അനുഷ്കയ്ക സിനിമയില് ഇടവേളയെടുക്കുന്നു എടുക്കുന്നു
അനുഷ്ക ഇന്ത്യയിലെ മുന്നിര നായികമാരില് ഒരാളാണ് എന്ന കാര്യത്തില് സംശയമില്ല. ദേവസേന എന്ന കഥാപാത്രം ഇന്ത്യയിലെ എല്ലാ ഭാഷകളിലും ഹിറ്റായതോടെ താരത്തിന്റെ പൊലിമ കൂടുതല് വര്ധിച്ചു. ആയിരം കോടിയുടെ രണ്ടാമൂഴത്തിലെ ദ്രൗപതിയാകാന് അനുഷ്ക എത്തുമെന്നാണ് ഇപ്പോഴത്തെ റിപ്പോര്ട്ടുകള്. എന്നാല് ഇപ്പോള് പുതിയ ചിത്രങ്ങളൊന്നും അനുഷ്ക ഏറ്റെടുക്കുന്നില്ല എന്നാണ് നടിയോട് അടുത്ത വൃത്തങ്ങളില് നിന്നും ലഭിയ്ക്കുന്ന ഏറ്റവും പുതിയ വിവരം. അനുഷ്ക സിനിമാ ലോകത്ത് നിന്ന് ചെറിയ ഇടവേള എടുക്കുകയാണത്രെ. കാരണം വേറൊന്നുമല്ല ശരീരത്തിന്റെ ഭാരം കുറയ്ക്കാനാണ് അനുഷ്ക ഇടവേള എടുക്കുന്നത്. ഇഞ്ചി ഇടിപ്പഴകി എന്ന ചിത്രത്തിന് വേണ്ടി കൂട്ടിയ തടി കൊണ്ട് ഏറെ വിമര്ശനങ്ങള് അനുഷ്ക കേട്ടു കഴിഞ്ഞു. ഇനി എന്തായാലും തടി കുറച്ച് മടങ്ങി എത്താനാണ് അനുഷ്കയുടെ തീരുമാനം.
അതുപോലെ തന്നെ അനുഷ്കയുടെ വിവാഹ വാര്ത്തകളും ചര്ച്ചയാകുന്നുണ്ട്. ജാതകത്തില് ദോഷമുള്ളതിനാലാണ് 35 കാരിയായ അനുഷ്കയ്ക്ക് വിവാഹം നടക്കാത്തതെന്നും, ദോഷം മാറാന് ക്ഷേത്ര ദര്ശനം നടത്തി വരികയാണ് അനുഷ്ക എന്നുമാണ് കേള്ക്കുന്നത്. മോഹന്ലാലിനെ നായകനാക്കി വിഎ ശ്രീകുമാര് മേനോന് സംവിധാനം ചെയ്യുന്ന മഹാഭാരതത്തില് ദ്രൗപതിയായി അനുഷ്ക എത്തുമെന്ന വര്ത്തയുമുണ്ട് എന്നാല് ഈ വാര്ത്തയ്ക്ക് സ്ഥിരീകരണമുണ്ടായിട്ടില്ല.
https://www.facebook.com/Malayalivartha