുതി സ്വന്തം കയ്യില്‍ നിന്ന് അടയ്ക്കണം. കോംപസിഷന്‍ സ്‌കീം തിരഞ്ഞെടുത്ത ശേഷം അത് അനുയോജ്യമല്ലെന്നു തോന്നിയാല്‍ എപ്പോള്‍ വേണമെങ്കിലും സ്‌കീമില്‍ നിന്നും പുറത്തുവരാം. അതിനായി ഫോം ജിഎസ്ടി സിഎപി–04ല്‍ അപേക്ഷ സമര്‍പ്പിക്കണം. അന്നു മുതല്‍ സാധാരണ നിരക്കാണു ബാധകം.

 

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

വീണ്ടും ദുരൂഹ മരണം. ഒരുമാസം പ്രായമായ കുഞ്ഞ് യുഎസിൽ മരിച്ചനിലയിൽ; ഇന്ത്യൻ വംശജനായ പിതാവ് അറസ്റ്റിൽ  (16 minutes ago)

ഇനി ആത്മഹത്യ വേറെ വഴി ഇല്ല. തന്റെ നഗ്നവീഡിയോ സമൂഹ മാധ്യമങ്ങളില്‍. പോസ്റ്റ് ചെയ്‌തെത് ഓണ്‍ലൈന്‍ പെണ്‍വാണിഭ സംഘത്തിന്റെ കണ്ണികൾ. കണ്ണീരിൽ കുതിർന്ന അജീന മേനോന്റെ ഫേസ് ബുക്ക് ലൈവ്.  (2 hours ago)

അവിഹിത ബന്ധത്തിന് തടസം ഭര്‍ത്താവ്... കൊന്ന് കഷണങ്ങളാക്കി  (2 hours ago)

ആത്മാര്‍ത്ഥ സുഹൃത്തുക്കള്‍ ചതിച്ചു; നടിയുടെ അശ്ലീല വീഡിയോ സമൂഹ മാധ്യമങ്ങളില്‍  (2 hours ago)

ദിലീപിനെതിരെയുള്ള കുറ്റപത്രം പുറത്തു; 1.5 കോടി രൂപയ്‌ക്കു സുനിക്കു ക്വട്ടേഷൻ. കൂട്ടബലാത്സംഗത്തിന് ഇരയാക്കാന്‍ പദ്ധതിയിട്ടിരുന്നു; ആക്രമണത്തിന് കാരണം മുൻവൈരാഗ്യം  (3 hours ago)

ചരിത്രം സൃഷ്ട്ടിക്കാൻ ഷാജി കൈലാസ്-രണ്‍ജി പണിക്കര്‍ കൂട്ടുകെട്ട് വീണ്ടുമെത്തുന്നു; നായകനായി മോഹന്‍ലാലും  (5 hours ago)

കാണാതായ മലയാളി വിദ്യാർഥി ആൽബർട്ടിന്റെ മൃതദേഹം കണ്ടെത്തി; വേദനയോടെ പ്രവാസി സമൂഹം.  (5 hours ago)

ശാന്തി കൃഷ്ണ ഗായികയായി അരങ്ങേറ്റം കുറിക്കുന്നു ;ആദ്യസിനിമാ ഗാനം എത്തുന്നത് കുഞ്ചാക്കോ ബോബൻ ചിത്രമായ കുട്ടനാടന്‍ മാര്‍പ്പാപ്പയിൽ  (6 hours ago)

വയസ്സ് 22, വാർഷിക ശന്പളം 142 കോടി. മോഡലിംഗ് റാണി കെന്‍ഡല്‍ ജെന്നര്‍.  (6 hours ago)

രാഷ്ട്രപതിയുടെ ഔദ്യോഗിക ഭവനം പൊ​തു​ജ​ന​ങ്ങ​ൾ​ക്കാ​യി തുറന്ന് കൊടുക്കുന്നു  (6 hours ago)

കാഞ്ചാ ഐലയ്യാക്കു നേരെ വീണ്ടും സംഘപരിവാര്‍ ആക്രമണം  (7 hours ago)

പോണ്‍വീഡിയോ കാണിച്ച്‌ നിരന്തരം പെണ്‍കുട്ടികളെ ലൈംഗിക അതിക്രമത്തിന് ഇരയാക്കിയ അദ്ധ്യാപകന് ഒടുവിൽ സംഭവിച്ചത്  (7 hours ago)

വിമാനം വൈകിപ്പിച്ചത്തിൽ പ്രതിഷേധിച്ച് കണ്ണന്താനത്തെ പരസ്യമായി ശകാരിച്ച് യാത്രക്കാരിയായ ഡോക്ടർ ;മന്ത്രിക്കെതിരായ രോഷപ്രകടനം സോഷ്യൽ മീഡിയയിൽ വൈറൽ  (7 hours ago)

'അമേരിക്കയിലും സ്ത്രീകൾക്ക് രക്ഷയില്ല ';യുഎസില്‍ 60 ശതമാനം സ്ത്രീകളും ലൈംഗികപീഡനത്തിന് ഇരയാകുന്നതായി ഞെട്ടിക്കുന്ന സര്‍വേ റിപ്പോർട്ട് പുറത്ത്  (8 hours ago)

'ആ രാത്രി ഞാന്‍ ഏറെ സന്തോഷവതിയായിരുന്നു': എമി ജാക്സണ്‍ ഏറ്റവും കൂടുതല്‍ സന്തോഷിച്ച രാത്രിയെ ഓർമ്മിക്കുന്നത് ഇങ്ങനെ  (8 hours ago)

Malayali Vartha Recommends
ദിലീപിനെതിരെയുള്ള കുറ്റപത്രം പുറത്തു; 1.5 കോടി രൂപയ്‌ക്കു സുനിക്കു ക്വട്ടേഷൻ; കൂട്ടബലാത്സംഗത്തിന് ഇരയാക്കാന്‍ പദ്ധതിയിട്ടിരുന്നു; ആക്രമണത്തിന് കാരണം മുൻവൈരാഗ്യംഫോണ്‍ കെണി കേസ്:  ജുഡീഷല്‍ കമ്മീഷന്‍ റിപ്പോര്‍ട്ട് സര്‍ക്കാര്‍ അംഗീകരിച്ചു
Hide News