47 ലക്ഷം രൂപയുടെ വൈദ്യുതി മോഷണം; നടി പിടിയില്
പണത്തിന് വലിയ ബുദ്ധിമുട്ടാണ് എന്നാല് സര്ക്കാരിനെ വെട്ടിക്കാമല്ലേ. ബോളിവുഡ് നടി രതി അഗ്നിഹോത്രി വൈദ്യുതി മോഷണത്തിന് പിടിയിലായി. വൈദ്യുതി വകുപ്പിന്റെ വിജിലന്സ് വിഭാഗം നടത്തിയ അന്വേഷണത്തിലാണ് നടിയുടെ വേര്ളിയിലെ വസതിയില് വൈദ്യുതി മോഷണം കണ്ടെത്തിയത്. മൂന്ന് വര്ഷത്തിനിടെ 47 ലക്ഷം രൂപയുടെ വൈദ്യുതി മോഷ്ടിച്ചുവെന്നാണ് കണ്ടെത്തല്.
രതി അഗ്നിഹോത്രിയെയും ഭര്ത്താവ് അനില് വിര്വാനിയെയും പ്രതിചേര്ത്ത് വേര്ളി പോലീസ് എഫ്.ഐ.ആര് രജിസ്റ്റര് ചെയ്തു. പത്ത് വര്ഷമായി ഈ അപ്പാര്ട്ട്മെന്റില് താമസിക്കുകയാണെന്നും വൈദ്യുതി മോഷണം നടത്തിയിട്ടില്ലെന്നും അനില് വിര്വാനി പറഞ്ഞു. മുംബൈയില് തിരിച്ചെത്തിയാല് കേസ് നേരിടുമെന്നും അനില് കൂട്ടിച്ചേര്ത്തു. അതേസമയം രതി അഗ്നിഹോത്രി വിവാദത്തില് പ്രതികരിച്ചിട്ടില്ല. അതേസമയം താരം വൈദ്യുതി മോഷ്ടിച്ചുവെന്ന് വൈദ്യുതി വകുപ്പ് വിജിലന്സ് സ്ഥിരീകരിച്ചു. മീറ്ററില് കൃത്രിമം വരുത്തിയാണ് റീഡിംഗ് കുറച്ചു കാണിച്ചത്. ഇതിനായി മീറ്ററിന്റെ പിന്വശത്ത് ഒരു ദ്വാരമിട്ടിരുന്നെന്നും വൈദ്യുതി വകുപ്പ് വിജിലന്സ് തലവന് ആര്.ജെ. സിംഗ് പറഞ്ഞു. മീറ്റര് റീഡിംഗ് 87 ശതമാനത്തോളം കുറച്ചു കാണിക്കുന്ന വിധമാണ് കൃത്രിമം കാണിച്ചിരുന്നത്.
https://www.facebook.com/Malayalivartha