മലാല യൂസഫ്സായി ഉന്നത വിദ്യാഭ്യാസത്തിന് ഓക്സ്ഫോർഡിലേക്ക്
ലണ്ടനിലെ ബർമിങ്ങാമിൽനിന്നു സ്കൂൾ വിദ്യാഭ്യാസം പൂർത്തിയാക്കിയ മലാല യൂസഫ്സായി ഉന്നത വിദ്യാഭ്യാസത്തിനായി ഓക്സ്ഫോർഡ് സർവകലാശാലയിലേക്ക് പോകുന്നു. ഫിലോസഫി, പോളിറ്റിക്സ്, എക്കണോമിക്സ് തുടങ്ങിയ വിഷയങ്ങൾ പഠിക്കുന്നതിനാണ് ഓക്സ്ഫോർഡ് മലാലയ്ക്ക് അവസരം ഒരുക്കിയത്. 2014-ലെ സമാധാനത്തിനുള്ള നോബൽ സമ്മാന ജേതാവുകൂടിയായ മലാല ഒട്ടേറെ ത്യാഗങ്ങൾ സഹിച്ചാണ് ഇവിടെ വരെ എത്തിയത്. പാക്കിസ്ഥാനിലെ പെണ്കുട്ടികളുടെ വിദ്യാഭ്യാസ അവകാശത്തിനു വേണ്ടി പ്രവർത്തിക്കുന്ന വിദ്യാഭ്യാസ പ്രവർത്തകയാണ് മലാല യൂസഫ് സായി.
പാകിസ്ഥാനിൽ പെൺകുട്ടികൾ സ്കൂൾ വിദ്യാഭ്യാസം നേടുന്നതിനെതിരെയുള്ള താലിബാന്റെ നിരോധനത്തോടുള്ള പ്രതിക്ഷേധത്തിന്റേയും അതുമായി ബന്ധപ്പെട്ട സാമൂഹ്യ സക്രിയതയുടേയും പേരിലാണ് മലാല അറിയപ്പെടുന്നത്. നൊബേൽ സമ്മാനം ലഭിച്ച ഏറ്റവും പ്രായം കുറഞ്ഞ വ്യക്തി കൂടിയാണ് മലാല. 2012 നവംബർ 10 അന്താരാഷ്ട്ര മലാല ദിനമായി ആചരിക്കുന്നു.
പാകിസ്താൻ താലിബാന്റെ ശക്തി കേന്ദ്രമായ വടക്കു പടിഞ്ഞാറൻ അതിർത്തി പ്രവിശ്യയിലെ സ്വാത് ജില്ലയിലെ മിങ്കോറയാണ് മലാലയുടെ ജന്മദേശം. മലാലയുടെ ജീവചരിത്ര കൃതിയാണ് 'ഞാൻ മലാല.
https://www.facebook.com/Malayalivartha