അഴിച്ചു പണിയുമായി ഗൂഗിള് സേര്ച്ച് എന്ജിന്
ആവശ്യമായ വിവരങ്ങള് സേര്ച്ച് ചെയ്തെടുക്കാന് ഗൂഗിളിനെയാണ് ആശ്രയിക്കുന്നത്. ഇതിനായി സൂത്രവിദ്യകളും ഷോട്കട്ടുകളുമൊക്കെ ഉപയോഗിച്ചിരുന്നു. പുതുമയുടെ വഴികളിലൂടെയാണ് എന്നും ഗൂഗിള് സഞ്ചരിക്കുന്നത്. അത്തരത്തിലൊന്നാണ് കഴിഞ്ഞ ദിവസം ഇന്തോനേഷ്യയില് അവതരിപ്പിച്ച ഗൂഗിള് സേര്ച്ച് ലൈറ്റ് ആപ്പ്. ആന്ഡ്രോയ്ഡ് ഫോണുകളിലെ ഗൂഗിള് ആപ്പിന്റെ പ്രധാന സവിശേഷതകളെല്ലാമുള്ളതാണ് പുതിയ ഗൂഗിള് സേര്ച്ച് ലൈറ്റ്. അതേ സമയം, ഫോണില് ഇന്സ്റ്റാള് ചെയ്തിട്ടില്ലാത്ത ആപ്പുകള് തല്സമയം ഉപയോഗിക്കുന്നതിനായി ഗൂഗിള് അവതരിപ്പിച്ച ആന്ഡ്രോയ്ഡിലെ ഇന്സ്റ്റന്റ് ആപ്പ്സ് ഉപയോഗിക്കുന്ന ഫോണുകളുടെ എണ്ണം 50 കോടിയായി. സേര്ച്ച് പേജില് നിന്ന് ഒരു ലിങ്കില് ക്ലിക്ക് ചെയ്യുമ്പോള് ആ ലിങ്കുമായി ബന്ധപ്പെട്ട ആപ്പ് ഫോണിലില്ലെങ്കില് അതിന്റെ ലൈറ്റ് വേര്ഷന് തല്സമയം ഉപയോഗിക്കാന് വഴിയൊരുക്കുന്നതാണ് ഇന്സ്റ്റന്റ് ആപ്പ്സ്.
ഗൂഗിള് ആപ്പിന് ഏകദേശം 100 എബിയോളം ഫയല് സൈസുള്ളപ്പോള് ഗൂഗിള് സേര്ച്ച് ലൈറ്റിന് 3.5 എംബി മാത്രമാണ് ഫയല് സൈസ്. കുറഞ്ഞ റാമുള്ള ഫോണുകളെ ഉദ്ദേശിച്ചാണ് പുതിയ ലൈറ്റ് ആപ്പ്. പരീക്ഷണ ഘട്ടത്തിലുള്ള ആപ്പ് വൈകാതെ ഇന്ത്യയിലും അവതരിപ്പിക്കും. വെബ് സേര്ച്ച്, ഇമേജ് സേര്ച്ച്, വാര്ത്തകള്, കാലാവസ്ഥ തുടങ്ങിയ ഗൂഗിള് സേര്ച്ച് സേവനങ്ങളെല്ലാം ഹോം പേജില് തന്നെ ഒരുക്കിയിട്ടുള്ള സേര്ച്ച് ലൈറ്റ് ആപ്പ് പ്ലേ സ്റ്റോറിലെത്തിയിട്ടില്ലെങ്കിലും മറ്റു വെബ്സൈറ്റുകളില് ലഭ്യമാണ്. ഡൗണ്ലോഡ് ചെയ്ത് ഉപയോഗിക്കാം. ഗൂഗിളില് ചിത്രങ്ങള് സേര്ച്ച് ചെയ്യുമ്പോള് ലഭിക്കുന്ന ഫലങ്ങളിലെ വാട്ടര്മാര്ക്ക് അതിപ്രസരം അവസാനിപ്പിക്കാന് ഗൂഗിളിന്റെ ഇടപെടല്.
വെബ്സൈറ്റുകളും ഫൊട്ടോഗ്രഫര്മാരും തങ്ങളുടെ ചിത്രങ്ങളുടെ പകര്പ്പവകാശം സംരക്ഷിക്കുന്നതിനു വേണ്ടിയാണ് ഇതു ചെയ്യുന്നതെങ്കിലും ചിത്രത്തിന്റെ ഭംഗി പൂര്ണമായും നശിപ്പിച്ചുകൊണ്ട് ചിത്രത്തെ ഉപയോഗശൂന്യമാക്കി അവതരിപ്പിച്ചുകൊണ്ട് പകര്പ്പവകാശം സംരക്ഷിക്കുന്നതിന്റെ അര്ഥശൂന്യതയാണ് ഗൂഗിള് ചൂണ്ടിക്കാണിക്കുന്നത്. ഇതിനായി ഗൂഗിള് വികസിപ്പിച്ചെടുത്തത് ഒരു പുതിയ അല്ഗൊരിതവും ഈ അല്ഗൊരിതം എത്ര ഭീകര വാട്ടര്മാര്ക്കുള്ള ചിത്രത്തെയും ഓട്ടമാറ്റിക്കായി വൃത്തിയാക്കും. വാട്ടര്മാര്ക്ക് ഇല്ലാത്ത യഥാര്ഥ ചിത്രം റെഡി. ഈ സംവിധാനം ഗൂഗിള് സേര്ച്ചിന്റെ ഭാഗമാക്കി എല്ലാ ചിത്രങ്ങളിലെയും വാട്ടര്മാര്ക്ക് നീക്കി അവതരിപ്പിക്കുകയല്ല ഗൂഗിളിന്റെ ലക്ഷ്യം. മറിച്ച് വാട്ടര്മാര്ക്ക് എന്ന പഴഞ്ചന് രീതി കൈവിട്ട് പകര്പ്പവകാശസ്ഥാപനത്തിന് കൂടുതല് ക്രിയാത്മകമായ വഴി തേടാന് വെബ്സൈറ്റുകളെ പ്രേരിപ്പിക്കുകയാണ് ഗൂഗിള്. ഇത്തരത്തില് പകര്പ്പവകാശം സംരക്ഷിച്ചുകൊണ്ട് വൃത്തിയുള്ള ചിത്രങ്ങള് സേര്ച്ച് ഫലങ്ങളില് അവതരിപ്പിക്കാനാവുമെന്നാണ് ഗൂഗിളിന്റെ പ്രതീക്ഷ.
https://www.facebook.com/Malayalivartha