ഇല്ല ഞാന് തോല്ക്കില്ല ഈ മഹാമാരിയോട്...ക്യാന്സറിനോട് പടപൊരുതാനുറച്ച് സൊനാലി; കണ്ണീരിനിടയിലും പുഞ്ചിരിച്ച് നടി
പടപൊരുതാനുറച്ച് തന്നെ താരം. ബോളിവുഡ് നടി സൊനാലി ബിന്ദ്രക്ക് ക്യാന്സര് സ്ഥിരീകരിച്ചെന്നുള്ള വാര്ത്ത ഞെട്ടലോടെയാണ് സിനിമാലോകവും ആരാധകരും കേട്ടത്. താരം തന്നെ ട്വിറ്ററിലൂടെ തന്റെ രോഗവിവരം അറിയിക്കുകയായിരുന്നു, ട്വീറ്റ് പ്രത്യക്ഷപ്പെട്ടതോടെ സുഹൃത്തുക്കളും, സഹപ്രവര്ത്തകരും ആരാധകരുമെല്ലാം താരത്തിനു പിന്തുണയുമായി എത്തുകയും ചെയ്തു. പിന്നാലെ ന്യൂയോര്ക്കില് ചികിത്സയ്ക്കായി സൊനാലി എത്തി്.
ഇപ്പോഴിതാ ഇന്സ്റ്റഗ്രാമില് ഒരു കുറിപ്പാണ് നടി പോസ്റ്റ് ചെയ്തിരിക്കുന്നത്. ചികിത്സയുടെ ഭാഗമായി തന്റെ മുടി മുറിച്ച് കളയുന്നതിന്റെ വീഡിയോയും താരം പോസ്റ്റ് ചെയ്തിട്ടുണ്ട്. കരഞ്ഞ് കൊണ്ടാണ് തന്റെ മുടി മുറിക്കുന്ന കാഴ്ച സൊനാലി ബെന്ദ്രെ നോക്കി നിന്നത്. എന്നാല് ക്യാന്സറിനു മുന്നില് തളരാന് താന് തയ്യാറല്ലെന്ന സന്ദേശം പങ്കുവച്ച് ഇതിന് പിന്നാലെ സൊനാലി പുഞ്ചിരിച്ച് കൊണ്ട് പ്രത്യക്ഷപ്പെട്ടു. ഭര്ത്താവായ ഗോള്ഡി ബെഹലിനൊപ്പവും നടി ചിത്രം പോസ്റ്റ് ചെയ്തിട്ടുണ്ട്.
'എന്റെ പ്രിയപ്പെട്ട എഴുത്തുകാരി ഇസബെല് അലെന്ഡിന്റെ വാക്കുകള് കടമെടുക്കുകയാണ്. നമുക്കുള്ളിലുള്ള ശക്തിയെ പുറത്തേക്ക് കൊണ്ടുവരാന് നിര്ബന്ധിതനാവുന്നത് വരെ നമ്മള് എത്രമാത്രം ശക്തനാണെന്ന് തിരിച്ചറിയുകയില്ല. ഒരു ദുരന്തം, യുദ്ധം, എന്നിവയുടെ സമയങ്ങളിലാണ് നമ്മള് അത്ഭുതകരമായ കാര്യങ്ങള് ചെയ്യുന്നത്. അതിജീവനത്തിനും തിരിച്ചുവരവിനുമുളള മനുഷ്യന്റെ കഴിവ് വിസ്മയകരമാണ്.
ദിവസങ്ങളായി എനിക്ക് ലഭിച്ചുകൊണ്ടിരിക്കുന്ന സ്നേഹം വാക്കുകള്ക്ക് അതീതമാണ്. നിങ്ങളുടേയോ, അടുത്തറിയുന്നവരുടേയൊ അര്ബുദത്തിനെതിരായ പോരാട്ടങ്ങളുടെ കഥകള് നിങ്ങള് അയച്ചുതന്നതില് ഞാന് നന്ദി പറയുന്നു. ആ കഥകള് എനിക്ക് തരുന്ന ധൈര്യവും കരുത്തും വലുതാണ്, കൂടാതെ ഞാന് ഒറ്റയ്ക്കല്ല എന്നും നിങ്ങളെന്നെ ഓര്മ്മിപ്പിക്കുന്നു,' സൊനാലി വ്യക്തമാക്കുന്നു.
https://www.facebook.com/Malayalivartha