പിഎസ്സി ഒറ്റത്തവണ രജിസ്ട്രേഷന് ഇനി ആധാര് നിര്ബന്ധം
പിഎസ്സിയില് ഒറ്റത്തവണ രജിസ്ട്രേഷന് ആധാര് നിര്ബന്ധമാക്കാന് പിഎസ്സി യോഗം തീരുമാനിച്ചു. ഒരേയാള് പല പ്രൊഫൈലുകള് സൃഷ്ടിക്കുന്നത് ഒഴിവാക്കുന്നതിനും പരീക്ഷകളില്നിന്നു വിലക്കപ്പെട്ടവര് മറ്റു പേരില് പരീക്ഷ എഴുതുന്നതു തടയുന്നതിനും ഇതു സഹായകരമാകും.
സംസ്ഥാന ബജറ്റില് ഭിന്നശേഷിക്കാരുടെ സംവരണം നാലുശതമാനം ആക്കുമെന്നു പറയുന്നുണ്ട്. ഇത് 1996 മുതല് വേണമോയെന്ന കാര്യത്തിലും ആശയക്കുഴപ്പം നിലനില്ക്കുന്നു. എക്സൈസില് വനിതകളെ നിയമിക്കാന് സര്ക്കാര് ആവശ്യപ്പെട്ടുവെങ്കിലും കായികയോഗ്യതയും അവരെ എവിടെ നിയമിക്കണമെന്നും അറിയിച്ചിട്ടില്ല. ഈ പ്രശ്നം സംബന്ധിച്ചു പിഎസ്സി ചെയര്മാന് എം.കെ.സക്കീര് എക്സൈസ് മന്ത്രിയുമായി ചര്ച്ച നടത്തും.
വനത്തിലെ തീവ്രവാദം തടയുന്നതിന്റെ ഭാഗമായി വനത്തെ അറിയുന്ന പട്ടികവര്ഗ-ആദിവാസി അപേക്ഷകരില്നിന്നു സിവില് പൊലീസ് ഓഫിസര്, വനിതാ സിവില് പൊലീസ് ഓഫിസര്, സിവില് എക്സൈസ് ഓഫിസര്, വനിതാ സിവില് എക്സൈസ് ഓഫിസര് തസ്തികകളില് നേരിട്ടു നിയമനം നടത്തും. അപേക്ഷാഫോം പൂരിപ്പിച്ചു രേഖകള് സഹിതം അപേക്ഷിക്കാം.
പരീക്ഷകളി!ല് മലയാളം ഉള്പ്പെടുത്തുക, ചോദ്യ ബാങ്ക് തയാറാക്കുക, ഒരു വര്ഷം നീളുന്ന ഫയല് തീര്പ്പാക്കല് നടത്തുക, ഓണ്ലൈന് പരീക്ഷ എല്ലാ ജില്ലകളിലേക്കും വ്യാപിപ്പിക്കുക എന്നിവ നടപ്പാക്കുന്നതു പഠിക്കാന് പ്രഫ. ലോപ്പസ് മാത്യു കണ്വീനറായ അക്കാദമിക് കമ്മിറ്റിയെ ചുമതലപ്പെടുത്തി.
മെഡിക്കല് വിദ്യാഭ്യാസ വകുപ്പില് സീനിയര് ലക്ചറര്/ലക്ചറര് (ഇന് കമ്യൂണിറ്റി മെഡിസിന്), ഭക്ഷ്യസുരക്ഷാ വകുപ്പില് മൈക്രോബയോളജിസ്റ്റ്, പുരാവസ്തു വകുപ്പില് റിസര്ച്ച് അസിസ്റ്റന്റ്-ഫോക്ലോര്, നിയമസഭാ സെക്രട്ടേറിയറ്റില് കോപ്പി ഹോള്ഡര് തസ്തികകളിലേക്ക് ഓണ്ലൈന് പരീക്ഷ നടത്തും. പ്ലസ് ടു യോഗ്യത വേണ്ട തസ്തികകള്ക്ക് വിഎച്ച്എസ്ഇ പാര്ട്ട് ഒന്നും രണ്ടും മാത്രം പാസായവരെ പരിഗണിക്കില്ല. എക്സൈസില് െ്രെഡവര് (എച്ച്ഡിവി) തസ്തികയുടെ സ്പെഷല് റൂള് ദേഭഗതി അംഗീകരിച്ചു.
കൃഷി വകുപ്പില് ട്രാക്ടര് െ്രെഡവര് തസ്തികയിലേക്കു പ്രായോഗിക പരീക്ഷയുടെ അടിസ്ഥാനത്തില് ചുരുക്കപ്പട്ടിക തയാറാക്കി അഭിമുഖം നടത്തും. വിദ്യാഭ്യാസ വകുപ്പില് പാര്ട്ട് ടൈം ജൂനിയര് അറബിക് ടീച്ചര് (എല്പിഎസ് പത്തനംതിട്ട) എന്സിഎ ഒബിസി ഒഴിവില് ഉദ്യോഗാര്ഥികളെ ലഭിക്കാത്തതിനാല് മാതൃ റാങ്ക് ലിസ്റ്റില്നിന്ന് അടുത്ത സംവരണ സമുദായത്തിനു നല്കും. പോസ്റ്റ് ഡോക്ടറല് ഫെലോഷിപ് നേടിയവര്ക്കു ഗ്രേസ് മാര്ക്ക് നല്കും.
നിയമവകുപ്പില് അസിസ്റ്റന്റ് തമിഴ് ട്രാന്സ്ലേറ്റര് തസ്തികയിലേക്ക് എഴുത്തു പരീക്ഷ നടത്തും. കേരള മിനറല്സ് ആന്ഡ് മെറ്റല്സില് സെക്യൂരിറ്റി ഗാര്ഡ് തസ്തികയിലേക്കു (പട്ടികവര്ഗം) സൈക്ലിങ്, ശാരീരിക അളവെടുപ്പ് എന്നിവ നടത്തും. ട്രാവന്കൂര് ടൈറ്റാനിയത്തില് സൂപ്പര്വൈസര് തസ്തികയുടെ മാനദണ്ഡം സംബന്ധിച്ച സര്ക്കാര് നിര്ദേശം അംഗീകരിച്ചു.
https://www.facebook.com/Malayalivartha