യാഥാസ്ഥിതികരെയും സദാചാരവാദികളെയും ചൊടിപ്പിച്ച ഷെയിംലെസ്സ് സെൽഫി..
ബോളിവുഡിലെ ദംഗൽ നായിക ഫാത്തിമ സന ഷെയ്ഖിനെ ആരും മറക്കില്ല. ആമിര്ഖാന് ചിത്രം ദംഗലിലൂടെ ഇന്ത്യന് വെള്ളിത്തിരയെ താരം ഞെട്ടിച്ചിരുന്നു. കമൽ ഹാസന്റെ അവ്വൈ ഷൺമുഖിയുടെ ഹിന്ദി പതിപ്പായ ചാച്ചി 420യിൽ ബാലതാരമായി അരങ്ങേറിയ ഫാത്തിമ ആമിർ ഖാന്റെ ദംഗലിൽ ഗുസ്തിതാരം ഗീത ഫൊഗട്ടിനെയാണ് അവതരിപ്പിച്ചത്. സിനിമയിൽ താരം വിലസിയെങ്കിലും ട്രോളന്മാരുടെ ഇഷ്ട്ടപെട്ട ഇരയാണ് ഫാത്തിമ സന.
കഴിഞ്ഞ റംസാൻ മാസത്തിൽ ബിക്കിനിയിട്ടിരിക്കുന്ന ഒരു ഫോട്ടോ താരം ഫേസ്ബുക്കിൽ പോസ്റ്റ് ചെയ്തിരുന്നു. അത് സദാചാരവാദികളായ ചേട്ടന്മാർക്ക് അത്ര ഇഷ്ടമായില്ല. നടിയുടെ ബിക്കിനിച്ചിത്രം സോഷ്യൽമീഡിയയിൽ വൻ കോലാഹലം സൃഷ്ടിക്കുകയും ചെയ്തു. ഇപ്പോഴിതാ നടിയുടെ പുതിയചിത്രവും വൈറലാകുകയാണ്. ഈയടുത്ത് ഇൻസ്റ്റാഗ്രാമിൽ മുടിയൊക്കെ അഴിച്ചിട്ട് സാരിയുടുത്ത് വയറിന്റെ ഒരു വശം കാണിച്ചുകൊണ്ടുള്ള സെൽഫിയാണ് പുതിയ പ്രശ്നം. ചിത്രത്തിൽ ഷെയിംലെസ് സെൽഫി എന്നാണ് ക്യാപ്ഷൻ കൊടുത്തിരിക്കുന്നത്. സെൽഫി യാഥാസ്ഥിതികരെയും സദാചാരവാദികളെയും ചൊടിപ്പിച്ചിരിക്കുകയാണ്.
ബോളിവുഡിൽ സോഷ്യൽ മീഡിയയിൽ ഇത്രയധികം വിമർശനവും ആക്ഷേപങ്ങളും ഏറ്റുവാങ്ങേണ്ടിവന്ന മറ്റൊരു നടിയുണ്ടാവില്ല. ഇൻസ്റ്റാഗ്രാമിലെ ഈ ഷെയിംലെസ് സെൽഫി ട്രോളന്മാർ അങ്ങ് ഏറ്റെടുത്തു.
ബച്ചനും അമീറും ഒന്നിച്ച് അഭിനയിക്കുന്ന വിജയ് കൃഷ്ണ ആചാരിയുടെ തഗ്സ് ഓഫ് ഹിന്ദുസ്ഥാനാണ് ഫാത്തിമയുടെ അടുത്ത ചിത്രം.
https://www.facebook.com/Malayalivartha