ശ്രീ ചിത്തിരതിരുനാള് ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്ഡ് ടെക്നോളജിയിൽ വിവിധ കോഴ്സുകളിലേക്ക് അപേക്ഷ ക്ഷണിച്ചു
ശ്രീ ചിത്തിരതിരുനാള് ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്ഡ് ടെക്നോളജിയിൽ വിവിധ കോഴ്സുകളിലേക്ക് അപേക്ഷ ക്ഷണിച്ചു. പാരാമെഡിക്കല്, സ്പെഷ്യാലിറ്റി നഴ്സിങ്, ഡിപ്ലോമ, MD, DM/MCh, പോസ്റ്റ് ഡോക്ടറല് ഫെലോഷിപ്പ്, പിഎച്ച്.ഡി. എന്നിങ്ങനെ ആണ് കോഴ്സുകൾ.
സ്പെഷ്യാലിറ്റി നഴ്സിങ്: കാര്ഡിയോ വാസ്കുലര് ആന്ഡ് തൊറാസിക് നഴ്സിങ് (10 സീറ്റ്), ന്യൂറോ നഴ്സിങ് (10). പഠനകാലാവധി രണ്ടുവര്ഷം. യോഗ്യത: നഴ്സിങ് ബിരുദം. ജി.എന്.എം.കാര്ക്ക് ബെഡ്സൈഡ് നഴ്സായി ഒരുവര്ഷത്തെ പ്രവൃത്തിപരിചയം. എന്ട്രന്സ് പരീക്ഷയുണ്ട്.
പാരാമെഡിക്കല്: കാര്ഡിയാക് ലബോറട്ടറി ടെക്നോളജി, ന്യൂറോടെക്നോളജി, മെഡിക്കല് റെക്കോഡ്സ് സയന്സ്, ക്ലിനിക്കന് പെര്ഫ്യൂഷന്, ബ്ലഡ് ബാങ്കിങ് ടെക്നോളജി എന്നിവയില് പി.ജി. ഡിപ്ലോമ കോഴ്സുകളിലും ഓപ്പറേഷന് തിയേറ്റര് ടെക്നോളജി, അഡ്വാന്സ്ഡ് മെഡിക്കല് ഇമേജിങ് ടെക്നോളജി എന്നിവയില് ഡിപ്ലോമ കോഴ്സുകളിലും ഫിസിയോതെറാപ്പിയില് അഡ്വാന്സ്ഡ് സര്ട്ടിഫിക്കറ്റ് കോഴ്സിലുമാണ് പ്രവേശനം.
യോഗ്യത: ഫിസിക്സ് മുഖ്യവിഷയമായോ ഉപ വിഷയമായോ പഠിച്ച് 60 ശതമാനം മാര്ക്കോടെ ബി.എസ്സി. ബിരുദമെടുത്തവര്ക്ക് കാര്ഡിയാക് ലബോറട്ടറി ടെക്നോളജി പി.ജി. ഡിപ്ലോമ കോഴ്സിന് അപേക്ഷിക്കാം. ന്യൂറോടെക്നോളജി പി.ജി. ഡിപ്ലോമയ്ക്ക് ഫിസിക്സ്, കെമിസ്ട്രി, ബയോളജിക്കല് സയന്സസ്, ബയോടെക്നോളജി, കംപ്യൂട്ടര് സയന്സ് വിഷയങ്ങളില് മൊത്തം 60 ശതമാനം മാര്ക്കില് കുറയാതെ ബി.എസ് സി വേണം. മെഡിക്കല് റെക്കോഡ് സയന്സ് പി.ജി. ഡിപ്ലോമയ്ക്ക് 60 ശതമാനം മാര്ക്കില്കുറയാത്ത ബി.എസ് സി. ഉണ്ടായിരിക്കണം.
ക്ലിനിക്കല് പെര്ഫ്യൂഷന് പി.ജി. ഡിപ്ലോമയ്ക്ക് സുവോളജി മുഖ്യവിഷയമായോ ഉപവിഷയമായോ മൊത്തം 60 ശതമാനം മാര്ക്കില് കുറയാത്ത ബി.എസ് സി.യാണ് യോഗ്യത. ബ്ലഡ്ബാങ്കിങ് ടെക്നോളജി പി.ജി. ഡിപ്ലോമയ്ക്ക് ബയോളജിക്കല് സയന്സില് 60 ശതമാനം മാര്ക്കില് കുറയാത്ത ബി. എസ് സി. വേണം. ഓപ്പറേഷന് തിയേറ്റര് ടെക്നോളജി ഡിപ്ലോമയ്ക്ക് ഇലക്ട്രോണിക്സ് /ബയോ മെഡിക്കല് എന്ജിനീയറിങ്/ ഇന്സ്ട്രുമെന്റേഷനില് മികവോടെയുള്ള ഡിപ്ലോമ വേണം.
അഡ്വാന്സ്ഡ് മെഡിക്കല് ഇമേജിങ് ടെക്നോളജി ഡിപ്ലോമ പ്രവേശനത്തില് 60 ശതമാനം മാര്ക്കോടെ റേഡിയോഗ്രാഫിക് അസിസ്റ്റന്റ് സര്ട്ടിഫിക്കറ്റ് അല്ലെങ്കില് റേഡിയോളജിക്കല് ടെക്നോളജി ഡിപ്ലോമ വേണം. ഫിസിയോതെറാപ്പി അഡ്വാന്സ്ഡ് സര്ട്ടിഫിക്കറ്റ് കോഴ്സിന് ബി.പി.ടിയാണ് യോഗ്യത. ഈ പാരാമെഡിക്കല് കോഴ്സുകള്ക്കുള്ള ഉയര്ന്ന പ്രായം 1.1.2018ല് 25 വയസ്സ്. എന്ട്രന്സ് പരീക്ഷയുണ്ടാവും.
കൂടുതല് വിവരങ്ങള്ക്ക്: www.sctimst.ac.in.
https://www.facebook.com/Malayalivartha