2017 ന്റെ തുടക്കം ഗംഭീരമാക്കി കൊണ്ട് ജോമോന്റെ സുവിശേഷങ്ങള്...തിയേറ്റര് റിവ്യൂ
സത്യന് അന്തിക്കാട് ദുല്ഖര് സല്മാന് കൂട്ടുകെട്ടിന്റെ ജോമോന്റെ സുവിശേഷങ്ങള് മികച്ച പ്രതികരണത്തോടു കൂടി തിയേറ്ററില് മുന്നേറുന്നു. ഡിസംബര് 16 നു തുടങ്ങിയ സിനിമാ സമരം അവസാനിച്ചത് കഴിഞ്ഞ ആഴ്ചയാണ്. അതു കണ്ടു തന്നെ 2017 ലെ ആദ്യ മുഖ്യധാര ചിത്രമെന്ന പ്രത്യേകത കൂടി ജോമോന്റെ സുവിശേഷത്തിനുണ്ട്.
ഒരു ടിപ്പിക്കല് സത്യന് അന്തിക്കാട് ചിത്രമാണ്. ഇതാദ്യമായാണ് ദുല്ഖര്, സത്യന് അന്തിക്കാടിനെ പോലൊരു മുതിര്ന്ന സംവിധായകന്റെ സിനിമയില് അഭിനയിക്കുന്നത്. ദുല്ഖറിന്റെ അഭിനയം മികച്ച് നില്ക്കുന്നു. കഥയില് പുതുമ തോന്നിക്കുന്നില്ലെങ്കിലും സംവിധായകന്റെ മികവ് ചിത്രത്തിന്റെ വിജയത്തിന് വഴി തെളിക്കുന്നു. അച്ഛന് മകന് ബന്ധത്തെ കുറിച്ച് പറയുന്ന ചിത്രത്തില് മുകേഷ് ദുല്ഖര് കോമ്പനേഷന് നന്നായി ഇണങ്ങുന്നു. സാഹചര്യങ്ങളോട് നല്ല രീതിയില് യോജിക്കുന്ന കോമഡിയാണ് മറ്റൊരു പ്രത്യേകത. ചിത്രം ഒരേ സമയം കുടുംബ പ്രേക്ഷകരെയും യുവാക്കളെയും ഒരു പോലെ തൃപ്തിപ്പെടുത്തുന്നു. യുവാക്കളെ പോലെ തന്നെ ഈ സിനിമയില് കൂടി കുടുംബ പ്രേക്ഷകരുടെയും പ്രീതി ദുല്ഖറിന് പിടിച്ചു പറ്റാന് കഴിയും. അനുപമ പരമേശ്വര് ഇന്നസെന്റ് എന്നിവരും നല്ല രീതിയിലുള്ള അവതരണം കാഴ്ച വയ്ക്കുന്നു
സാധാരണ ഫാമിലി എന്റര്ടൈന്മെന്റ് ചിത്രങ്ങള് ട്രെയിലര് പുറത്തിറക്കിയാണ് റിലീസിനെത്തുന്ന്. എന്നാല് ആ രീതി ഇവിടെ ഉണ്ടായിരുന്നില്ല 150 ഓളം തീയറ്ററുകളിലാണ് ചിത്രം റിലീസ് ചെയ്തത്. 60 ഓളം എ ക്ലാസ് തിയറ്ററുകളിലും നൂറിനടുത്ത് ബി ക്ലാസ് തിയേറ്ററുകളിലുമായാണ് പ്രദര്ശനം നടന്നത്. ഇതോടു കൂടി ഒരിടവേളയ്ക്ക് ശേഷം വീണ്ടും മലയാള സിനിമ സജീവമാവുകയാണ്.
ഡോ ഇക്ബാല് കുറ്റിപ്പുറമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. വിദ്യാഗോഗര് പശ്ചാത്തല സംഗീതവും എസ് കുമാര് ചിത്രത്തിന്റെ ഛായാഗ്രഹണവും നിര്വഹിച്ചിരിക്കുന്നു. സേതു മണ്ണാര്ക്കാടാണ് ചിത്രത്തിന്റെ നിര്മ്മാതാവ്.
https://www.facebook.com/Malayalivartha