ബനാറസ് ഹിന്ദു വാഴ്സിറ്റിയിൽ എം.ബി.എയ്ക്ക് അപേക്ഷിക്കാം
ബനാറസ് ഹിന്ദു യൂണിവേഴ്സിറ്റിയുടെ ഇൻസ്റ്റിറ്റ്യൂട്ട് ഒാഫ് മാനേജ്മെന്റ്സ് സ്റ്റഡീസ് 2018-20 വർഷത്തെ എം.ബി.എ ഇൻറർനാഷനൽ ബിസിനസ് അഡ്മിനിസ്ട്രേഷനു ഇപ്പോൾ അപേക്ഷിക്കാം. 2018 ജനുവരി 22 വരെ അപേക്ഷകൾ ഓൺലൈൻ ആയി സ്വീകരിക്കും.
യോഗ്യത: എജുക്കേഷൻ, ലോ, അഗ്രികൾചർ, ടെക്നോളജി, മെഡിസിൻ ഉൾപ്പെടെ ഏതെങ്കിലും ഡിസിപ്ലിനിൽ ബാച്ചിലേഴ്സ് ഡിഗ്രി അല്ലെങ്കിൽ പോസ്റ്റ് ഗ്രാജ്വേറ്റ് ഡിഗ്രി 50 ശതമാനം മാർക്കിൽ കുറയാതെ നേടി വിജയിച്ചവരാകണം. പട്ടികജാതി, വർഗക്കാർക്ക് 45 ശതമാനം മാർക്ക് മതിയാകും. അപേക്ഷകർ ഐ.ഐ.എം -കാറ്റ് 2017ന് അപേക്ഷിച്ചിരിക്കണം.
കാറ്റ് -2017 സ്കോർ പരിഗണിച്ച് അപേക്ഷകരുടെ ചുരുക്കപ്പട്ടിക തയാറാക്കിയാവും ഗ്രൂപ് ചർച്ചക്കും ഇൻറർവ്യൂവിനും ക്ഷണിക്കുക. ഐ. ഐ. എം -കാറ്റ് 2017 സ്കോർ, അക്കാദമിക മികവ്, ഗ്രൂപ് ചർച്ചയിലും ഇൻറർവ്യൂവിലുമുള്ള പ്രകടനം എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്. എം.ബി.എ കോഴ്സിനും എം.ബി.എ ഇൻറർനാഷനൽ ബിസിനസ് കോഴ്സിനും www.bhuonline.in എന്ന വെബ്സൈറ്റിലൂടെ ഒാൺലൈനായി പ്രത്യേകം പ്രത്യേകം അപേക്ഷിക്കണം. അപേക്ഷഫീസ് 1500 രൂപ. പട്ടികജാതി, വർഗക്കാർക്ക് 800 രൂപ മതി.
എം.ബി.എ കോഴ്സിൽ മാർക്കറ്റിങ്, ഹ്യൂമൻ റിസോഴ്സ് മാനേജ്മന്റ്, ഫിനാൻസ്, ഒാപറേഷൻസ് മാനേജ്മന്റ്, ഇൻഫർമേഷൻ ടെക്നോളജി എന്നിവ സ്പെഷലൈസേഷനുകളാണ്.
എം.ബി.എ ഇൻറർനാഷനൽ ബിസിനസിൽ മാർക്കറ്റിങ്, ഹ്യൂമൻ റിസോഴ്സ് മാനേജ്മന്റ് ഫിനാൻസ്, ഒാപറേഷൻസ് മാനേജ്മന്റ്, ഇൻഫർമേഷൻ ടെക്നോളജി, ഗ്ലോബൽ ബിസിനസ്ഒാപറേഷൻസ് എന്നിവയാണ് സ്പെഷലൈസേഷനുകൾ. പ്രാബല്യത്തിലുള്ള GMAT സ്കോർ പരിഗണിച്ചാവും തെരഞ്ഞെടുപ്പ്.
കൂടുതൽ വിവരങ്ങൾക്ക് http://www.bhu.ac.in/fms എന്ന വെബ്സൈറ്റ് കാണുക.
https://www.facebook.com/Malayalivartha