ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷനിൽ സയന്റിസ്റ്റ് ബി തസ്തികയിലെ 431 ഒഴിവുകളിലേക്ക് അപേക്ഷ ക്ഷണിച്ചു
ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷനിൽ സയന്റിസ്റ്റ് ബി തസ്തികയിലെ 431 ഒഴിവുകളിലേക്ക് അപേക്ഷ ക്ഷണിച്ചു. ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ്, കംപ്യൂട്ടർ സയൻസ് എൻജിനിയറിംഗ് എന്നിവയിലാണ് ഒഴിവ്. ഗേറ്റ് പരീക്ഷ വിജയിച്ചവർക്കാണ് അവസരം. അപേക്ഷ ഓൺലൈനായി സമർപ്പിക്കണം.
ഇലക്ട്രോണിക്സ് ആൻഡ് കമ്യൂണിക്കേഷൻ, കമ്യൂണിക്കേഷൻ എൻജിനിയറിംഗ്: 22 ഒഴിവ്.
യോഗ്യത: ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗിൽ ഫസ്റ്റ് ക്ലാസ് ബിരുദം. ഇലക്ട്രോണിക്സ് ആൻഡ് കമ്യൂണിക്കേഷനിൽ ഗേറ്റ് യോഗ്യത നേടിയിരിക്കണം.
കംപ്യൂട്ടർ സയൻസ് ആൻഡ് എൻജിനിയറിംഗ്: 19 ഒഴിവ്.
യോഗ്യത: കംപ്യൂട്ടർ സയൻസ് ആൻഡ് എൻജിനിയറിംഗിൽ ഫസ്റ്റ് ക്ലാസ് എൻജിനിയറിംഗ്/ടെക്നോളജി ബിരുദം. കംപ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജിയിൽ ഗേറ്റ് യോഗ്യത നേടിയിരിക്കണം.
2018 ജൂലൈ 31 നകം നിർദിഷ്ട യോഗ്യത നേടുമെന്നുറപ്പുള്ളവർക്കും അപേക്ഷിക്കാം.
പ്രായം: 2018 ജൂൺ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്. ജനറൽ വിഭാഗക്കാർക്ക് 28 വയസും ഒബിസിക്കാർക്ക് 31 വയസും എസ്സി, എസ്ടിക്കാർക്ക് 33 വയസുമാണ് ഉയർന്ന പ്രായം.
അപേക്ഷാ ഫീസ്: 100 രൂപ. വനിതകൾ, അംഗപരിമിതർ, എസ്സി, എസ്ടി എന്നീ വിഭാഗക്കാർക്ക് ഫീസില്ല.
അപേക്ഷ: www.drdo.gov.in എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കണം. പ്രായം, യോഗ്യത, ഗേറ്റ് സ്കോർ എന്നിവ തെളിയിക്കുന്ന രേഖകളും പാസ്പോർട്ട് സൈസ് കളർഫോട്ടോയും അപ്ലോഡ് ചെയ്യണം.
ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂൺ ഒന്ന്. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.
https://www.facebook.com/Malayalivartha