വ്യോമസേനയിൽ മീറ്റിയറോളജിക്കൽ ബ്രാഞ്ചിൽ ഓഫീസർ ഒഴിവുകൾ
വ്യോമസേനയുടെ എൻസിസി സ്പെഷൽ എൻട്രി ആൻഡ് മീറ്റിയറോളജിക്കൽ ബ്രാഞ്ചിൽ ഓഫീസർ ഒഴിവുകൾ. പുരുഷൻമാർക്കും സ്ത്രീകൾക്കും അപേക്ഷിക്കാം. ഒാൺലൈനായി അപേക്ഷിക്കേണ്ട അവസാന തീയതി ഒാഗസ്റ്റ് 31. വ്യോമസേനയുടെ ഫ്ലൈയിങ് ബ്രാഞ്ചിലെ പെർമനന്റ് കമ്മിഷൻ കോഴ്സിലേക്കും ഷോർട്ട് സർവീസ് കമ്മിഷൻ കോഴ്സുകളിലേക്കും മീറ്റിയറോളജിക്കൽ ബ്രാഞ്ചിലെ (ഗ്രൗണ്ട് ഡ്യൂട്ടി–നോൺ ടെക്നിക്കൽ) പെർമനന്റ് കമ്മിഷൻ കോഴ്സിലേക്കുംഷോർട്ട് സർവീസ് കമ്മിഷൻ കോഴ്സുകളിലേക്കുമാണ് അപേക്ഷ ക്ഷണിച്ചിട്ടുള്ളത്. 25 വയസിൽ താഴെയുള്ള അപേക്ഷകർ അവിവാഹിതരായിരിക്കണം.
ഫ്ലൈയിങ് ബ്രാഞ്ച്: എൻസിസി എയർ വിങ് സീനിയർ ഡിവിഷൻ സി സർട്ടിഫിക്കറ്റ്(2015 ഒാഗസ്റ്റ് ആറിനോ അതിനുശേഷമോ നേടിയത്).
2കുറഞ്ഞത് 60% മാർക്കോടെ ഏതെങ്കിലും വിഷയത്തിൽ ബിരുദം. പ്ലസ്ടു തലത്തിൽ ഫിസിക്സും മാത്തമാറ്റിക്സും പഠിച്ചവരാകണം (60% മാർക്ക് വീതം നേടിയിരിക്കണം) അല്ലെങ്കിൽ കുറഞ്ഞത് 60% മാർക്കോടെ നാലു വർഷത്തെ ബിഇ/ബിടെക് ബിരുദം, പ്ലസ്ടു തലത്തിൽ ഫിസിക്സും മാത്തമാറ്റിക്സും പഠിച്ചവരാകണം (60% മാർക്ക് വീതം നേടിയിരിക്കണം). അല്ലെങ്കിൽ ഇൻസ്റ്റിറ്റ്യൂട്ട് എൻജിനീയേഴ്സ് (ഇന്ത്യ) നടത്തുന്ന അസോഷ്യേറ്റ് മെംബർഷിപ്പ് പരീക്ഷയുടെ/എയ്റോനോട്ടിക്കൽ സൊസൈറ്റി ഓഫ് ഇന്ത്യ നടത്തുന്ന പരീക്ഷയുടെ എയും ബിയും സെക്ഷനുകളിൽ ജയം. (കുറഞ്ഞത് 60% മാർക്ക് വേണം) /തത്തുല്യം.
ഗ്രൗണ്ട് ഡ്യൂട്ടി(നോൺ ടെക്നിക്കൽ) ബ്രാഞ്ച്: കുറഞ്ഞതു മൊത്തം 50% മാർക്കോടെ എതെങ്കിലും സയൻസ് വിഷയം// മാത്തമാറ്റിക്സ്/ സ്റ്റാറ്റിസ്റ്റിക്സ്/ ജ്യോഗ്രഫി/ കംപ്യൂട്ടർ ആപ്ലിക്കേഷൻസ്/ എൻവയോൺമെന്റൽ സയൻസ്/ അപ്ലൈഡ് ഫിസിക്സ്/ഓഷ്യനോഗ്രഫി/ മീറ്റിയറോളജി/അഗ്രികൾച്ചറൽ മീറ്റിയറോളജി/ഇക്കോളജി ആൻഡ്എൻവയോൺമെന്റ്/ ജിയോ ഫിസിക്സ്/എൻവയോൺമെന്റൽ ബയോളജിയിൽ പിജി ബിരുദം. ബിരുദതലത്തിൽ മാത്തമാറ്റിക്സ്, ഫിസിക്സ് എന്നീ വിഷയങ്ങൾക്കു കുറഞ്ഞത് 55% മാർക്കു നേടിയിരിക്കണം.
അവസാന വർഷ/ സെമസ്റ്റർ പരീക്ഷയെഴുതിയ വിദ്യാർഥികൾക്കും അപേക്ഷിക്കാം.
അപേക്ഷിക്കേണ്ട വിധം: www.careerairforce.nic.in എന്ന വെബ്സൈറ്റിലെ CANDIDATE LOGIN എന്ന ലിങ്കിൽ ക്ലിക്ക് ചെയ്താൽ ഓൺലൈൻ അപേക്ഷ പൂരിപ്പിക്കാം വിശദവിവരങ്ങൾക്ക് വെബ്സൈറ്റ്: www.careerairforce.nic.in.
https://www.facebook.com/Malayalivartha