ബിഗ് ബഡ്ജറ്റ് ചിത്രത്തിനൊരുങ്ങി വിജി തമ്പിയും പൃഥ്വിരാജും
കുറച്ചുനാളായി മലയാളസിനിമയിൽ ബിഗ്ബഡ്ജറ്റ് ചിത്രങ്ങളുടെ പ്രഖ്യാപനങ്ങൾ ഒരു തുടർസംഭവമാണ് ഇതാ മറ്റൊരു വാർത്തയും .സംവിധായകൻ വിജി തമ്പിയും പൃഥ്വിരാജും വീണ്ടും ഒന്നിക്കുന്നു. നാലുവർഷത്തെ ഇടവേളയ്ക്ക് ശേഷമാണ് വിജി തമ്പി വീണ്ടും സംവിധായകന്റെ കുപ്പായമണിയുന്നത്. ആരാധകരെ ഞെട്ടിക്കാൻ തന്നെയാണ് ഇവർ വീണ്ടുമെത്തുന്നത്. വിജി തമ്പിയുടെ കരിയറിലെ ബിഗ് ബഡ്ജറ്റ് ചിത്രമായിരിക്കും ഇതെന്ന് പൃഥ്വിരാജ് പറഞ്ഞു.
മലയാളത്തിലെ മറ്റൊരു വലിയ സിനിമയായിരിക്കും ഈ പ്രോജക്ടെന്ന് പൃഥ്രിരാജ് പറഞ്ഞു. വിജി തമ്പിയുടെ സിനിമാകരിയറില് ഇടവേള വരാൻ കാരണം ഈ പ്രോജ്ക്ടിന് വേണ്ടിയായിരുന്നെന്നും പൃഥ്വി വ്യക്തമാക്കി. സിനിമയുടെ കൂടുതൽ വിവരങ്ങൾ വെളിപ്പെടുത്താൻ അദ്ദേഹം തയ്യാറായില്ല.
നേരത്തെ വേലുത്തമ്പി ദളവയുടെ ജീവിതം ആസ്പദമാക്കി വിജി തമ്പി ചിത്രമൊരുക്കുന്നുവെന്ന് റിപ്പോർട്ട് ഉണ്ടായിരുന്നു. ഇക്കാര്യത്തിൽ ഔദ്യോഗിക സ്ഥിരീകണം ഉണ്ടായിട്ടില്ല. നമ്മൾ തമ്മിൽ, കൃത്യം എന്നീ സിനിമകളിലാണ് ഇതിന് മുമ്പ് വിജി തമ്പിയും പൃഥ്വിരാജും ഒന്നിച്ചത്.
https://www.facebook.com/Malayalivartha