ആദ്യ മകള് നഷ്ടപ്പെട്ട വേദനയിലും രണ്ടാമത്തെ മകളുടെ കളിചിരിയില് എല്ലാം മറന്ന് ഗിന്നസ് പക്രുവും ഭാര്യയും!!
തന്നെക്കാള് ഉയരത്തിലെത്തണം തന്റെ മക്കള് എന്നായിരിക്കും ഏതൊരു അച്ഛനും ആഗ്രഹിക്കുക. എന്നാല് അക്ഷരാര്ത്ഥത്തില് അച്ഛനെക്കാള് വളര്ന്ന ഒരു മകളും, അച്ഛനുമുണ്ട് മലയാള സിനിമയില്. ഗിന്നസ് പക്രുവെന്നു നമ്മളെല്ലാം സ്നേഹത്തോടെ വിളിക്കുന്ന അജയനും, മകള് ദീപ്ത കീര്ത്തിയുമാണ് ആ അച്ഛനും മകളും.
ആദ്യ മകള് നഷ്ടപ്പെട്ടതിന്റെ വേദനയില് മനസ്സ് തകര്ന്ന പക്രുവിനും, ഭാര്യ ഗായത്രിക്കും ലഭിച്ച വരദാനമാണ് ദീപ്ത കീര്ത്തി. ഇന്ന് ആ എട്ടു വയസ്സുകാരിയുടെ കളിചിരികളില് പക്രു എല്ലാ വേദനയും മറക്കും. അച്ഛന് എപ്പോഴും കുഞ്ഞായിരിക്കുന്നതില് മകള്ക്ക് വിഷമമില്ല. അഭിമാനമാണ്. എവിടെ പോയാലും ആ മകള് അഭിമാനത്തോടെ പറയും, ഞാന് ഗിന്നസ് പക്രുവിന്റെ മകള് ദീപ്ത കീര്ത്തി ആണെന്ന് മകള്ക്കൊപ്പം ഒരു കൂട്ടുകാരനായും അവശ്യ സന്ദര്ഭങ്ങളില് അച്ഛനായുമെല്ലാം പക്രു മകളുടെ കാര്യങ്ങള് നോക്കും.
അച്ഛനും മകളും കളിക്കുന്നത് കാണുമ്പോള് പലര്ക്കും രസമായിരിക്കും. എന്നാല് യഥാര്ത്ഥ ജീവിതത്തില് രണ്ടുപേരും ഭയങ്കര സീരിയസാണത്രെ. അച്ഛന്റെ കാര്യങ്ങള് നോക്കാനും മകള്ക്ക് ഭയങ്കര ഉത്സാഹമാണ്. എവിടെ ചെന്നാലും പക്രുവിന്റെ കാര്യങ്ങള് നോക്കുന്നത് ദീപ്തകീര്ത്തി ആണെന്നാണ് പക്രു തന്നെ പറയുന്നത്. പക്രുവിനെ കൂട്ടുകാര്ക്കൊക്കെ പരിചയപെടുത്തികൊടുക്കാന് മകള്ക്ക് ഭയങ്കര ഉത്സാഹമാണ്. ആര് ഫോണ് വിളിച്ചാലും അച്ഛനെക്കൊണ്ടും സംസാരിപ്പിക്കുമത്രേ ആ മകള്.
മകളുടെ തമാശകള് കുറിച്ച് പക്രു പറയുന്നതിങ്ങനെ. 'റണ് കേരള റണ്ണിന്റെ പരിപാടിയ്ക്ക് കൊണ്ടു പോകാം എന്ന് പറഞ്ഞെങ്കിലും കഴിഞ്ഞിരുന്നില്ല. പിറ്റേന്ന് പത്രത്തില് ഫോട്ടോ കണ്ടപ്പോള് അവള്ക്ക് പരിഭവമായി. വലിയ തിരക്കായിരുന്നു എന്നും കുട്ടികളെ കൊണ്ടു പോകാന് കഴിയാത്ത പരിപാടിയായിരുന്നു എന്നും പറഞ്ഞപ്പോള്, കുട്ടിയായ അച്ഛനെങ്ങനെ പോയി എന്നായിരുന്നു അവളുടെ ചോദ്യം'. എന്തായാലും ഇന്ന് ആ കളിചിരികളും തമാശകളുമാണ് പക്രുവിന്റെയും ഭാര്യ ഗായത്രിയുടെയും ലോകം..
https://www.facebook.com/Malayalivartha