നസ്രിയ തിരിച്ചെത്തുന്നു; പൃഥ്വിരാജിന്റെ നായികയായി
വിവാഹ ശേഷമുള്ള ചെറിയൊരു ഇടവേളയ്ക്ക് ശേഷം നസ്റിയ നസീം അഭിനയത്തിലേക്ക് തിരിച്ചുവരുന്നു. അഞ്ജലി മേനോന് സംവിധാനം ചെയ്യുന്ന ചിത്രത്തിലൂടെ നസ്റിയ തിരിച്ചെത്തുന്നു എന്നാണ് വാര്ത്തകള്. നല്ലൊരു തിരക്കഥ കിട്ടിയാല് നസ്റിയ തിരിച്ചുവരും എന്നും, നസ്രിയയും ഞാനുമൊന്നിച്ച് അഭിനയിക്കും എന്നും പല അഭിമുഖത്തിലും ഫഹദ് ഫാസില് പറഞ്ഞിരുന്നു. പക്ഷെ ഫഹദിന് പകരം പൃഥ്വിരാജിന്റെ നായികയായാണ് നസ്രിയ എത്തുന്നത്.
ദുല്ഖര് സല്മാന്, നിവിന് പോളി, ഫഹദ് ഫാസില് എന്നിവരോടൊപ്പം ജോഡി ചേര്ന്ന് അഭിനയിച്ച നസ്റിയ ഇതുവരെ പൃഥ്വിയ്ക്കൊപ്പം ഒരു സിനിമ ചെയ്തിരുന്നില്ല. ആ കുറവ് ഇതിലൂടെ മാറുന്നു. അതേ സമയം ഈ വാര്ത്തയ്ക്ക് സ്ഥിരീകരണം ഒന്നും തന്നെ ലഭിച്ചിട്ടില്ല. പൃഥ്വിരാജിനൊപ്പമുള്ള അഞ്ജലിയുടെ ചിത്രം നേരത്തെ പ്രഖ്യാപിച്ചതാണ്. നായികയെ സംബന്ധിച്ച കാര്യത്തിന് അഞ്ജലിയുടെ പ്രതികരണത്തിനായി കാത്തിരിയ്ക്കുകയാണ് ആരാധകര്.
നേരത്തെ അഞ്ജലി മേനോന് സംവിധാനം ചെയ്ത ബാംഗ്ലൂര് ഡെയ്സ് എന്ന ചിത്രത്തില് നസ്റിയ അഭിനയിച്ചിട്ടുണ്ട്. ഫഹദ് ഫാസിലാണ് ചിത്രത്തില് നസ്റിയയുടെ ജോഡിയായി എത്തിയത്. ഈ ചിത്രത്തിന് ശേഷമാണ് ഇരുവരും പ്രണയത്തിലായതും. ചുരുങ്ങിയ കാലം കൊണ്ട് തമിഴ് മലയാളം സിനിമാ പ്രേമികളുടെ മനം കവര്ന്ന നായികയാണ് നസ്റിയ നസീം. നസ്റിയ തിരിച്ചുവരുമോ എന്ന ചോദ്യത്തിനിടെ നടി ഗര്ഭിണിയാണ് എന്ന ഗോസിപ്പ് ആരാധകരെ നിരാശപ്പെടുത്തിയിരുന്നു.
https://www.facebook.com/Malayalivartha