ബാച്ചിലര് ഓഫ് ആര്ക്കിടെക്ചര് കോഴ്സിന് 'നാറ്റ' നിർബന്ധം
പുതിയ അധ്യയന വർഷത്തിൽ (2017 -2018 ) നാഷണല് ആപ്റ്റിറ്റ്യൂഡ് ടെസ്റ്റ് ഇന് ആര്ക്കിടെക്ചര് (നാറ്റ) എഴുതി നിശ്ചിതയോഗ്യത നേടിയവർക്ക് മാത്രമേ സംസ്ഥാനത്തെ സര്ക്കാര് എന്ജിനിയറിങ് കോളേജുകളിലും സ്വകാര്യ സ്വാശ്രയ എന്ജിനിയറിങ്/ആര്ക്കിടെക്ചര് കോളേജുകളിലും ബാച്ചിലര് ഓഫ് ആര്ക്കിടെക്ചര് (ബിആര്ക്) കോഴ്സിന് പ്രവേശനം ലഭിക്കുകയുള്ളു.
2017 ഏപ്രില് 16 നു നടത്തുന്ന പരീക്ഷക്ക് www.nata.nic.in എന്ന വെബ്സൈറ്റിലെ Online Registration for NATA 2017 എന്ന ലിങ്കിലൂടെ ഫെബ്രുവരി രണ്ടുവരെ ഓണ്ലൈനായി അപേക്ഷ സമര്പ്പിക്കാം. പരീക്ഷയുടെ വിശദാംശങ്ങൾ ബ്രോഷര് വെബ്സൈറ്റില് ലഭ്യമാണ്.
ആര്ക്കിടെക്ചര് കോഴ്സ് പ്രവേശനം ആഗ്രഹിക്കുന്ന വിദ്യാര്ഥികള്
സംസ്ഥാന പ്രവേശനപരീക്ഷാ കമീഷണര് അലോട്ട്മെന്റിനായി അപേക്ഷകള് ക്ഷണിക്കുമ്പോൾ www.cee.kerala.gov.in എന്ന വെബ്സൈറ്റിലൂടെ ഓണ്ലൈനായി അപേക്ഷിക്കേണ്ടതും അപേക്ഷയുടെ പ്രിന്റൌട്ടും അനുബന്ധ രേഖകളും നിശ്ചിതസമയത്തിനകം സമര്പ്പിക്കേണ്ടതുമാണ്.
നാറ്റ സ്കോറും യോഗ്യതാപരീക്ഷയിലെ മാര്ക്ക് വിവരങ്ങളും അടിസ്ഥാനമാക്കിയായിരിക്കും ആര്ക്കിടെക്ചര് റാങ്ക് ലിസ്റ്റ് തയ്യാറാക്കുന്നത്.
https://www.facebook.com/Malayalivartha