വ്യാജ ആധാർ ഉപയോഗിച്ച് നടിയുടെ പേരിൽ ഫൈവ് സ്റ്റാർ ഹോട്ടലിൽ റൂം ബുക്ക് ചെയ്തു ; ഒടുവിൽ ഹോട്ടലിലെത്തിയപ്പോൾ കിളിപോയ നടിയും ഹോട്ടൽ ജീവനക്കാരും ചെയ്തത്...
മുംബൈയിലെ പ്രശസ്ത ഫൈവ്സ്റ്റാര് ഹോട്ടലില് ബോളിവുഡ് നടിയുടെ പേരിൽ തട്ടിപ്പ് ശ്രമം. നടിയുടെ പേരില് വന്കിട ഹോട്ടലില് റൂം ബുക്ക് ചെയ്തുള്ള തട്ടിപ്പിനായിരുന്നു ശ്രമം. എന്നാല് അവിചാരിതമായി നടി ഹോട്ടലിലെത്തിയതോടെ പറ്റിപ്പ് സംഘത്തിന്റെ കള്ളക്കളി പൊളിഞ്ഞു.
നടി ഊര്വശി റൗട്ടെലെയുടെ പേരില് വ്യാജ ആധാര് ഉപയോഗിച്ചായിരുന്നു തട്ടിപ്പ് സംഘം ഹോട്ടല് റൂം ബുക്ക് ചെയ്തത്. എന്നാൽ ഒരു പരിപാടിയില് പങ്കെടുക്കുന്നതിനായി ഊര്വശി അതെ ഹോട്ടലിലെത്തിതോടെ തട്ടിപ്പിന്റെ ചുരുൾ അഴിയുകയായിരുന്നു.
ഹോട്ടലിലേക്ക് റൂമിനായി എത്തിയ ഉർവശിയെ ബുക്ക് ചെയ്ത റുമിലേക്ക് പോകാമെന്ന് പറഞ്ഞ് ഹോട്ടല് ജീവനക്കാര് സമീപിച്ചപ്പോള് ഉര്വ്വശി അക്ഷരാര്ത്ഥത്തില് ഞെട്ടി. താന് റൂമൊന്നും ബുക്ക് ചെയ്തിട്ടില്ലെന്ന് അവര് വ്യക്തമാക്കി. നടിയുടെ മാനേജറും ഇത് വ്യക്തമാക്കിയതോടെ സംഭവത്തിൽ ദുരൂഹത വ്യക്തമായി. ഉടൻതന്നെ ഹോട്ടല് മാനേജ്മെന്റും നടിയും അറിയിച്ചതിനെതുടര്ന്ന് പൊലീസ് സ്ഥലത്തെത്തി. റൂം ബുക്ക് ചെയ്തതുമായി ബന്ധപ്പെട്ടുള്ള വിവരങ്ങള് പരിശോധിച്ചപ്പോഴാണ് വ്യാജ ആധാര് ഉപയോഗിച്ചാണ് ബുക്ക് ചെയ്തിരിക്കുന്നതെന്ന് മനസ്സിലായത്.
ആധാറിലെ യുണീക് ഐഡന്റിഫിക്കേഷന് നമ്ബര് തെറ്റായിരുന്നു എന്ന് പൊലീസിന്റെ പ്രാഥമികാന്വേഷണത്തില് തെളിഞ്ഞു. ഉര്വ്വശിയുടെ പരാതി അനുസരിച്ച് ഐ.പി.സി 420, 468 എന്നീ വകുപ്പുകള് പ്രകാരം പൊലീസ് കേസെടുത്തിട്ടുണ്ട്. എന്നാല് പ്രതിയെ സംബന്ധിച്ചുള്ള വിവരങ്ങള് ഇനിയും ലഭിച്ചിട്ടില്ല. ഇയാളുടെ ഉദ്ദേശം എന്താണെന്നും വ്യക്തമായിട്ടില്ല.
https://www.facebook.com/Malayalivartha