ഇത്രയും കഴിവും സൗന്ദര്യവുമുണ്ടായിട്ടും സിനിമാലോകത്തിന് എന്നെ വേണ്ടേ..?
ഷാരൂഖാന്റെയും സൽമാൻഖാന്റെയും നായികയാകാനുള്ള കഴിവും യോഗ്യതയും എനിക്കുണ്ട്. എന്നാൽ എന്റെ ആ കിഴിവുകളെ വേണ്ടവിധത്തിൽ ഉപയോഗിക്കാൻ സിനിമയ്ക്ക് കഴിഞ്ഞിട്ടില്ലെന്ന് ബോളിവുഡ് ഹോട്ട് താരം നീതു ചന്ദ്ര.
സിനിമാ പാരമ്പര്യമുള്ള കുടുംബത്തിൽ നിന്നല്ല എന്റെ വരവ്. മാത്രമല്ല, സിനിമയിൽ എനിക്കൊരു ഗോഡ്ഫാദറും ഇല്ല. അതുകൊണ്ടു തന്നെ എന്റെ യാത്ര പതുക്കെ ആയിരുന്നു എന്നാൽ ഉറപ്പുള്ളതായിരുന്നു. പ്രമുഖ ദേശീയമാധ്യമത്തിന് നൽകിയ അഭിമുഖത്തിലാണ് ഇക്കാര്യങ്ങൾ താരം വെളിപ്പെടുത്തിയത്.
മലയാള ഹിറ്റ് ചിത്രമായ ബോയിങ് ബോയിങിന്റെ ബോളിവുഡ് റീമേക്ക് ഗരം മസാലയിൽ അക്ഷയ് കുമാറിന്റെ നായികയായാണ് 2005ൽ നീതു ചന്ദ്ര ഹിന്ദി സിനിമാ ലോകത്ത് എത്തുന്നത്. പ്രിയദർശൻ സംവിധാനം ചെയ്ത ചിത്രം മികച്ച അഭിപ്രായം നേടിയിരുന്നു. രാംഗോപാൽ വർമ്മ, മധുർ ഭണ്ഡാർക്കർ തുടങ്ങിയ പ്രമുഖ സംവിധായകരുടെ ചിത്രങ്ങളിൽ അഭിനയിച്ചെങ്കിലും നീതു ചന്ദ്ര വേണ്ടവിധം ശ്രദ്ധിക്കപ്പെട്ടില്ല.
തമിഴ് ഉൾപ്പെടെയുള്ള തെന്നിന്ത്യൻ സിനിമകളിലും നീതു നായികയായി. തുടർന്നും മികച്ച അവസരങ്ങൾ ലഭിക്കാതായതോടെ 2013ൽ നീതു അതിഥി വേഷങ്ങളിൽ ഒതുങ്ങി. എന്നാൽ, ശക്തമായ തിരിച്ചുവരവിന് ഒരുങ്ങുകയാണ് നീതു. അതിനു മുന്നോടിയായി സിങ്കം 3, വൈഗൈ എക്സ്പ്രസ്, നിന്നു കോരി എന്നീ ചിത്രങ്ങൾ നീതുവിന്റേതായി റിലീസ് ചെയ്തു.
https://www.facebook.com/Malayalivartha