സമർഥരായ ഇന്ത്യൻ വിദ്യാർഥികൾക്ക് ഇംഗ്ലണ്ടിൽ പഠിക്കാൻ അവസരം
സമർഥരായ ഇന്ത്യൻ വിദ്യാർഥികൾക്ക് ഇംഗ്ലണ്ടിൽ പഠിക്കാൻ അവസരം. മാസ്റ്റേഴ്സ് ഡിഗ്രി പഠനത്തിനായുള്ള 2018-19 വർഷത്തെ ഷെവനിങ് സ്കോളർഷിപ്പിന് ഇപ്പോൾ അപേക്ഷിക്കാം. അപേക്ഷ ഒാൺലൈനായി www.chevening.org/india എന്ന വെബ്സൈറ്റിൽ Apply for Scholarship എന്ന ലിങ്ക് വഴി 2017 നവംബർ ഏഴിനകം സമർപ്പിക്കണം.അപേക്ഷ സമർപ്പണത്തിനുമുമ്പ് ഇംഗ്ലണ്ടിലെ വാഴ്സിറ്റികൾ നടത്തുന്ന മൂന്ന് ഏകവർഷ മാസ്റ്റേഴ്സ് ഡിഗ്രി കോഴ്സുകൾ കണ്ടെത്തി പ്രവേശന യോഗ്യതകൾ ഉറപ്പാക്കി 2018 ജൂലൈ 12നകം പ്രസ്തുത വാഴ്സിറ്റികളിൽനിന്നും അഡ്മിഷൻ ഒാഫർ ലെറ്റർ നേടുകയും വേണം.
ടോഫൽ (TOEFL)/ഐ.എൽ.ടി.എസ് മുതലായ ഇംഗ്ലീഷ് ലാംഗ്വേജ് ടെസ്റ്റ് ഉൾപ്പെടെയുള്ള യോഗ്യത മാനദണ്ഡങ്ങൾ ജൂലൈ 12നകം ഉറപ്പാക്കുകയും വേണം. അപേക്ഷ സമർപ്പണത്തിനുള്ള നിർദേശങ്ങൾ വെബ്സൈറ്റിലുണ്ട്. വിദ്യാഭ്യാസ ചെലവുകൾ അടങ്ങിയതാവും സ്കോളർഷിപ് തുക.
യോഗ്യത: ഇംഗ്ലണ്ടിലെ ഒാണേഴ്സ് ഡിഗ്രിക്ക് സമാനമായ ഇന്ത്യയിലെ അണ്ടർ ഗ്രാജുവേറ്റ് ഡിഗ്രിയുള്ളവർക്ക് അപേക്ഷിക്കാം. മാസ്റ്റേഴ്സ് ഡിഗ്രിക്കാർക്കും അർഹതയുണ്ട്. രണ്ടു വർഷത്തിൽ കുറയാത്ത പ്രവർത്തി പരിചയം ഉണ്ടാവണം. ഷെവനിങ് സ്കോളർഷിപ്പിന് അപേക്ഷിച്ചതിനുശേഷം വാഴ്സിറ്റിയോ കോഴ്സോ മാറ്റാൻ ആകില്ല.
സെലക്ഷനായുള്ള ഇൻറർവ്യൂ ഇന്ത്യയിലെ ബ്രിട്ടീഷ് എംബസി/ഹൈകമീഷൻ ഉള്ള നഗരങ്ങളിൽ വെച്ചു നടത്തും. അപേക്ഷാർഥിയുടെ കോംപിറ്റൻസി പരിശോധിക്കപ്പെടുന്ന വിധത്തിലാവും ഇൻറർവ്യൂ.ഇൻറർവ്യൂവിന് അർഹതയുള്ളവരുടെ ലിസ്റ്റ് ഫെബ്രുവരി മധ്യത്തോടെ നോട്ടിഫൈ ചെയ്യും. 2018 മേയ് അവസാനത്തോടെ ഇൻറർവ്യൂ സംബന്ധിച്ച അറിയിപ്പ് ലഭിക്കും.
കൂടുതൽ വിവരങ്ങൾ www.chevening.org/india എന്ന വെബ്സൈറ്റിൽ ലഭിക്കും.
https://www.facebook.com/Malayalivartha