യോഗ അധ്യാപക മേഖലയിൽ 3 ലക്ഷം പേരുടെ കുറവ്
അസോസിയേറ്റഡ് ചേംബര് ഓഫ് കൊമേഴ്സ് നടത്തിയ പഠനത്തിൽ യോഗ അധ്യാപക മേഖലയിൽ 3 ലക്ഷം പേരുടെ കുറവുണ്ടെന്ന് കണ്ടെത്തി. അന്താരാഷ്ട്ര യോഗ ദിനാഘോഷങ്ങളൊക്കെ വന്നതോടെ യോഗയുടെ പ്രചാരം വർധിച്ചതാണിതിന് കാരണം. ലോകമൊട്ടകെ യോഗയുടെ പ്രചാരണം വര്ദ്ധിക്കുന്നതോടെ പരിശീലനം ലഭിച്ച യോഗാധ്യാപകരുടെ ആവശ്യകതയില് വര്ദ്ധനവുണ്ടാകും. ഇന്ത്യയില് ഏതാണ്ട് അഞ്ച് ലക്ഷം യോഗാധ്യപകരെ വേണമെന്നാണ് കണക്കാക്കുന്നത്. ഇതില് മൂന്ന് ലക്ഷം പേരുടെ കുറവുണ്ടെന്നാണ് പഠനം പറയുന്നത്.
ഇക്കാരണത്താൽ യോഗ പരിശീലകര്ക്ക് കൂടുതല് തൊഴിലവസരങ്ങള് വന്നുചേരും. യോഗയെ ഒരു ജീവിതശൈലി എന്ന നിലയില് തന്നെ ഇപ്പോള് അംഗീകരിക്കപ്പെട്ടിട്ടുണ്ട്. അതിനാല് തന്നെ യോഗ സ്റ്റഡി സെന്ററുകളും യോഗ കോച്ചിങ്ങുകളും രാജ്യമൊട്ടാകെ പ്രചാരം നേടിക്കഴിഞ്ഞു. മിക്കവാറും എല്ലാ സ്കൂളുകളിലും യോഗ നിർബന്ധമാക്കിയിട്ടുണ്ട്.
https://www.facebook.com/Malayalivartha