സ്പേസ് സയൻസ് വിദ്യാർത്ഥികൾക്ക് തൊഴിലവസരങ്ങൾ കൂടുന്നു ....
കുറച്ചുകാലം മുന്പുവരെ സര്ക്കാര് ഏജന്സികളാണു ബഹിരാകാശമേഖല കൈകാര്യം ചെയ്തിരുന്നത്. എന്നാല് സ്പെയ്സ് എക്സ്, വെര്ജിന്, ലോക്ക്ഹീഡ് മാര്ട്ടിന് തുടങ്ങിയ വമ്പൻ സ്വകാര്യ കമ്പനികൾ നിലയുറപ്പിച്ചതോടെ കളം മാറി; തൊഴിലവസരങ്ങളുമേറി. സ്പേസ് സയന്സ് എന്നു കേൾക്കുമ്പോൾ തന്നെ റോക്കറ്റും ഉപഗ്രഹങ്ങളുമായിരിക്കും പലരുടെയും മനസ്സില് വരുന്നത്. എന്നാല് വിശാല ലോകത്തിന്റെ ചെറിയൊരു ഭാഗം മാത്രമാണിത്. അസ്ട്രോണമി, അസ്ട്രോഫിസിക്സ്, ക്ലൈമറ്റ് സയന്സ്, എയ്റോണമി, എര്ത്ത്
പഠന സാധ്യതകള്
ബഹിരാകാശമേഖല മാത്രം ലക്ഷ്യംവച്ചു തുടങ്ങിയ ഏഷ്യയിലെ ആദ്യ കോളേജാണ് തിരുവനന്തപുരത്തെ ഇന്ത്യന് ഇന്സ്റ്റിറ്റ്യൂട്ട് ഓഫ് സ്പേസ് സയന്സ് & ടെക്നോളജി (ഐഐഎസ്ടി). ബിരുദ, ബിരുദാനന്തര, ഡോക്ടറല് തലങ്ങളില് കോഴ്സുകള്. ഏവിയോണിക്സ്, എയ്റോസ്പേസ് എന്ജിനീയറിങ് എന്നിവയില് ബിടെക്, എന്ജിനീയറിങ് ഫിസിക്സില് ഡ്യൂവല് ഡിഗ്രി പ്രോഗ്രാമുകള് എന്നിവയാണു ബിരുദതലത്തിലുള്ളത്. 16 വിഭാഗങ്ങളില് മാസ്റ്റേഴ്സ് ബിരുദവും നേടാം. ജെഇഇ അഡ്വാന്സ്ഡ് വഴിയാണ് പ്രവേശനം. എല്ലാ ചെലവും വഹിക്കുന്നത് കേന്ദ്ര ശാസ്ത്രസാങ്കേതിക മന്ത്രാലയമാണ്. നിഷ്കര്ഷിച്ചിട്ടുള്ള സിജിപിഎ വേണമെന്നു മാത്രം. ബെംഗളൂരു ഐഐഎസ്സി, വിവിധ ഐഐടികള്, ബെംഗളൂരുവിലെ ഇന്ത്യന് ഇന്സ്റ്റിറ്റ്യൂട്ട് ഓഫ് അസ്ട്രോഫിസിക്സ്, പുണെയിലെ ഇന്റര്യൂണിവേഴ്സിറ്റി സെന്റര് ഫോര് അസ്ട്രോണമി & അസ്ട്രോഫിസിക്സ്, മുംബൈയിലുള്ള ടാറ്റ ഇന്സ്റ്റിറ്റ്യൂട്ട് ഓഫ് ഫണ്ടമെന്റല് റിസര്ച് തുടങ്ങി പല പ്രമുഖ സ്ഥാപനങ്ങളും ബഹിരാകാശ മേഖലയില് ഡിഗ്രികള് നല്കുന്നുണ്ട്. ഫിസിക്സിലും മാത്സിലും അഭിരുചി, ബഹിരാകാശമേഖലയോടു താല്പര്യം എന്നിവ വേണമെന്നു മാത്രം.
പ്രധാന തൊഴില്ദാതാക്കള്
ഐഎസ്ആര്ഒ, ഡിആര്ഡിഒ, ഹിന്ദുസ്ഥാന് എയ്റോസ്പേസ് ലിമിറ്റഡ് (ഹാല്) തുടങ്ങിയ പൊതുമേഖലാ സ്ഥാപനങ്ങളാണ് ഇന്ത്യയിലെ പ്രധാന തൊഴില്ദാതാക്കള്. ഗോദ്റെജ് എയ്റോസ്പേസ്, എല് ആന്ഡ്ടി തുടങ്ങിയ സ്വകാര്യ കമ്പനികളും രംഗത്തുണ്ട്. ഐ ഐ എസ് എസ്ടി യിലെ പ്ലേസ്മെന്റുകള് ഭൂരിഭാഗവും ഐഎസ്ആര്ഒയിലേക്കാണ്. ബഹിരാകാശമേഖലയില് വൈദഗ്ധ്യമുള്ളവരുടെ എണ്ണം കുറവാണ്. അതിനാല് ഇതില് തൊഴില് പരിചയം നേടുന്നവരെ വിദേശങ്ങളില് കാത്തിരിക്കുന്നതു മിന്നുന്ന അവസരങ്ങള്.
https://www.facebook.com/Malayalivartha