സാറ തെണ്ടുല്‍ക്കര്‍ എന്റെ ഭാര്യയാണോ? ആ സമയത്തുതന്നെ ആകാശത്ത് ഇടിമിന്നലുണ്ടായി. അതെന്റെ ചോദ്യത്തിനുള്ള ഉത്തരമായിരുന്നു. സച്ചിന്‍ ടെന്‍ഡുല്‍ക്കറിന്റെ മകള്‍ സാറയെ തട്ടിക്കൊണ്ടുപോകുമെന്ന് ഭീഷണിപ്പെടുത്തിയ ദേബ്കുമാര്‍ മൈഥി പറയുന്നു.

ഇടിമിന്നലിനോട് ചോദിച്ചിട്ടാണ് ഞാന്‍ സാറയെ പ്രണയിച്ചതെന്ന് ദേബ്കുമാര്‍ മൈഥി പറഞ്ഞു. ആദ്യം സാറയോട് പ്രണയം വന്നു, പിന്നീട് വിവാഹം ചെയ്യണമെന്ന ആഗ്രഹം വന്നുവെന്ന് മൈഥി പറഞ്ഞു.

സച്ചിന്‍ തെണ്ടുല്‍ക്കറുടെ വീട്ടിലേക്ക് വിളിച്ചപ്പോള്‍ ഇക്കാര്യം ഫോണിലൂടെ പറഞ്ഞിരുന്നതായും ദേബ്കുമാര്‍ വ്യക്തമാക്കുന്നു. തന്റെ കൈയിലെ ടാറ്റൂവും ദേബ്കുമാര്‍ മാധ്യമങ്ങള്‍ക്ക് മുന്നില്‍ പ്രദര്‍ശിപ്പിച്ചു.

ദേബ് ആന്റ് സാറ എന്നാണ് അതിലെഴിതിയിരിക്കുന്നത്. 2011ല്‍ സാറയ്ക്ക് 13 വയസ്സുള്ളപ്പോഴാണ് ഈ ടാറ്റൂ ചെയ്തതെന്നും ദേബ്കുമാര്‍ പറയുന്നു. എന്റെ തീരുമാനത്തില്‍ എനിക്ക് പശ്ചാത്താപമില്ല. ഞാന്‍ ലോകത്തെ ഏറ്റവും മികച്ച വ്യക്തിയാണ്. 

ദേബ്കുമാര്‍ കൂട്ടിച്ചേര്‍ത്തു. ഈയടുത്താണ് സച്ചിന്റെ വീട്ടിലേക്ക് ലാന്‍ഡ്‌ഫോണില്‍ വിളിച്ച് മകള്‍ സാറയെ ശല്യം ചെയ്തതിന് 32കാരനായ ബംഗാള്‍ സ്വദേശി മൈഥിയെ പൊലീസ് അറസ്റ്റ് ചെയ്തിരുന്നത്. അതേസമയം, ഞാന്‍ ലോകത്തിലെ ഏറ്റവും മികച്ച വ്യക്തിയാണെന്ന് തന്റെ കയ്യിലെ ബേഗ് ആന്റ് സാറാ എന്ന ടാറ്റൂ കാണിച്ച് മൈഥി വ്യക്തമാക്കി.

തുടര്‍ച്ചയായി 20 തവണയെങ്കിലും സച്ചിന്റെ മുംബൈയിലുള്ള വീട്ടിലേക്ക് ദേബ്കുമാര്‍ വിളിച്ചിട്ടുണ്ട്. സാറയെ തട്ടിക്കൊണ്ടുപോകുമെന്ന് ഭീഷണിപ്പെടുത്തുകയും ചെയ്തിരുന്നു.