മലമ്പാമ്പിനെ പൊക്കിയെടുത്ത് വട്ടംകറക്കി ശ്രദ്ധേയായ നടിയാണ് രാശി ഖന്ന, ബോളിവുഡിലും ടോളിവുഡിലും തിളങ്ങുന്ന താരം കാസ്റ്റിംഗ് കൗച്ചിംഗിനെ കുറിച്ച് പറയുന്നു...
കാസ്റ്റിംഗ് കൗച്ചിന്റെ പേരില് തെലുങ്ക് സിനിമാ ലോകം വിറങ്ങലിച്ച് നില്ക്കുമ്പോഴാണ് മുന്നിര നായികയായ രാശി ഖന്ന തന്റെ നിലപാട് വ്യക്തമാക്കുന്നത്. കാസ്റ്റിംഗ് കൗച്ചിംഗിനെതിരെ നിര്മാതാക്കളുടെ സംഘടനാ ഓഫീസിന് മുന്നില് നടി ശ്രീറെഡ്ഡി തുണിയഴിച്ച് പ്രതിഷേധം സംഘടിപ്പിച്ചിട്ട് ഏതാനും മാസങ്ങളേ ആയൂള്ളൂ. ചാന്സിനായി ആരെങ്കിലും കിടക്കപങ്കിടാന് വിളിച്ചാല് അവന് വിവരമറിയുമെന്ന് ഹിന്ദി താരം കൂടിയായ രാശി ഖന്ന പറഞ്ഞു. അക്കാര്യം സസ്പെന്സാണെന്നും താരം വ്യക്തമാക്കി. നയന്സിനൊപ്പം ഇമൈക്കാ നൊടികള് എന്ന ചിത്രത്തിലഭിനയിച്ചതോടെ തനിക്ക് കൂടുതല് ധൈര്യവും ആത്മവിശ്വാസവും ലഭിച്ചെന്നും രാശി പറയുന്നു.
ഇതുവരെ ആരും അവസരങ്ങള്ക്കായി കൂടെ കിടക്കണമെന്ന് ആവശ്യപ്പെട്ടിട്ടില്ല. ആരെയും ഭയമില്ല. അടുത്തകാലത്ത് ജോര്ജ്ജിയയില് പോയപ്പോള് മലമ്പാമ്പിനെ പൊക്കിയെടുത്ത് കൂടെയുള്ളവരെ അമ്പരപ്പിച്ചവളാണ് ഞാന്. ഈ ധൈര്യം അമ്മൂമ്മയില് നിന്നാണ് ലഭിച്ചത്. അമ്മൂമ്മയൊരു കില്ലാഡിയായിരുന്നു. പതിനേഴാം വയസിലായിരുന്നു ആദ്യ പ്രണയം. അതിന് ശേഷം പ്രണയമുണ്ടായിട്ടില്ല. ഇപ്പോള് അഭിനയമാണ് ശ്രദ്ധ. എങ്കിലും പ്രണയവിവാഹമാണ് ആഗ്രഹിക്കുന്നത്. നടിയാകുമെന്ന് ഒരിക്കലും വിചാരിച്ചതല്ല. പഠനം തീര്ന്നതോടെ മോഡലിംഗ് തുടങ്ങി. പിന്നീടാണ് ബോളിവുഡില് അവസരം ലഭിച്ചത്. ശേഷം തെലുങ്കിലും.
എന്നിലുള്ള കഴിവില് വിശ്വാസമുള്ളയിടത്തോളം കാലം ആരുടെ മുന്നിലും തലകുനിക്കില്ലെന്നും രാശി പറയുന്നു. സിനിമയില് മാത്രമല്ല ഏല്ലാ മേഖലകളിലും സ്ത്രീകളോട് മോശമായി ഇടപെടുന്നവരുണ്ട്. ജനശ്രദ്ധ ആകര്ഷിക്കുന്ന മേഖലയായതിനാല് സിനിമയിലുള്ളവരെ പെട്ടെന്ന്ശ്രദ്ധിക്കുന്നെന്ന് മാത്രം. സ്ത്രീകളെ ബഹുമാനിക്കുകയും മാന്യമായി ഇടപെടുകയും ചെയ്യുന്ന എത്രയോ സിനിമാക്കാരുണ്ട്. ചുരുക്കം ചിലര് കാണിക്കുന്ന വൃത്തികേടുകള്ക്ക് എല്ലാവരെയും അടച്ചാക്ഷേപിക്കുന്നത് ശരിയല്ലെന്നും രാശി വ്യക്തമാക്കി.
https://www.facebook.com/Malayalivartha