എം ജി സർവകലാശാല ട്രയൽ അലോട്ട്മെന്റ് പ്രസിദ്ധികരിച്ചു
യൂണിവേഴ്സിറ്റിയോട് അഫിലിയേറ്റ് ചെയ്തിട്ടുള്ള സര്ക്കാര്, എയ്ഡഡ്, സ്വാശ്രയ ആര്ട്സ് ആന്ഡ് സയന്സ് കോളജുകളിലെ ഏക ജാലകം വഴിയുള്ള ഒന്നാം വര്ഷ ബിരുദ പ്രോഗ്രാമുകളിലേക്കുള്ള ട്രയല് അലോട്ട്മെന്റ് പ്രസിദ്ധീകരിച്ചു. ഓപ്ഷനുകള് പുതുക്കാനും ഓണ്ലൈന് അപേക്ഷയില് തെറ്റുകള് പറ്റിയിട്ടുണ്ടെങ്കില് ആയതു തിരുത്തുന്നതിനും 11ന് ഉച്ച കഴിഞ്ഞ് രണ്ടുവരെ അവസരം ലഭിക്കും.
അപേക്ഷകര്ക്ക് ഉചിതമായ ഓപ്ഷനുകള് തെരഞ്ഞെടുക്കാനായി അപേക്ഷകര് ഓപ്ഷനായി നല്കിയിട്ടുള്ള വിവിധ പ്രോഗ്രാമുകളിലെ ഇന്ഡക്സ് മാര്ക്കും ട്രയല് അലോട്ട്മെന്റിലെ വിവിധ പ്രോഗ്രാമുകളിലെ ലാസ്റ്റ് റാങ്ക് വിശദാംശങ്ങളും പ്രൊവിഷണല് റാങ്ക് ലിസ്റ്റും വെബ്സൈറ്റില് ലഭ്യമാണ്.
അപേക്ഷകര്ക്കു തങ്ങള് ഓപ്ഷനായി നല്കിയിട്ടുള്ള വിവിധപ്രോഗ്രാമുകളുടെ സീറ്റ് വിശദാംശങ്ങള്, ലാസ്റ്റ്റാങ്ക് വിശദാംശങ്ങള്, പ്രൊവിഷണല് റാങ്ക് ലിസ്റ്റ്എന്നിവ പരിശോധിച്ച് ഉചിതമായ ഓപ്ഷനുകള് ആവശ്യമെങ്കില് പുതുതായി നല്കുകയോ പുനഃക്രമീകരിക്കുകയോ ഒഴിവാക്കുകയോ ചെയ്യാം.
അപേക്ഷകര്ക്ക് അപേക്ഷയിലെ കൃത്യത ഉറപ്പുവരുത്താനും അനുയോജ്യമായ ഓപ്ഷനുകള് നല്കാനും ആവശ്യമായ വിവരങ്ങള് യുജി ക്യാപ് വെബ്സൈറ്റില് www.cap.mgu.ac.in നല്കിയിട്ടുണ്ട്. ഒന്നാം അലോട്ടുമെന്റ് ഈ മാസം 18നു പ്രസിദ്ധീകരിക്കും.
https://www.facebook.com/Malayalivartha