രണ്ടാമൂഴത്തില് മോഹന്ലാലിനൊപ്പം ഭീഷ്മരായി അമിതാഭ് ബച്ചന്
മോഹന്ലാല് ആരാധകര് ഏറെ പ്രതീക്ഷയോടെ കാത്തിരിക്കുന്ന രണ്ടാമൂഴത്തില് ഭീഷ്മരായി അമിതാഭ് ബച്ചനും. എം ടി വാസുദേവന് നായര് തിരക്കഥയെഴുതുന്ന സിനിമയില് മോഹന്ലാല് ഭീമനായിട്ടാണ് അഭിനയിക്കുന്നതെന്ന വാര്ത്തകള് നേരത്തെ വന്നിരുന്നു. എന്നാലിതാ ഇന്ത്യന് സിനിമയിലെ തന്നെ സൂപ്പര്സ്റ്റാറുകളിലൊരാളായ അമിതാഭ് ബച്ചനും സിനിമയില് പ്രധാന കഥാപാത്രത്തെ അവതരിപ്പിക്കുന്നുവെന്ന് സൂചനകളുണ്ടായിരുന്നു. സിനിമയില് ഭീഷ്മരെയാണ് അമിതാഭ് ബച്ചന് അവതരിപ്പിക്കുക.
സിനിമയുടെ അണിയറ പ്രവര്ത്തകര് തന്നെയാണ് വിവരം പുറത്തു വിട്ടിരിക്കുന്നത്. അതേസമയം ഐശ്വര്യാ റായ് സിനിമയില് അഭിനയിക്കുന്നുവെന്ന് വന്ന വാര്ത്ത അവര് നിഷേധിച്ചു. അഭിനേതാക്കളുടെ കാര്യത്തില് ആലോചനകള് നടക്കുകയാണ്. പീറ്റര് ഹെയ്നാണ് സിനിമയുടെ സ്റ്റണ്ട് കൊറിയോഗ്രാഫി നിര്വഹിക്കുക. പുലിമുരുകനിലൂടെ മലയാളി പ്രേക്ഷകര്ക്കിടയില് പ്രിയങ്കരനായ പീറ്റര്ഹെയിന് ഏറെ ആകാംഷയോടെയാണ് ഈ സിനിമയെ ഉറ്റുനോക്കുന്നത്.
ബാഹുബലി പോലെ രണ്ടു ഭാഗമായിട്ടായിരിക്കും രണ്ടാമൂഴം റിലീസ് ചെയ്യുക. ബിഗ് ബജറ്റ് ചിത്രമായിട്ടാണ് രണ്ടാമൂഴം ഒരുക്കുന്നത്. മോഹന്ലാല് നായകനായ കാണ്ഡഹാര് എന്ന മലയാള സിനിമയില് അമിതാഭ് ബച്ചന് നേരത്തെ അഭിനയിച്ചിട്ടുണ്ട്...
https://www.facebook.com/Malayalivartha