എണ്പതുകളില് നിരവധി സിനിമകളില് ഒന്നിച്ച് അഭിനയിച്ച മമ്മൂട്ടിയും റഹ്മാനും വീണ്ടും ഒന്നിക്കുന്നു... സിനിമയിലല്ലെന്ന് മാത്രം
നീണ്ട ഇടവേളയ്ക്ക് ശേഷം മമ്മൂട്ടിയും റഹ്മാനും വീണ്ടും ഒന്നിച്ചു, സിനിമയ്ക്ക് വേണ്ടിയല്ലെന്ന് മാത്രം. തെലുങ്ക് സിനിമകളുടെ ചിത്രീകരണത്തിനെത്തിയ ഇരുവരും ഹൈദരാബാദിലെ ഒരു ഹോട്ടലിലാണ് താമസിക്കുന്നത്. ആന്ധ്രാപ്രദേശ് മുന്മുഖ്യമന്ത്രിയായിരുന്ന വൈ.എസ്.രാജശേഖര റെഡ്ഡിയുടെ ജീവിതത്തെ ആസ്പദമാക്കി ഒരുക്കുന്ന 'യാത്ര'യുടെ ചിത്രീകരണത്തിനായാണ് മമ്മൂട്ടി എത്തിയത്. മഹി വി.രാഘവ് ആണ് സംവിധാനം. 900 കിലോ മീറ്റര് പെര് ഹവര്, സെവന് എന്നീ രണ്ട് തെലുങ്ക് സിനിമകള്ക്ക് വേണ്ടിയാണ് റഹ്മാന് ഇവിടെ എത്തിയത്. പത്മരാജന്റെ കൂടെവിടെയില് തുടങ്ങിയതാണ് മമ്മൂട്ടിയും റഹ്മാനും തമ്മിലുള്ള ആത്മബന്ധം. പിന്നീട് നിരവധി ചിത്രങ്ങളില് ഇരുവരും അഭിനയിച്ചു.
തൊണ്ണൂറുകളുടെ തുടക്കത്തില് റഹ്മാന് മലയാളത്തില് തിരക്ക് കുറഞ്ഞതോടെ തമിഴില് സജീവമായി. എങ്കിലും മമ്മൂട്ടിയുടെയും മോഹന്ലാലിന്റെയും പല സിനിമകളിലും അഭിനയിച്ചു. ബ്ലാക്ക്, രാജമാണിക്യം തുടങ്ങിയ സിനിമകളില് മമ്മൂട്ടിക്കൊപ്പം പ്രധാനവേഷമായിരുന്നു റഹ്മാന്. മോഹന്ലാലിനൊപ്പം റോക്ക് ന് റോള് ഉള്പ്പെടെയുള്ള സിനിമകളില് അഭിനയിച്ചു. എണ്പതുകളില് മമ്മൂട്ടിക്കൊപ്പം ഏറ്റവും കൂടുതല് സിനിമകളില് അഭിനയിച്ച യുവനടനായിരുന്നു റഹ്മാന്. താരത്തിനും മമ്മൂട്ടിക്കും അന്നും ഇന്നും വലിയമാറ്റം ഉണ്ടായിട്ടില്ല. രണ്ട് പേരും വ്യായാമത്തിലും ഭക്ഷണത്തിലും പ്രത്യേകം ശ്രദ്ധപുലര്ത്തുന്നു.
കണ്ടു കണ്ടറിഞ്ഞു, തമ്മില് തമ്മില്, അടിയൊഴുക്കുകള്, മുക്തി, ഇത്തിരി പൂവേ ചുവന്ന പൂവേ, കഥ ഇതുവരെ, അറിയാത്ത വീഥികള്, പൂമുഖപ്പടിയില് നിന്നെയും കാത്ത്, ആയിരം കണ്ണുകള്, ചരിത്രം, എന്റെ കാണാക്കുയില്, അങ്ങാടിപ്പുറത്ത്, ആണ്കിളിയുടെ താരാട്ട്, ഉപഹാരം, എന്ന് നാഥന്റെ നിമ്മി, വാര്ത്ത, ഈറന് സന്ധ്യ തുടങ്ങിയ നിരവധി സിനിമകളിലാണ് എണ്പതുകളില് മമ്മൂട്ടിയോടൊത്ത് റഹാമാന് അഭിനയിച്ചത്. കൂടെവിടെയായിരുന്നു റഹ്മാന്റെ ആദ്യചിത്രം. മമ്മൂട്ടിയായിരുന്നു ആ ചിത്രത്തിലെ നായകന്. നായകന് തുല്യമായ വേഷമായിരുന്നു റഹ്മാന്.
https://www.facebook.com/Malayalivartha