കങ്കണ മദ്യലഹരിയില്
മികച്ച നടിക്കുള്ള ദേശീയ പുരസ്ക്കാരം രണ്ട് തവണ നേടിയ കങ്കണ റണാവത്ത് അടുത്തകാലത്തായി മദ്യലഹരിയിലാണെന്ന് ബോളിവുഡ് വൃത്തങ്ങള്. നൈറ്റ് ക്ലബുകളിലാണ് താരത്തിന്റെ താമസമെന്ന് പലരും പറയുന്നു. സുഹൃത്തുക്കളും ബോളിവുഡും വളരെ ആശങ്കയോടെയാണ് ഇത് നോക്കിക്കാണുന്നത്. എന്തിനാണിങ്ങനെ നശിക്കുന്നതെന്ന് പലര്ക്കും വ്യക്തമായി ഉത്തരം പിടികിട്ടിയിട്ടില്ല. ഋതിക് റോഷനുമായുള്ള ബന്ധം തകര്ന്നതാണ് കങ്കണയെ പിടിച്ചുലച്ചതെന്ന് അറിയുന്നു.
വ്യത്യസ്തമായ രീതിയില് അഭിനയിക്കാനും ഗ്ലാമര് വേഷം ധരിക്കാനും മടിയില്ലാത്ത താരമാണ് കങ്കണ. അഭിനയത്തിനും മോഡലിംഗിനുമായി വീട്ടുകാരോട് പോലും കലഹിച്ചാണ് യൗവനത്തിലേ കങ്കണ വീട് വിട്ടത്. മുംബയിലെത്തി ഒറ്റയ്ക്ക് താമസിച്ചു. ഒരുപാട് അലഞ്ഞു. പലരുടെയും ചൂഷണത്തിന് വിധേയമായി. അവസാനം തന്റെ ജീവിത വിജയത്തിലവര് എത്തി. ഋതിക്കുമായുള്ള പ്രണയം ജീവിതത്തില് ഒരുപാട് മറ്റം കൊണ്ടുവരുമെന്ന് അവര് ആഗ്രഹിച്ചു. ഭര്ത്താവും കുട്ടികളുമൊത്ത് ജീവിക്കാനവര് കൊതിച്ചു. എന്നാല് ഒരു ദിവസം കൊണ്ട് കാര്യങ്ങള് തകിടം മറിഞ്ഞു. ഋതിക് തന്നെ വഞ്ചിക്കുകയായിരുന്നെന്നാണ് താരം പറഞ്ഞത്.
സ്വകാര്യമായി അയച്ച ഇമെയില് പോലും ചോര്ന്നു. സഹിക്കാനാവാതെ ഒടുവില് ഋതിക്കിനെതിരെ ആഞ്ഞടിച്ചു. പിന്നീടാണ് താരം മദ്യത്തിന് അടിമപ്പെട്ടതെന്ന് അറിയുന്നു. രണ്ടാമത് ദേശീയ പുരസ്ക്കാരം ലഭിച്ച ക്വീനിലെ നായികയുമായി കങ്കണയുടെ ജീവിതത്തിന് ഏറെ സാമ്യമുണ്ടായിരുന്നു. പക്ഷെ, അതിലെ കഥാപാത്രത്തെ പോലെ ശുഭപര്യവസായിയാകില്ല താരത്തിന്റെ ജീവിതമെന്ന് ബോളിവുഡ് വൃത്തങ്ങള് പറയുന്നു. മാതാപിതാക്കളുമായി ഇപ്പോ പ്രശ്നമൊന്നുമില്ലെങ്കിലും കങ്കണയെ നിയന്ത്രിക്കുന്നത് കങ്കണ തന്നെയാണ്.
https://www.facebook.com/Malayalivartha