പ്രശസ്ത പഞ്ചാബി ഗായകന് നവ്ജോത് സിങ് വെടിയേറ്റ് മരിച്ചു ; ശരീരത്തില് നിന്ന് കണ്ടെത്തിയത് അഞ്ചോളം വെടിയുണ്ടകള് ; പഞ്ചാബ് പൊലീസ് അന്വേഷണം പ്രഖ്യാപിച്ചു
പ്രശസ്ത പഞ്ചാബി ഗായകന് നവ്ജോത് സിങ് വെടിയേറ്റ് മരിച്ച നിലയില്. ശരീരത്തില് അഞ്ചോളം വെടിയുണ്ടകളേറ്റ നിലയില് പഞ്ചാബിലെ ദേര ബസിയിലാണ് മൃതദേഹം കണ്ടെത്തിയത്. ഞായറാഴ്ച അര്ദ്ധരാത്രിയാണ് സംഭവം. മൃതദേഹത്തിന്റെ അടുത്തായി നവജോതിന്റെ കാറും കണ്ടെത്തിയിട്ടുണ്ട്.
എസ്.എസ് നഗറിലെ വാടക വീട്ടില് നിന്നും സ്വന്തം വീട്ടിലേക്ക് പോകുന്ന വഴിയിലായിരുന്നു സംഭവം. സംഭവത്തിന് തൊട്ട് മുമ്ബ് നവ്ജോത് അമ്മയെ വിളിച്ചിരുന്നു. എന്നാല് ഏറെ വൈകിയും കാണാതായതോടെ വീട്ടുകാര് അന്വേഷിച്ചിറങ്ങുകയായിരുന്നു. തുടര്ന്നാണ് മൃതദേഹം കണ്ടെത്തിയത്.
മോഷണ ശ്രമങ്ങളൊന്നും നടന്നിട്ടില്ലെന്നും അതുകൊണ്ട തന്നെ മറ്റെന്തെങ്കിലും കാരണമാകാം കൊലപാതകത്തിന് പിന്നിലെന്ന് പൊലീസ് അറിയിച്ചു. നവ്ജോതിനെ രാത്രി ഒരു പെണ്കുട്ടിയോടൊപ്പം മകഡൊണാള്ഡ്സില് കണ്ടതായി കുടുംബ സുഹൃത്ത് പൊലീസിനോട് പറഞ്ഞിരുന്നു. ഗായകന്റെ മരണത്തിന് ഇതുമായി ബന്ധമുണ്ടോ എന്ന് അന്വേഷിക്കുമെന്നും പൊലീസ് പറഞ്ഞു. സംഭവത്തില് കേസ് രജിസ്റ്റര് ചെയ്ത് അന്വേഷണം ആരംഭിച്ചതായി പൊലീസ് വ്യക്തമാക്കി.
https://www.facebook.com/Malayalivartha