അയാം ദ് ചെയ്ഞ്ച് ഫെലോഷിപ്പ് : അർഹരായ കുട്ടികളെ കണ്ടെത്താനും പഠന സഹായമെത്തിക്കാനും
മിടുക്കരായ കുട്ടികൾ പലപ്പോഴും വഴികാട്ടാൻ ആളില്ലാത്തതുകൊണ്ടുമാത്രം പഠനം നിർത്തി എങ്ങുമെത്താതെ പോകുന്നത് നാം പലപ്പോഴും കാണാറുണ്ട്.
ഈ സാഹചര്യം മാറ്റേണ്ടതാണെന്നു ഇടക്കെങ്കിലും ചിന്തിച്ചിട്ടില്ലേ? ഉണ്ടെങ്കിൽ ആ മാറ്റത്തിന്റെ ഭാഗമാകാൻ സന്നദ്ധസംഘടനയായ ടീം എവറസ്റ്റ് ഇന്ത്യയുടെ അയാം ദ് ചെയ്ഞ്ച് ഫെലോഷിപ്പിന് അപേക്ഷിക്കാം.
അർഹരായ കുട്ടികളെ കണ്ടെത്തി പഠന, സാമ്പത്തിക സഹായം എത്തിക്കാനുള്ള പ്രോജക്ടുകളിൽ പ്രവർത്തിക്കാനാണു ഫെലോഷിപ്.
ചെന്നൈ കേന്ദ്രീകരിച്ചുള്ള പ്രോജക്ടുകളുടെ കാലാവധി രണ്ടു വർഷം. സാമൂഹിക, സാമ്പത്തിക കാരണങ്ങളാൽ പിന്നാക്കം നിൽക്കുന്ന അർഹരായ കുട്ടികളെ കണ്ടെത്തി സഹായമെത്തിക്കുകയാണ് ഓരോ പ്രോജക്ടിന്റെയും ലക്ഷ്യം.
നിശ്ചിത സമയത്തിനുള്ളിൽ ഓരോരുത്തരും ഓരോ പ്രോജക്ട് ചെയ്യണം. വ്യക്തിത്വ വികസനം, നേതൃപാടവം, ആശയവിനിമയശേഷി എന്നിവയിൽ മികച്ച പരിശീലന അവസരമാണിത്. ഓരോരുത്തർക്കും മെന്റർ ഉണ്ടാകും. ഇവർ പ്രവർത്തനം വിലയിരുത്തി മാർഗനിർദേശം നൽകും.
ഫെലോഷിപ്പിന് അപേക്ഷിക്കാനുള്ള മിനിമം യോഗ്യത ബിരുദമാണ്. മാസം 15000 രൂപയാണ് ഫെലോഷിപ്പ് .40 വയസ്സുവരെയുള്ളവർക്ക് അപേക്ഷിക്കാം
അപേക്ഷ അയക്കേണ്ട വെബ്സൈറ്റ്: www.iamthechange.in
https://www.facebook.com/Malayalivartha