എനിക്ക് വയറില് ക്യാന്സറാണ്,ഇനി ഒന്നോ രണ്ടോ വര്ഷം കൂടിയേയുള്ളൂ,ഞാന് മരിക്കുമ്പോള് എന്റെ ചില ആഗ്രഹങ്ങളും ഇല്ലാതാകും, ഇത്തവണ കെആര്കെയുടെ ട്വീറ്റ് വായിച്ച് ആളുകള് കണ്ണ് തുടച്ചു
കെആര്കെ എന്ന കമാല് ആര് ഖാന് കൂടുതല് ശ്രദ്ധ നേടിയിട്ടുള്ളത് മറ്റുള്ളവരെ പരിഹസിച്ചും മോശം അഭിപ്രായങ്ങള് പറഞ്ഞുമാണ്. ആളുകള് കൂടുതലും അദ്ദേഹം തെറിവിളിക്കാനാണ് ട്വിറ്ററില് എത്താറുള്ളത്.
നടന് മോഹന്ലാലിനെ പോലും ഛോട്ടോ ഭീമന് എന്ന് വിളിച്ച് കെആര്കെ പരിഹസിച്ചിരുന്നു. അതിന് മലയാളികള് അദ്ദേഹത്തിന്റെ പേജില് പൊങ്കാലയിട്ടു.എന്നാല് ഇത്തവണ അല്പം സങ്കടത്തോടെയാണ് കെആര്കെയുടെ ട്വീറ്റ് ആളുകള് വായിച്ചത്.
തനിക്ക് വയറില് കാന്സറാണെന്നും അത് മൂന്നാം സ്റ്റേജിലാണെന്നുമാണ് കെആര്കെ ട്വിറ്ററിലൂടെ അറിയിച്ചത്. ഒന്നോ രണ്ടോ വര്ഷം കൂടിയേ താന് ജീവിച്ചിരിക്കൂ എന്നും അദ്ദേഹം ട്വീറ്റിലൂടെ പറഞ്ഞു. മരിക്കുന്നതിന് മുമ്ബ് തനിക്ക് രണ്ടേ രണ്ടേ ആഗ്രഹങ്ങളെ ഉള്ളൂ എന്നും അദ്ദേഹം വെളിപ്പെടുത്തി.
'എനിക്ക് സ്റ്റൊമക്ക് കാന്സര് ആണെന്നും മൂന്നാമത്തെ സ്റ്റേജിലാണെന്നും സ്ഥിരീകരിച്ചു. ഒന്നോ രണ്ടോ വര്ഷം കൂടിയേ ഞാന് ജിവിച്ചിരിക്കൂ. എന്നെ ആശ്വസിപ്പിച്ചു കൊണ്ടുള്ള കോളുകളെ ഞാന് പ്രോല്സാഹിപ്പിക്കുന്നില്ല.
ആരുടെയും ഔദ്യാരത്തിനായി ഞാന് ഇതുവരെ നിന്നിട്ടില്ല. ഇതിനു മുന്പ് എന്നെ വിമര്ശിക്കുകയും വെറുക്കുകയും സ്നേഹിക്കുകയും ചെയ്തതുപോലെ ഇനിയും ചെയ്യുക. എന്നെയൊരു സാധാരണക്കാരനെ പോലെ കരുതുക. എന്റെ രണ്ട് ആഗ്രഹങ്ങള് പൂര്ത്തീകരിക്കാന് കഴിയാത്തതിലേ എനിക്ക് വിഷമമുള്ളൂ.'
ഒരു എ ഗ്രേഡ് സിനിമ നിര്മ്മിക്കണമെന്നതും അമിതാഭ് ബച്ചനൊപ്പം ഒരു സിനിമയില് അഭിനയിക്കുക അല്ലെങ്കില് അദ്ദേഹം അഭിനയിക്കുന്ന ഒരു സിനിമ നിര്മ്മിക്കുക എന്നതുമാണ് കെആര്കെയുടെ ഏറ്റവും വലിയ മോഹം.
പക്ഷേ ഈ 2 ആഗ്രഹങ്ങളും എന്റെ മരണത്തോടൊപ്പം എന്നെന്നേക്കുമായി മരിക്കും. ഇനിയുള്ള സമയം കുടുംബത്തോടൊപ്പം ചെലവഴിക്കാനാണ് ഞാന് ആഗ്രഹിക്കുന്നതെന്നും കെആര്കെ പറയുന്നു.
https://www.facebook.com/Malayalivartha