കേന്ദ്ര ശാസ്ത്ര സാങ്കേതിക വകുപ്പിന്റെ വിമൺ സയൻറിസ്റ്റ്സ് സ്കീമിന് അപേക്ഷിക്കാം
കേന്ദ്ര ശാസ്ത്ര സാങ്കേതിക വകുപ്പ് സ്ത്രീകൾക്ക് വേണ്ടി നടപ്പിലാക്കുന്ന ഒരു പദ്ധതിയാണ് വിമൺ സയൻറിസ്റ്റ്സ് സ്കീം. അവസരങ്ങൾ ലഭിക്കാതെ വീടുകളിൽ ഒതുങ്ങിക്കൂടുന്ന ശാസ്ത്രാഭിരുചിയുള്ള സ്ത്രീകളെയാണ് ഈ പദ്ധതി പ്രധാനമായും ലക്ഷ്യം വെക്കുന്നത്. 27നും 57നും ഇടയിൽ പ്രായമുള്ള സ്ത്രീകൾക്ക് ശാസ്ത്രമേഖലയിൽ ശോഭിക്കാനും ശാസ്ത്രജ്ഞരാകാനും സഹായിക്കുന്ന ഒരു പദ്ധതിയാണിത്.
യോഗ്യത: ബേസിക്/അൈപ്ലഡ് സയൻസസിൽ കുറഞ്ഞത് എം.എസ്സി അല്ലെങ്കിൽ ബി.ടെക് അല്ലെങ്കിൽഎം.ബി.ബി.എസ്/തത്തുല്യ യോഗ്യതയുള്ളവർക്ക് അപേക്ഷിക്കാം. പ്രതിമാസം 30,000 രൂപ സ്റ്റൈഫൻഡ് ലഭിക്കും.
എം.ടെക് അല്ലെങ്കിൽ മെഡിക്കൽ സയൻസസിൽ എം.ഡി/എം.എസ്/ഡി.എം/എം.സി.എച്ച് യോഗ്യതയുള്ളവർക്ക് പ്രതിമാസം 40,000 രൂപ ലഭിക്കും. ബേസിക്/അൈപ്ലഡ് സയൻസസിൽ പിഎച്ച്.ഡി ഉള്ളവർക്ക് പ്രതിമാസം 55,000 രൂപ ലഭിക്കും.
മെഡിക്കൽ സയൻസസിൽ എം.ഡി/എം.എസ്/ഡി.എം/എം.സി.എച്ച് യോഗ്യതയുള്ളവർക്ക് പ്രതിമാസം 40,000 രൂപ ലഭിക്കും.
ഫിസിക്കൽ ആൻഡ് മാത്തമാറ്റിക്കൽ സയൻസസ് (പി.എം.എസ്), കെമിക്കൽ സയൻസസ് (സി.എസ്), ലൈഫ് സയൻസസ് (എൽ.എസ്), എർത് ആൻഡ് അറ്റ്മോസ്ഫെറിക് സയൻസസ് (ഇ.എ.എസ്), എൻജിനീയറിങ് ആൻഡ് ടെക്നോളജി (ഇ.ടി) എന്നീ ശാസ്ത്രശാഖകളിൽ പഠനത്തിലും ഗവേഷണത്തിനുമായാണ് ഈ സ്കോളർഷിപ് അനുവദിക്കുന്നത്.
എസ്.സി, എസ്.ടി, ഒ.ബി.സി വിഭാഗക്കാർക്കും ശാരീരിക വെല്ലുവിളികൾ നേരിടുന്നവർക്കും ഉയർന്ന പ്രായപരിധിയിൽ അഞ്ചു വർഷത്തെ ഇളവ് ലഭിക്കും.
തെരഞ്ഞെടുക്കപ്പെടുന്ന റിസർച്ച് പ്രോജക്ട് െപ്രാപ്പോസലിന് മൂന്നു വർഷത്തേക്ക് എല്ലാ ചിലവുകളും ഉൾപ്പെടെ പിഎച്ച്.ഡി/ തത്തുല്യ കോഴ്സിന് പരമാവധി 30 ലക്ഷം രൂപയും എം.ടെക്/എം.ഫാം//തത്തുല്യ കോഴ്സിന് പരമാവധി 25 ലക്ഷം രൂപയും എം.എസ്സി/തത്തുല്യ കോഴ്സിന് പരമാവധി 20 ലക്ഷവുമാണ് ലഭിക്കുക. നിലവിൽ തൊഴിൽ ചെയ്യുന്ന സ്ത്രീകൾക്ക് ഇതിന് അപേക്ഷിക്കാനാകില്ല.
online-wosa.gov.in എന്ന വെബ്സൈറ്റിലൂടെ ഓൺലൈൻ ആയി വേണം അപേക്ഷിക്കാൻ. വിവരങ്ങൾ പൂരിപ്പിച്ചുനൽകിയ ശേഷം പ്രോജക്റ്റ് എക്സിക്യൂട്ടീവ് സമ്മറി അപ്ലോഡ് ചെയ്യണം. കൂടുതൽ വിവരങ്ങൾക്ക് മുകളിൽ പറഞ്ഞ വെബ്സൈറ്റ് കാണുക.
https://www.facebook.com/Malayalivartha