ഇന്ത്യന് കൗണ്സില് മെഡിക്കല് റിസേർച്ചിൽ ജൂണിയര് റിസര്ച്ച് ഫെലോഷിപ്പിന് (ജെആര്എഫ്) അപേക്ഷ ക്ഷണിക്കുന്നു.
ഇന്ത്യന് കൗണ്സില് മെഡിക്കല് റിസര്ച്ച് (ഐസിഎംആര്) ചണ്ഡിഗഡിലെ പോസ്റ്റ് ഗ്രാജ്വേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് എഡ്യൂക്കേഷന് ആന്ഡ് റിസര്ച്ചുമായി സഹകരിച്ചു നല്കുന്ന ജൂണിയര് റിസര്ച്ച് ഫെലോഷിപ്പിന് (ജെആര്എഫ്) അപേക്ഷ ക്ഷണിക്കുന്നു.
ജൂലൈ 22ന് ദേശീയതലത്തില് നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് ഫെലോഷിപ്പിന് യോഗ്യരായവരെ തെരഞ്ഞെടുക്കുന്നത്. ബംഗളൂരു, ഭോപ്പാല്, ഭുവനേശ്വര്, ചണ്ഡിഗഡ്, ചെന്നൈ, ഡല്ഹി, ഗോഹട്ടി, ഹൈദരാബാദ്, കോല്ക്കത്ത, മുംബൈ, ശ്രീനഗര്, വാരണാസി എന്നിവിടങ്ങളില് വച്ചായിരിക്കും പ്രവേശന പരീക്ഷ നടക്കുന്നത് .
ആകെ 150 ഫെലോഷിപ്പുകളാണു നല്കാൻ ഉദ്ദേശിച്ചിരിക്കുന്നത്. ഇതില് 120 എണ്ണം ബയോ മെഡിക്കല് സയന്സിലും 30 എണ്ണം സോഷ്യല് സയന്സിലുമാണു നല്കുന്നത്. സോഷ്യോളജി, സൈക്കോളജി, ഹോം സയന്സ്, സ്റ്റാറ്റിസ്റ്റിക്സ് അന്ത്രപ്പോളജി, സോഷ്യല് വര്ക്ക്, പബ്ലിക് ഹെല്ത്ത് എന്നീ വിഷയങ്ങളാണ് സോഷ്യല് സയന്സില് ഉള്പ്പെടുത്തിയിരിക്കുന്നത്. ഈ മാസം 12 മുതല് മേയ് 15 വരെ ഓണ്ലൈനായി വേണം അപേക്ഷ സമർപ്പിക്കേണ്ടത്.
അപേക്ഷാ ഫീസ് 1000 രൂപ. പട്ടിക ജാതി-വര്ഗക്കാര്ക്ക് 800 രൂപ. ബന്ധപ്പെട്ട വിഷയത്തില് 55 ശതമാനം മാര്ക്കോടെ ബിരുദാനന്തര ബിരുദം നേടിയവര്ക്കും അവസാന വര്ഷ വിദ്യാര്ഥികള്ക്കും അപേക്ഷിക്കാം. പ്രായം 2018 സെപ്റ്റംബര് 30ന് 28 കഴിയരുത്. സംവരണ വിഭാഗങ്ങള്ക്ക് ഇളവുണ്ട്.
കൂടുതൽ വിവരങ്ങൾക്ക് ഈ വെബ്സൈറ്റ്: http://pgime r.edu.in, www.icmr.ni c.in. സന്ദർശിച്ചാൽ മതി.
https://www.facebook.com/Malayalivartha