കേന്ദ്ര ബയോ ടെക്നോളജി വകുപ്പിന്റെ ആഭിമുഖ്യത്തില് ജൂണ്, ജൂലൈ മാസങ്ങളില് ദേശീയതലത്തില് വിവിധ ഘട്ടങ്ങളായി നടത്തുന്ന ബയോ ഇന്ഫര്മാറ്റിക്സ് നാഷനല് സര്ട്ടിഫിക്കേഷന് (ബി.ഐ .എന്.സി) 2018 പരീക്ഷയില് പങ്കടുക്കുന്നതിന് ഒാണ്ലൈന് രജിസ്ട്രേഷന്
കേന്ദ്ര ബയോ ടെക്നോളജി വകുപ്പിന്റെ ആഭിമുഖ്യത്തില് ജൂണ്, ജൂലൈ മാസങ്ങളില് ദേശീയതലത്തില് വിവിധ ഘട്ടങ്ങളായി നടത്തുന്ന ബയോ ഇന്ഫര്മാറ്റിക്സ് നാഷനല് സര്ട്ടിഫിക്കേഷന് (ബി.ഐ .എന്.സി) 2018 പരീക്ഷയില് പങ്കടുക്കുന്നതിന് ഒാണ്ലൈന് രജിസ്ട്രേഷന് ഇപ്പോൾ ചെയ്യാം .ബയോ ഇന്ഫര്മാറ്റിക്സ് പ്രഫഷനലുകളെ കണ്ടെത്താനും കഴിവുകള് വിലയിരുത്താനും തൊഴില്ശേഷി വര്ധിപ്പിക്കാനും പിഎച്ച്.ഡി പഠനത്തിന് ജൂനിയര് റിസര്ച് ഫെലോഷിപ് ലഭ്യമാക്കാനും ലക്ഷ്യമിട്ടുള്ള പഠന പദ്ധതിയാണിത് .
ഏപ്രില് 25 മുതല് മേയ് 31വരെ രജിസ്ട്രേഷന് സമയമുണ്ട്. ബി.എന്.സി സര്ട്ടിഫിക്കേഷന് നേടുന്നവര്ക്ക് റിക്രൂട്ട്മന്റ്കളിലും പങ്കെടുക്കാം. പിഎച്ച്.ഡിക്ക് രജിസ്റ്റര് ചെയ്ത് ഫെലോഷിപ്പോടെ ഗവേഷണ പഠനത്തിന് സൗകര്യമുണ്ട്.
ഇനി പറയുന്ന യോഗ്യതകള് ഉള്ളവര്ക്ക് ബി.ഐ .എന്.ഇ പരീക്ഷയില് പങ്കെടുക്കാം. ബാച്ലേഴ്സ്/മാസ്റ്റേഴ്സ് ഡിഗ്രി (ലൈഫ് സയന്സസ്, ഫിസിക്കല് സയന്സസ്, കെമിക്കല് സയന്സസ്, മാത്തമാറ്റിക്കല് സയന്സസ്, അഗ്രികള്ചര്, വെറ്ററിനറി മെഡിസിന്, ഫാര്മസി, എന്ജിനീയറിങ്/ടെക്നോളജി) ഫൈനല് യോഗ്യത പരീക്ഷയെഴുതുന്നവരെയും പരിഗണിക്കും. ബയോ ഇന്ഫര്മാറ്റിക്സില് പരിശീലനമോ ഡിപ്ലോമ സര്ട്ടിഫിക്കറ്റോ വേണമെന്നില്ല.
പരീക്ഷ ഫീസ് 600 രൂപ. വനിതകള്ക്കും ഒ.ബി.സി വിഭാഗത്തില്പ്പെടുന്നവര്ക്കും 400. പട്ടികജാതി/വര്ഗക്കാര്ക്ക് 200. ഭിന്നശേഷിക്കാരെ (പി.ഡബ്ല്യു.ഡി) പരീക്ഷ ഫീസില്നിന്ന് ഒഴിവാക്കിയിട്ടുണ്ട്.അപേക്ഷ ഒാണ്ലൈനായി http://biel.nic.in/BINC.htmlല് സമര്പ്പിക്കാവുന്നതാണ്. ഇതിനുള്ള നിര്ദേശങ്ങള് വെബ്സൈറ്റിലുണ്ട്. മേയ് 31വരെ അപേക്ഷകള് സ്വീകരിക്കും.
അഞ്ചു സെക്ഷനുകളായി നടത്തുന്ന പരീക്ഷയില് ബയോ ഇന്ഫര്മാറ്റിക്സ്, ബയോളജി, ഫിസിക്കല് ആന്ഡ് കെമിക്കല് സയന്സ്, മാത്തമാറ്റിക്സ് ആന്ഡ് സ്റ്റാറ്റിസ്റ്റിക്സ്, കമ്ബ്യൂട്ടര് സയന്സ് ആന്ഡ് ഇന്ഫര്മേഷന് ടെക്നോളജി വിഷയങ്ങളില് പരിജ്ഞാനമളക്കുന്ന ചോദ്യങ്ങളുമുണ്ടാകും. പരീക്ഷ സിലബസ് വെബ്സൈറ്റിലുണ്ട്.
ആദ്യഘട്ട പരീക്ഷ (പേപ്പര് I) ജൂണ് 23ന് നടക്കും. ചെന്നൈ, ബംഗളൂരു, തിരുവനന്തപുരം, ഹൈദരാബാദ്, പുണെ, ഡല്ഹി, ഗുവാഹതി, കൊല്ക്കത്ത എന്നിവ പരീക്ഷകേന്ദ്രങ്ങളില്പെടും. രണ്ടുമണിക്കൂറാണ് സമയം. ഒബ്ജക്ടിവ് മാതൃകയിലുള്ള ഇൗ പേപ്പറില് 40 ശതമാനം മാര്ക്കില്കുറയാതെ നേടുന്നവരെ അടുത്ത രണ്ടാംഘട്ടം പരീക്ഷയില് പെങ്കടുപ്പിക്കും. ഇത് ജൂലൈ 15ന് നടത്തും. ഇതില് ഷോര്ട്ട് ആന്സര് മാതൃകയില് ഉത്തരമെഴുതണം. മൂന്നുമണിക്കൂര് സമയം ലഭിക്കും. ജൂലൈ 15ന് തന്നെ നടത്തുന്ന പേപ്പര് മൂന്ന് പ്രാക്ടിക്കല് പരീക്ഷയാണ്. രണ്ട് മണിക്കൂര് സമയം ലഭിക്കും.
'അനലറ്റിക്കല് എബിലിറ്റിയും പ്രോഗ്രാമിങ്' പ്രാവീണ്യവുമൊക്കെ ഇതിലൂടെ വിലയിരുത്തപ്പെടും. അന്തിമഫലം ജൂലൈ 25ന് പ്രസിദ്ധപ്പെടുത്തും.
വിജയികള്ക്ക് ബി.െഎ.എന്.സി സര്ട്ടിഫിക്കറ്റ് സമ്മാനിക്കും. ഉന്നതവിജയം വരിക്കുന്ന ആദ്യത്തെ 10പേര്ക്ക് 10,000 രൂപവീതം കാഷ് പ്രൈസും ലഭിക്കും. കൂടുതല് വിവരങ്ങള് http://bcil.nic.in/BINC.htmlല് ലഭിക്കും.
https://www.facebook.com/Malayalivartha