സര്ജിക്കല് സ്ട്രൈക്ക് സിനിമയാവുന്നു, ഗുര്മീത് റാം റഹീം സിംഗ് സിനിമ സംവിധാനം ചെയ്യും
പാക്കിസ്ഥാനെതിരെ ഇന്ത്യ നടത്തിയ സര്ജിക്കല് സ്ട്രൈക്ക് സിനിമയാവുന്നു. ഉറി ഭീകരാക്രമണത്തെ തുടര്ന്നാണ് ഇന്ത്യ പാക്കിസ്ഥാന് അതിര്ത്തി കടന്ന് മിന്നലാക്രമണം നടത്തിയത്. ഗുര്മീത് റാം റഹീം സിംഗ് ആണ് ചിത്രം സംവിധാനം ചെയ്യുന്നത്.
മെസഞ്ചര് ഓഫ് ദി ഗോഡ് പരമ്പരകളിലൂടെ ശ്രദ്ധേയനായ വ്യക്തിയാണ് ഗുര്മീത്. എംഎസ്ജി ദ ലയണ് ഹാര്ട്ട് ഹിന്ദ് ക നപക് കോ ജവാബ് എന്നാണ് ചിത്രത്തിനു പേരിട്ടിരിക്കുന്നത്. രാജ്യം നേരിടുന്ന നിലവിലെ വെല്ലുവിളികളും സര്ജിക്കല് സ്ട്രൈക്കിന് തെളിവ് ചോദിക്കുന്നവര്ക്കുള്ള മറുപടിയുമായിരിക്കും ചിത്രമെന്ന് ഗുര്മീത് സിംഗ് പറഞ്ഞു.
ചിത്രം 25 ദിവസത്തിനകം പൂര്ത്തിയാകുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. തന്റെ മുന്നാമത്തെ ചിത്രമായ ദ വാരിയര് ലയണ് ഹാര്ട്ടിന്റെ വിജയഘോഷ വേളയിലാണ് പുതിയ ചിത്രത്തെ കുറിച്ച് ഗുര്മീത് പറഞ്ഞത്. ദ വാരിയര് ലയണ് ഹാര്ട്ട് 176 കോടി കളക്ഷന് നേടിയെന്നും അദ്ദേഹം അവകാശപ്പെട്ടു. തന്റെ എല്ലാ ചിത്രങ്ങളുമെന്ന പോലെ പുതിയ ചിത്രവും രാജ്യസ്നേഹത്തിന് മുന്തൂക്കം നല്കിയാണ് ഗുര്മീത് ഒരുക്കുന്നത്. തീവ്രവാദികളുടെ ആക്രമങ്ങളും ജവാന്മാരുടെ അവസ്ഥകളുമെല്ലാം ചിത്രത്തില് ഉണ്ടാകും.
ഉറിയിലുണ്ടായ ആക്രമത്തില് നമ്മുടെ നിരവധി ജവാന്മാരെ നമുക്ക് നഷ്ടപ്പെട്ടു. അവരുടെ സംരക്ഷണത്തെ കുറിച്ച് അന്വേഷിക്കാത്തവരാണ് ഇന്ത്യ തിരിച്ചടിച്ചതിന് തെളിവ് ചോദിക്കുന്നത്. അവര്ക്കുള്ള മറുപടികൂടിയാണ് ഈ ചിത്രമെന്ന് ഗുര്മീത് കൂട്ടിച്ചേര്ത്തു. ബലാത്സംഗം, കൊലക്കുറ്റം തുടങ്ങിയ നിരവധി കേസുകള് നേരിടുന്ന വ്യക്തികൂടിയാണ് ഗുര്മീത് സിംഗ്.
https://www.facebook.com/Malayalivartha