അനബെല്ല ക്രിയേഷന്റെ ട്രെയിലര്!
അതേ കോണ്ജറിംഗ് 2-വിന് ശേഷം വീണ്ടുമൊരു ഹോളിവുഡ് ഹൊറര് ചിത്രം കൂടി. അനബെല്ല ക്രിയേഷന്. 2014-ല് പുറത്തിറങ്ങിയ അനബെല്ലയുടെ രണ്ടാം ഭാഗമായ അനബെല്ല ക്രിയേഷന് ഉടന് തിയേറ്ററുകളില് എത്തും.
പ്രേക്ഷകരെ ഒന്നടങ്കം ആകാംഷയുടെയും ഭയത്തിന്റെയും മുള്മുനയില് നിര്ത്തുന്ന ഭയാനകമായ ചിത്രത്തിന്റെ ട്രെയിലാണ് പുറത്തിറക്കിയിരിക്കുന്നത്. 2.35 മിനിറ്റ് ദൈര്ഘ്യമുള്ള ട്രെയിലര് ഇതിനോടകം 463,476 പേര് കണ്ടുകഴിഞ്ഞു. പാവയാണ് ചിത്രത്തില് പ്രേതമായെത്തുന്നത്. ഇതുതന്നെയാണ് ചിത്രത്തിന്റെ പ്രത്യേകതയും.
ഒരു പാവ നിര്മ്മാതാവിന്റെ മകള് ചെറുപ്പത്തില് മരിച്ചുപോകുന്നതും വര്ഷങ്ങള്ക്ക് ശേഷം അയാളുടെ വീട്ടില് ഒരു കന്യാസ്ത്രീയെയും കുറച്ച് അനാഥ പെണ്കുട്ടികളേയും ആ വീട്ടില് താമസിപ്പിക്കന്നതും അനബെല്ലയ്ക്ക് പുതിയ ഇരകളെ കിട്ടുന്നതും തുടര്ന്നുണ്ടാകുന്ന ഭയാനകമായ സംഭവവികാസങ്ങളുമാണ് ചിത്രപശ്ചാത്തലം.കോണ്ജറിംഗ് സീരിസിലെ നാലാമത്തെ ചിത്രമാണിത്. ലൈറ്റ്സ് ഔട്ട് എന്ന ഹോളിവുഡ് ഹൊറര് ത്രില്ലറിന്റെ സംവിധായകന് ഡേവിഡ് എഫ് സാനബര്ഗാണ് അനബെല്ല ക്രിയേഷന്റെയും സംവിധായകന്. അനബെല്ലയുടെ ആദ്യ ഭാഗത്തിന് തിരക്കഥയെഴുതിയ ഗാരി ഡോബര്മാനാണ് രണ്ടാം ഭാഗത്തിനും തിരക്കഥ ഒരുക്കുന്നത്. ജെയിംസ് വാനാണ് നിര്മ്മാണം. ആഗസ്റ്റ് 11-ന് ചിത്രം തിയേറ്ററുകളിലെത്തും.
https://www.facebook.com/Malayalivartha