സാങ്കേതിക സ്ഥാപനങ്ങളിലേക്കുള്ള ഓപ്ഷൻ രജിസ്ട്രേഷനിൽ ശ്രദ്ധിക്കേണ്ടതെന്തെല്ലാം
ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (IIT), നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി (NIT), ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (IIIT), സർക്കാർ സഹായത്താൽ പ്രവർത്തിക്കുന്ന മറ്റു സാങ്കേതികസ്ഥാപനങ്ങൾ എന്നിവിടങ്ങളിലെ ബിരുദതല കോഴ്സുകളിലേക്കുള്ള പ്രവേശനം ജോയിന്റ് സീറ്റ് അലോക്കേഷൻ അതോറിറ്റി (JOSAA), http://josaa.nic.in എന്ന വെബ്സൈറ്റ് വഴിയാണ് നടപടികൾ ക്രമീകരിച്ചിരിക്കുന്നത്. സീറ്റ് അലോട്ട്മെന്റ് നടപടികൾ ജൂൺ 15-ന് തുടങ്ങും.
JEE (Advanced) റാങ്ക് പട്ടികയിലുള്ളവർക്ക് 23 IITകളിലേക്കും JEE (Main) റാങ്ക് പട്ടികയിലുള്ളവർക്ക് NIT (31), IIIT (23), GFTI (20) എന്നിവിടങ്ങളിലേക്കും രണ്ടു ലിസ്റ്റിലുമുള്ളവർക്ക് മൊത്തം 97 സ്ഥാപനങ്ങളിലേക്കും താത്പര്യങ്ങൾ രജിസ്റ്റർ ചെയ്യാം.
ആർക്കിടെക്ചർ: IIT യുടെ ആർക്കിടെക്ടർ അഭിരുചി പരീക്ഷ എഴുതിയവർക്ക് ജൂൺ 19 മുതൽ ചോയ്സ് ഫില്ലിങ് നടത്താം.
ചോയ്സ് ഫില്ലിങ്: ജൂൺ 26-ന് വൈകീട്ട് അഞ്ചുമണിക്ക് ചോയ്സ് ഫില്ലിങ്ങിനുള്ള സമയം അവസാനിക്കും. നൽകിയ ചോയ്സ് 'Lock' ചെയ്യണം.
അലോട്ട്മെന്റ്: ജൂൺ 20-നും 23-നും വൈകീട്ട് അഞ്ചുമണിവരെ ലഭിക്കുന്ന ചോയ്സുകൾ പരിഗണിച്ച് സൂചനകൾ നൽകുന്നതിനായി മോക്ക് അലോട്ട്മെന്റുകൾ പ്രഖ്യാപിക്കും. ഇതിന്റെ അടിസ്ഥാനത്തിൽ ചോയ്സ് മാറ്റം വരുത്താവുന്നതാണ്.
ആദ്യ റൗണ്ട് അലോട്ട്മെന്റ് 28-ന് രാവിലെ 10-നാണ്. അലോട്ട്മെന്റ് ലഭിക്കുന്നവർ ജൂൺ 29-നും ജൂലായ് മൂന്നിനും ഇടയ്ക്ക് ഏതെങ്കിലും റിപ്പോർട്ടിങ് സെന്ററിൽ നേരിട്ട് ചെന്ന് സീറ്റ് സ്വീകരിക്കണം. 'Seat Acceptance Fee' (SC/ST/PWD ക്കാർക്ക് 20,000 രൂപയും മറ്റുള്ളവർക്ക് 45,000 രൂപയും) ഇ-ചെലാൻ വഴിയോ ഓൺലൈൻ ആയോ ഫീസ് അടക്കണം. രണ്ടു മുതൽ ൭ വരെയുള്ള അലോട്ട്മെന്റ് ഫലങ്ങൾ ജൂലായ് 4, 7, 10, 13, 15, 18 എന്നീ തീയതികളിൽ പ്രഖ്യാപിക്കും.
മുൻഗണനാക്രമം: മുൻഗണനാക്രമം നിശ്ചയിച്ച് ചോയ്സുകൾ നൽകണം. JEE (Advanced), JEE (Main) എന്നീ രണ്ടു റാങ്ക് പട്ടികകളിലുള്ളവർ ഇവ രണ്ടിലേയും എല്ലാസ്ഥാപനങ്ങളും പരിഗണിച്ചാണ് മുൻഗണന നിശ്ചയിക്കേണ്ടത്.അലോട്ട്മെന്റ് ലഭിച്ചവർ Acceptance Fees അടയ്ക്കാതിരിക്കുകയോ ഫീസടച്ചശേഷം റിപ്പോർട്ടിങ് സെന്ററിൽ ഹാജരാകാതിരിക്കുകയോ ചെയ്താൽ സീറ്റ് നഷ്ടപ്പെടും.
https://www.facebook.com/Malayalivartha