ഇന്ത്യയിലെ ഏറ്റവും വലിയ ബാങ്കായ എസ്.ബി.ഐ ഈ സാമ്പത്തിക വര്‍ഷം നിയമനം കുറയ്ക്കുമെന്ന് അധ്യക്ഷ അരുന്ധതി ഭട്ടാചാര്യ അഭിപ്രായപ്പെട്ടു. അഞ്ച് അനുബന്ധ ബാങ്കുകള്‍ ലയിച്ചതോടെ കൂടുതല്‍ ജീവനക്കാരെത്തിയതാണ് നിയമനങ്ങൾ കുറയ്ക്കാൻ കാരണമെന്നും അവർ വിശദീകരിച്ചു. ഈ സാഹചര്യത്തില്‍ ക്ലറിക്കല്‍ നിയമനങ്ങള്‍ ഒന്നും തന്നെ വേണ്ടിവരില്ലെന്ന് അവര്‍ വ്യക്തമാക്കി. എന്നാല്‍ ഈ സാമ്പത്തിക വര്‍ഷാവസാനത്തോടെ ഓഫീസര്‍ തസ്തികയിലേക്ക് പുതിയ നിയമനം നടത്താൻ സാധ്യത ഉണ്ടെന്നും അവർ പറഞ്ഞു.
നിലവില്‍ ജീവനക്കാര്‍ അധികമാണ്. ഈ വര്‍ഷം അവസാനത്തോടെ 13,000 ജീവനക്കാര്‍ വിരമിക്കുകയാണ്. 3,600 പേര്‍ സ്വയം വിരമിക്കലിനും തയ്യാറായിട്ടുണ്ട്. ഇതോടെ പ്രശ്‌നം പരിഹരിക്കപ്പെടുമെന്നാണ് കരുതുന്നത്.ഏപ്രില്‍ 2016 മുതല്‍ മാര്‍ച്ച് 2017 വരെ 13,097 പേരെയാണ് എസ്.ബി.ഐ. നിയമിച്ചത്. ഇക്കാലയളവില്‍ 11,264 പേര്‍ വിരമിക്കുകയും ചെയ്തു.