ഭയം കൊണ്ടാണ് പലതും തുറന്ന് പറയാത്തതെന്ന് സണ്ണിലിയോണ്‍; കാസ്റ്റിംഗ് കൗച്ചിന് ഇരയായിട്ടില്ല, എന്നാലത് സിനിമയിലുണ്ട്
രാജ്യത്തെ അറിയപ്പെടുന്ന സ്റ്റാറായി തിളങ്ങുമ്പോഴും ചിലര്‍ സണ്ണിലിയോണിനെ ബഌഫിലിം നായിക എന്നാണ് വിളിക്കുന്നത്. താരം അതൊന്നും കാര്യമായെടുക്കുന്നില്ല. താന്‍ സ്‌നേഹിക്കുന്നവരും തിരിച്ച് സ്‌നേഹിച്ചില്ലെങ്കില്‍ മാത്രമേ വിഷമം ഉണ്ടാകൂ എന്നും താരം വ്യക്തമാക്കി. പക്ഷെ, അതില്‍ നിന്ന് പെട്ടെന്ന് കരകയറുമെന്നും താരം പറയുന്നു. തന്നെ പരിഗണിക്കാത്തവരെ തിരിച്ചും പരിഗണിക്കില്ലെന്നും സണ്ണി പറയുന്നു. നടിമാര്‍ക്ക് നേരെ ഉണ്ടാകുന്ന ലൈംഗിക അതിക്രമങ്ങളെ കുറിച്ച് ഹോളിവുഡില്‍ വരെ തുറന്ന് പറച്ചിലുകള്‍ ഉണ്ടായപ്പോള്‍ ബോളിവുഡില്‍ അത് സംഭവിച്ചില്ലെന്ന് പലരും താരത്തോട് ചോദിക്കുന്നു. ഒരു നടി എല്ലാം തുറന്ന് പറയാന്‍ മുന്നോട്ട് വന്നാല്‍ മറ്റുള്ളവരും താനെ വരുമെന്ന് താരം വ്യക്തമാക്കി. ആക്രമണം ഭയന്നാണ് താനൊന്നും തുറന്ന് പറയാത്തതെന്നും താരം വ്യക്തമാക്കി.
താനിത് വരെ കാസ്റ്റിംഗ് കൗച്ചിന് ഇരയായിട്ടില്ലെന്നും സണ്ണിലിയോണ്‍ പറഞ്ഞു. പക്ഷെ, സിനിമയില്‍ ആ രീതിയുണ്ട്. സ്ത്രീകളെ പോലെ പുരുഷന്‍മാരും കാസ്റ്റിംഗ് കൗച്ചിന് ഇരയാകുന്നുണ്ട്. ഏറെ നാളത്തെ അദ്വാനത്തിന് ശേഷമാണ് ഇന്നറിയപ്പെടുന്ന സണ്ണിലിയോണ്‍ ഉണ്ടായത്. ഇന്ന് സിനിമകളിലും അഭിനയിക്കുന്നു. സിനിമകള്‍ തെരഞ്ഞെടുക്കുന്നത് പല മാനദണ്ഡങ്ങള്‍ക്കനുസരിച്ചാണ്. നിര്‍മാതാവ്, സംവിധായകന്‍, കഥ, പ്രമോഷന്‍, സിനിമയുടെ സ്‌റ്റൈല്‍ എല്ലാം തന്നെ സ്വാധീനിക്കുമെന്നും സണ്ണിലിയോണ്‍ പറയുന്നു. മറ്റ് നടിമാരേക്കാള്‍ സ്‌ക്രീന്‍ പ്രസന്‍സ് ഉണ്ടായിട്ടും ഐറ്റം നമ്പരുകളില്‍ മാത്രം ഒതുങ്ങിപ്പോകുന്നതില്‍ സണ്ണിലിയോണിന് വിഷമമില്ല. ഇക്കാര്യം പലരും താരത്തോട് ചോദിച്ചിട്ടുണ്ട്. പലര്‍ക്കും കാമ്പുള്ള കഥാപാത്രങ്ങളായി തോന്നുന്നത് തനിക്ക് ഇഷ്ടമാകണമെന്നില്ല. കിട്ടുന്ന കഥാപാത്രങ്ങളില്‍ അതീവ സന്തുഷ്ടയാണെന്നും സണ്ണിലിയോണ്‍ പറഞ്ഞു.
ഷാരൂഖാനൊപ്പം അഭിനയിച്ചു കഴിഞ്ഞു. തനിക്ക് സണ്ണിലിയോണിനൊപ്പം അഭിനയിക്കാന്‍ ആഗ്രഹമുണ്ടെന്ന് ആമീര്‍ഖാന്‍ വെളിപ്പെടുത്തിയിട്ടുണ്ട്. ആമീറിനൊപ്പം അഭിനയിക്കുക എന്നത് സന്തോഷമാണെന്നും അത് സംഭവിച്ചില്ലെങ്കിലും സന്തോഷത്തിന് കുറവില്ലെന്നും സണ്ണിലിയോണ്‍ വ്യക്തമാക്കി. സ്ത്രീകള്‍ എപ്പോഴും ഉറച്ചമനസോടെ നില്‍ക്കണം. തൊഴിലില്‍ വളര്‍ച്ചനേടാനായി ആരുടെ മുന്നിലും ഒരു വിട്ടുവീഴ്ചയ്ക്കും തയ്യാറാകരുതെന്നും സണ്ണിലിയോണ്‍ പറയുന്നു.
https://www.facebook.com/Malayalivartha
