വലിയ മെഷീനുകൾക്ക് ചെറിയ വാടക നൽകി ഉപയോഗിക്കാവുന്ന ഫാബ്ലാബുകൾ
എന്താണ് ഫാബ് ലാബുകൾ? എന്തിനു വേണ്ടിയാണിവ? അറിയാമോ? നമുക്ക് നോക്കാം. യുവസംരംഭകർക്ക് വലിയ മുതൽമുടക്കില്ലാതെ തങ്ങളുടെ അത്യാധുനിക ഉത്പാദനരീതികൾ പരിചയപ്പെടുത്തുകയും ഉപയോഗിക്കാൻ അവസരം നൽകുകയും ചെയ്യുന്ന സംവിധാനമാണ് ഫാബ്രിക്കേഷൻ ലാബുകൾ (ഫാബ് ലാബ്)ലാബുകൾ. സമൂഹത്തിന്റെ പൊതുവായ പ്രശ്നങ്ങൾ പരിഹരിക്കുന്ന ഉൽപ്പന്നങ്ങൾ സ്റ്റാർട്ട് അപ്പ് സംരംഭങ്ങളിലൂടെ നിർമിക്കപ്പെടുക എന്ന ലക്ഷ്യത്തോടെ തുടങ്ങിയവയാണീ ഫാബ് ലാബുകൾ. വലിയ വിലയുള്ള മെഷീനുകൾ ആർക്കും ചെറിയ വാടക നൽകി ഉപയോഗിക്കാവുന്ന സംവിധാനം അതാണ് ഫാബ് ലാബുകൾ.
സാങ്കേതിക ഉപകരണങ്ങളുടെ വിലയും അവയുടെ ലഭ്യതയും കാരണം കഴിവുകൾ വിനിയോഗിക്കാൻ കഴിയാത്ത സംരംഭകർക്ക് അവരുടെ ലക്ഷ്യങ്ങൾ പൂർത്തീകരിക്കുന്നതിനായി സഹായിക്കുന്ന വർക് ഷോപ്പുകളാണ് ഫാബ്ലാബുകൾ. ത്രീ ഡി പ്രിന്റിങ് സാങ്കേതികവിദ്യയുടെ സഹായത്തോടെ കവിളെല്ല് നിർമ്മിച്ച് തിരുവനന്തപുരം ആർസിസി അടുത്തെയിടെ വാർത്തകളിലിടം നേടിഎത്തും ഈ ഫാബ് ലാബിന്റെ സഹായത്തോടെയാണ്. സർക്കാരിന്റെ സ്റ്റാർട് അപ് മിഷന്റെ കീഴിലുള്ള തിരുവനന്തപുരത്തെ ഫാബ് ലാബിലാണ് ഈ കൃത്രിമ ശരീരഭാഗം നിർമ്മിക്കപ്പെട്ടത്.
തിരുവനന്തപുരം ടെക്നോപാര്ക്കില് ഇന്ത്യന് ഇന്സ്റ്റിറ്റിയൂട്ട് ഓഫ് ടെക്നോളജി മാനേജ്മെന്റി (ഐ.ഐ.ടി.എ-കെ) ലും കൊച്ചിയിലും സ്റ്റാര്ട്ട്അപ് വില്ലേജ് കെട്ടിടത്തിലുമായി എം.ഐ.ടി ഫാബ് ലാബ് ഫൗണ്ടേഷന് യു.എസ്.എയുമായിസഹരിച്ച രണ്ടു ലാബുകൾ പ്രവർത്തിക്കുന്നുണ്ട്. വിലപിടിപ്പുളള മെഷീനുകള് അതായത് 3 ഡി പ്രിന്റേഴ്സ്, കമ്പ്യൂട്ടറുകൾ, വിനൈൽ പ്ളോട്ടർ മുതലായവ ഇവിടെ ബുക്ക് ചെയ്ത് വാടക നൽകി ഉപയോഗിക്കാൻ സാധിക്കും.മണിക്കൂറിന് പത്ത് രൂപ(soldering station) മുതലാണ് യന്ത്രസാമഗ്രികളുടെ വാടക തുടങ്ങുന്നത്.
ഫാബ് ലാബില് അംഗത്വമെടുക്കുന്നതിനും സൗകര്യമുണ്ട്. വിവിധ മെഷീനുകള് ഉപയോഗിക്കാന് പഠിപ്പിക്കുന്ന ഹ്രസ്വകാല കോഴ്സുകളും ഇവിടെ പഠിപ്പിക്കുന്നുണ്ട്. കൂടുതൽ വിവരങ്ങൾ http://fablabkerala.in എന്ന വെബ്സൈറ്റിൽ ലഭ്യമാണ്.
https://www.facebook.com/Malayalivartha