സിന്ഡിക്കേറ്റ് ബാങ്ക് പ്രൊബേഷനറി ഓഫിസര് തസ്തികയിലേക്കുള്ള നിയമനത്തിനായി നടത്തുന്ന പി.ജി.ഡി.ബി.എഫ് കോഴ്സിലേക്ക് അപേക്ഷ ക്ഷണിച്ചു
സിന്ഡിക്കേറ്റ് ബാങ്ക് പ്രൊബേഷനറി ഓഫിസര് തസ്തികയിലേക്കുള്ള നിയമനത്തിനായി നടത്തുന്ന പി.ജി.ഡി.ബി.എഫ് കോഴ്സിലേക്ക് അപേക്ഷ ക്ഷണിച്ചു. മണിപ്പാല് അക്കാദമി ഓഫ് ഹയര് എജുക്കേഷനും എന്.ഐ.ടി.ടി.ഇയുമായി ചേര്ന്നാണ് പോസ്റ്റ് ഗ്രാജ്വേറ്റ് ഡിപ്ലോമ ഇന് ബാങ്കിങ് ആന്ഡ് ഫിനാന്സ് കോഴ്സ് നടത്തുന്നത്. 500 സീറ്റുകളുണ്ട്. (ജനറല്: 252, ഒ.ബി.സി: 135, എസ്.സി: 75, എസ്.ടി: 38)
യോഗ്യത: 60 ശതമാനത്തില് കുറയാത്ത മാര്ക്കോടെയുള്ള ബിരുദം (എസ്.സി, എസ്.ടി, ശാരീരിക വെല്ലുവിളികള് നേരിടുന്ന വിഭാഗക്കാര്ക്ക് 55 ശതമാനം മാര്ക്ക് മതിയാകും) അല്ലെങ്കില് തത്തുല്യം. 2017 ഒക്ടോബര് ഒന്നിന് 20നും 28നും ഇടയിലായിരിക്കണം പ്രായം.
ഒരു വര്ഷമാണ് കോഴ്സ് കാലാവധി. തെരഞ്ഞെടുക്കപ്പെടുന്നവര് വിജയകരമായി കോഴ്സ് പൂര്ത്തിയാക്കുന്നതോടെ പ്രൊബേഷനറി ഓഫിസര് ഇന് ജൂനിയര് മാനേജ്മന്റെ് ഗ്രേഡ്/സ്കെയില് ക തസ്തികയില് നിയമിതരാകും. ജനുവരി 17 വരെ അപേക്ഷിക്കാം. ഫെബ്രുവരി 18നായിരിക്കും ഓണ്ലൈന് പരീക്ഷ നടത്തുക. അപേക്ഷ സമര്പ്പിക്കേണ്ടത് ഓണ്ലൈനായി ആണ്.
എസ്.സി, എസ്.ടി, ശാരീരിക വെല്ലുവിളികള് നേരിടുന്ന വിഭാഗക്കാര്ക്ക് 100 രൂപയും മറ്റു വിഭാഗക്കാര്ക്ക് 600 രൂപയുമാണ് അപേക്ഷഫീസ്. കൂടുതല് വിവരങ്ങള്ക്ക് www.syndicatebank.in [1] ൽ Announcements ൽ Career... കാണുക.
https://www.facebook.com/Malayalivartha