ദുല്ഖറിനും നിവിനും ആസിഫിനും പിന്നാലെ വിനീത് ശ്രീനിവാസനും അച്ഛനാകുന്നു
യുവനടന്മാര് ഒന്നിന് പിറകെ ഒന്നായി മത്സരിക്കുകയാണ് അച്ഛനാകാനാന്. ദുല്ഖറിലൂടെയായിരുന്നു തുടക്കം. മെയ് അഞ്ചിനാണ് ദുല്ഖറിനും ഭാര്യ അമാലുവിനും പെണ്കുഞ്ഞ് പിറക്കുന്നത്. മെയ് 25നാണ് നിവിന് പോളി രണ്ടാമതും അച്ഛനാകുന്നത്. നിവിന് പോളിയ്ക്കും പെണ്കുഞ്ഞായിരുന്നു. ജൂണ് രണ്ടിനാണ് ആസിഫ് അലി വീണ്ടും അച്ഛനായത്. ആസിഫിനും പെണ്കുഞ്ഞായിരുന്നു.
മൂന്ന് യുവതാരങ്ങള്ക്ക് പെണ്കുഞ്ഞ് പിറന്ന സന്തോഷത്തിനിടെയാണ് വിനീത് ശ്രീനിവാസനും അച്ഛനാകുന്നുവെന്ന വാര്ത്ത പുറത്തുവരുന്നത്. താന് അച്ഛനാകുന്ന വിവരം വിനീത് തന്നെയാണ് തുറന്നു പറഞ്ഞത്. അടുത്തിടെ ഒരു മാധ്യമത്തിന് നല്കിയ അഭിമുഖത്തിലാണ് താരം ഇക്കാര്യം വ്യക്തമാക്കുന്നത്.
ധ്യാനിന്റെ വിവാഹസമയത്ത് തങ്ങളുടെ കുടുംബം സന്തോഷത്തിലായിരുന്നെന്നും എന്നാല് മറ്റൊരു സന്തോഷം കൂടി കുടുംബത്തെ കാത്തിരിക്കുകയായിരുന്നെന്നുമാണ് വിനീത് പറയുന്നത്. വയറ്റിനുള്ളിലെ ചവിട്ടും കുത്തും ഒക്കെ കാണുമ്പോള് അതിനുള്ളില് ഒരു ജീവനുണ്ടെന്ന് റിയലൈസ് ചെയ്യുകയാണിപ്പോള് താനെന്നും വിനീത് തുറന്നു പറഞ്ഞു.
സുഹൃത്തുക്കള്ക്ക് കുഞ്ഞുണ്ടാകുമ്പോള് ആ സന്തോഷത്തില് പങ്കുചേര്ന്നിട്ടുണ്ടെന്നും ഷാനിന്റെ കുട്ടിയെ ജനിച്ച അന്നു തന്നെ താന് കണ്ടപ്പോള് ഫ്രീസായി കുറച്ച് നേരം കുഞ്ഞിനെ നോക്കിനിന്നത് താനിപ്പോഴും ഓര്ക്കുന്നുണ്ടെന്നും നമ്മുടെ സ്വന്തം കാര്യമാകുമ്പോള് ഇതൊക്കെ തൊട്ടടുത്ത് നിന്ന് എക്സ്പീരിയന്സ് ചെയ്യുന്ന പ്രോസസാണെന്നും താനത് എന്ജോയ് ചെയ്യുകയാണെന്നും വിനീത് പറയുന്നു.
https://www.facebook.com/Malayalivartha